logo

фарҳанг

СУБҲИ САОДАТ

Дар ҳошияи китоби пурарзиши Пешвои миллат муҳтарам Эмомалӣ Раҳмон «Уфуқҳои истиқлол»
Ҳаракатҳои бузурги таърихӣ марбут ба номи шахсиятҳои барҷастаест, ки бо нуфузи худ бар афкор ва андешаи миллатҳо таҳаввулоти амиқеро дар ҷомеаи башарӣ эҷод кардаанд. Ин гуна шахсиятҳо ҳамчун раҳнамои саодати инсонҳо, илова бар поягузории таҳаввулоти иқтисодиву иҷтимоӣ ва фарҳангӣ, шахсан барои тағйири вазъи мавҷуд ва ҷойгузинии низоми матлуб вориди майдон шуда, мондагортарин таҳаввулоти иҷтимоиро офаридаанд. Корномаи Асосгузори сулҳу ваҳдати миллӣ - Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон аз ҳамин манзар метавонад қобили шиносоӣ ва арҷгузорӣ бошад. Зеро тағйироти бузурги сиёсӣ ва иҷтимоие, ки дар Тоҷикистон рух дод, мунҳасир ба фард, яъне Пешвои миллат  буда, тавонист дар ҳаёти сиёсиву иҷтимоӣ ва фарҳангии  тоҷикони охири садаи бист ва ибтидои садаи бисту як дигаргуниҳои бузургеро ворид созад, ки ба раванди созандагиҳои босамари  минтақаӣ ва ҷаҳонӣ низ таъсиргузор аст. Инак, китоби пурарзиши Пешвои муаззами миллат  «Уфуқҳои истиқлол», ки ба тозагӣ ба чоп расид, фароянди ҷараёни таърихии шаклгирии истиқлолияти кишвар, фарозу фуруди он ва дигаргуниҳои азимеро, ки дар фосилаи бисту панҷ соли таърихи навини тоҷикон ба вуқӯъ пайваста, бо камоли диққат ва равшанӣ инъикос намудааст.
Пешвои миллат дар ин китоб бо нигоҳе тоза «дар бораи бисту панҷ соли душвор, вале пурифтихори Истиқлолияти давлатии Ҷумҳурии Тоҷикистон фикру андешаҳои худро баён» намудаанд, ки аз нигоҳи сиёсиву иҷтимоӣ ва фарҳангӣ вижагиҳои нигариши таҳлилии он касро ба воқеияти муҳими таърихии аз сари миллат гузашта ва равишҳои тағйирҳову таҳаввулоти он ифода мекунад.  Аз ин ҷиҳат, китоб фақат баёнгари воқеиятҳои як давраи ҳассос ва тақдирсози таърихи миллат набуда, балки чароғи раҳнамоест фарорӯйи донишпажӯҳони андешаҳои ҷомеашиносӣ барои таъбир ва шарҳу басти бештари дигаргуниҳое, ки дар як фосилаи кӯтоҳи замонӣ дар сарзамини тоҷикон ва сарнавишти миллат ба вуқӯъ пайвастааст.
Дар китоб дигаргуниҳои ҳосилшуда аз фароянди истиқлол дар тағйири таркиби сохтори давлатдорӣ, ниҳодҳои сиёсиву раҳбарӣ, низоми иҷтимоӣ ва вазифаҳову масъулияти онҳо  нишон дода шудааст, ки натиҷаи фаъолияти босамар ва хиради Сарвари давлат мебошад.
Пешвои миллат бо дарки саҳеҳ аз рӯҳ ва ҷавҳари ормонҳои дарозумри миллат бо нигоҳе фарох ба фардои дурахшони кишвар навишта: «Дар марҳилаи нави рушди кишвар сулҳу ваҳдати миллӣ бояд ҳамчун як арзиши умумимиллӣ, ҳамчун як фарҳанг ва як андешаи  фарогири мардумӣ фаҳмида шуда, ваҳдати мусолиматомези намоядагони ҳамаи неруҳои сиёсӣ, ҳизбу ҳаракатҳо, афкору ҷаҳонбиниҳо, дину мазҳабҳо ва қавму миллатҳои сокини Тоҷикистонро ифода кунад». Ин назар дар такя ба огоҳӣ ва бедории мардуми кишвар гуфта шудааст, ки моҳияти ояндасозӣ дорад. Аммо бар ин нукта низ таъкид дорад, ки огоҳӣ, бедорӣ, эҷоди зеҳният ва бовари умумӣ бояд тавассути қишри огоҳи ҷомеа, аз ҷумла донишмандон, адибон ва аҳли фарҳанг анҷом гирад.
Ба ин тартиб, Пешвои миллат бар ин назаранд, ки шукуфоии маънавию моддӣ, муҳаббат ба кор, андеша ва дониши як миллат танҳо замоне  ба вусъат ва умқи фарогир даст меёбад, ки соҳиби маънавиёт ва ройи солим дар доираи озодии инсонӣ, андешаи ахлоқӣ ва такомули иҷтимоӣ гардад.
Китоби  «Уфуқҳои истиқлол»  маҷмӯаи андешаву орои ватансозӣ ва миллатсозии  Пешвои миллат буда,  метавонад хонандаи огоҳро сари арзишҳои ҷовидонаи миллӣ ба андеша во дорад, андешае, ки раҳи камол ва худшиносиву худсозиро менамояд.
Сайрам БАҚОЗОДА,
номзади илмҳои филология


Баёни ақида (0)    Санаи нашр: 31.01.2019    №: 24    Мутолиа карданд: 251

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист

Дар Ӯзбекистон таҳияи сенарияи ягонаи тӯйҳоро пешниҳод доранд

Ҷаҳон дар як сатр

04.11.2019


Вохӯрии Шукурҷон Зуҳуров бо ҳайати вакилони Парлумони Аврупо

Ҷаласаи Шӯрои миллии рушди маориф баргузор шуд

Машварати сиёсии вазоратҳои корҳои хориҷии Тоҷикистону Туркманистон

Чин ва ИМА масоили асосии созишномаи тиҷоратиро мувофиқа намуданд

Соли гузашта дар дунё 8 ҳазор амали террористӣ руй дод

Қазоқистон таъсиси Шӯро оид ба рушди иқтисоди рақамӣ дар СҲШ - ро пешниҳод кард

Барномаи ҳамкории иқтисодии кишварҳои СҲШ то соли 2035 қабул шуд


Дар сомонаҳои дигари Тоҷикистон хонед