logo

иҷтимоиёт

ТАБИБОН БОЯД ДАСТУ ДИЛИ ПОК ДОШТА БОШАНД

Ҷамъбасти фаъолияти солонаи соҳаи тандурустии вилояти Хатлон нишон дод, ки бо вуҷуди пешравиҳо, камбудиҳо низ ҷой доранд. Муовини сардори раёсати тандурустии вилоят Матлуба Шоназарова зикр кард, ки соли сипаришуда барои соҳа аз он ҷиҳат бобарор буд, ки дар натиҷаи ғамхориҳои пайвастаи Сарвари давлат дар шаҳру ноҳияҳои вилоят миқдори зиёди беморхонаву марказҳои саломатӣ, бунгоҳҳои тиббӣ эъмор гардида, муассисаҳо бо таҷҳизоти зарурии муосир таъмин шуданд.

Бо мақсади баланд бардоштани савияи дониши кормандони тиб, дар Донишкадаи таҳсилоти баъдидипломии кормандони соҳа ва шуъбаи донишкада дар шаҳри Бохтар 1 ҳазору 132 нафар шунаванда аз шаҳру навоҳии вилоят ба таҳсил фаро гирифта шуданд, ки ин тадбир, бешубҳа, дар пешрафти соҳа ва беҳтар шудани сатҳи хидматрасонӣ ба ниёзмандон мусоидат менамояд.
Ба гуфтаи муовини сардори раёсат, камбудиҳои ҷиддии соҳа нарасидани мутахассисони равоншинос, иҷро нашудани нақшаи таъмини  кати хоб, дар баъзе беморхонаҳо таъсис дода нашудани ҳуҷраҳои хатна, ҷавобгӯи талабот набудани дараҷаи касбияти бархе аз табибон ва ҷой доштани ҳолати фавти модарон мебошанд. Сари вақт дарёфт ва бистарӣ намудани кӯдакони бемор дар сохтори госпиталии КАТС – и шаҳру навоҳӣ ба талабот ҷавобгӯ набуда, зиёда аз 70 дарсади кӯдакони бистаришуда пас аз муроҷиати волидон ба табобат фаро гирифта шудаанд. Бемории гепотит ва намудҳои гуногуни он соли сипаришуда бамаротиб афзуд.
Махфират Хидирзода, муовини раиси вилояти Хатлон, тазаккур дод, ки нарасидани мутахассисон дар шаҳру навоҳии вилоят нигаронкунанда аст, зеро масъулини ноҳияҳо ва сардухтурон ба ин масъала аҳамияти намедиҳанд. Агар хатмкардагони донишгоҳу коллеҷҳои тиббӣ бо ҷойи зист таъмин мешуданд, масъала ҳалли худро меёфт.
Зикр гардид, ки фаъолияти марказҳои солимии репродуктивӣ  дар баъзе шаҳру навоҳӣ ҷавобгӯи талабот нест. Биноан, тайи соли гузашта 14 фавти модар ба қайд гирифта шудааст, ки ин ҳам дар шаҳрҳои Норак, Кӯлоб, ноҳияҳои Вахш, Кӯшониён, Дӯстӣ, Ҷалолиддини Балхӣ, Ховалинг, Восеъ, Мир Сайид Алии Ҳамадонӣ ва Данғара мебошад. Ин ҳолат кормандони соҳаи тандурустиро бояд бепарво нагузорад.
Фаъолият дар беморхонаҳои зиддисилӣ низ ба талабот ҷавобгӯ нест.
Дар кори муассисаҳои тиббии давлатӣ камбудиву норасоиҳои зиёд ба назар мерасанд. Беморон ҳоло ҳам маблағи хидматрасониро дар хазина намесупоранд.
 Дар интиҳои ҷамъомад, аҳли раёсат таъкид карданд, ки табибон бояд чун хилъати сафеди бабарнамудаашон дилу нияти пок дошта, хушмуомилаю хушгуфтор ва нафсшикаста бошанд, он гоҳ ҳам хизматрасонӣ хуб мешавад ва ҳам беморон аз фаъолияти табибон қаноатманд мегарданд.
Зокир ҲАСАН,  “Ҷумҳурият”


Баёни ақида (0)    Санаи нашр: 14.01.2019    №: 11    Мутолиа карданд: 198

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед