logo

фарҳанг

"ТОҶИКИСТОН ВА ҶАҲОН" БАРНОМАИ МУАССИР ДАР ФАЗОИ ИТТИЛООТӢ

Манфиатҳои миллӣ ва суботи ҷомеа тақозо менамоянд, ки васоити ахбори оммаи ватанӣ на танҳо дастгоҳи тавонои хабарӣ бошанд, балки дар муборизаи иттилоотӣ барои ҳифзи манфиатҳои миллӣ, алалхусус амнияти давлат ва ҷомеа хизмат кунанд.         
Эмомалӣ РАҲМОН

Барномаи муаллифӣ ва таҳлиливу сиёсие, ки масоили зиёди сиёсиву амниятӣ, иқтисодиву иҷтимоӣ, илмиву маърифатӣ ва ахлоқиву фарҳангиро дар шабакаҳои телевизионии Тоҷикистон баррасӣ менамояд, барномаи «Тоҷикистон ва ҷаҳон» аст. Пас аз таъсиси барномаи мазкур, 7 феврали соли 2012, инак ҳафт сол мешавад, ки  «Тоҷикистон ва ҷаҳон» ҳар ҳафта ба муддати як соат бетаъхир ҳар шоми сешанбе тариқи Телевизиони Тоҷикистон пахш мегардад.
То ҳол бахшҳои зиёди ин барнома бо дархости тамошобинон ва ҳаводорони Телевизиони Тоҷикистон дар фиттаҳо (дискҳо) сабт шуда, дар муассисаҳои таҳсилоти миёна, донишгоҳу донишкадаҳо, марказҳои динӣ, қисмҳои низомӣ, ҷамоатҳо, ҳамоиш ва конфронсҳои марбут ба обу экология, терроризму ифротгароӣ паҳн ва ба намоиш гузошта шудааст. Ҳамзамон, намунаҳо ва бахшҳои зиёди барномаи «Тоҷикистон ва ҷаҳон», ки маҳз масъалаҳои экологӣ, минтақаҳои сайёҳиву ҷаҳонгардӣ, муаррифии фарҳангу тамаддун ва ҷуғрофияи Тоҷикистонро дар бар мегиранд, барои ҷалби сармоягузорони хориҷӣ ва сайёҳон ба чандин кишварҳо, аз ҷумла ИМА, Россия, Кувайт, Амороти Муттаҳидаи Араб, Арабистони Саудӣ, Куриёи Ҷанубӣ, Ҷопон, ҷумҳуриҳои Қазоқистону Ӯзбекистон фиристода шудаанд. Ҳоло дар Донишгоҳи миллии Тоҷикистон се нафар аз магистр ва аспирантон дар бораи барномаи «Тоҷикистон ва ҷаҳон» ба навиштани корҳои илмӣ машғуланд. Дар баробари ин, баъзе аз нашрҳои ин барнома дар шакли мақолаҳои проблемавӣ бо таҳриру иловаҳо дар расонаҳои чопӣ ва интернетӣ нашр  шудаанд. Гуфтан мумкин аст, ки таҳиягарони барнома дар муаррифии Тоҷикистон саҳм гирифтанд.
Бояд гуфт, ки вижатарин қисматҳои барномаи мазкур ҳар моҳ як маротиба дар телевизионҳои вилоятии Суғд ва ВМКБ пахш мегардад. 
Яке аз нашрҳои ин барнома, ки маҳз ба мавзӯи амният ва суботи Ҷумҳурии Исломии Афғонистон ва қатли бераҳмонаи ҷавондухтари афғон ба номи Фархунда бахшида  шуда  буд, бо  дархости  Телевизиони «Тулӯъ» - и Афғонистон ба ин кишвар фиристода ва пахш гардид.
Доир ба нақшу мавқеи барномаи мазкур дар фазои иттилотии кишвар, Худобердӣ Холиқназар, сиёсатшинос, чунин гуфт: «Дар дунёи пур аз сару садоҳо, дар асри мубориза барои бақо ва пойдорӣ, замоне ки иттилоот баҳри муаррифии давлатҳо нақши калидӣ дорад, дар марҳалаи ҳассосе, ки васоити ахбори омма дар сарнавишти халқу миллатҳо муассиртар аз солҳои қабл аст, тарғибу ташвиқи сиёсати пешгирифтаи давлату Ҳукумати Тоҷикистон ҷиҳати иттилоърасонӣ ва огоҳии аҳолии кишвар беш аз ҳарвақта зарур мебошад. Аз нигоҳи фалсафаи иҷтимоӣ ва равоншиносии журналистӣ барномаи «Тоҷикистон ва ҷаҳон» то ҷое тавонистааст дар муддати ҳафт соли интишори худ дар Телевизиони Тоҷикистон бисёре аз ҳақиқатҳои норӯшанмондаро рӯшан созад».
Ба  андешаи  Раҳималӣ Нуриддинов, мудири  кафедраи муносибатҳои байналхалқии Донишгоҳи миллии Тоҷикистон, доктори илмҳои сиёсӣ, дар Тоҷикистони имрӯз, ки дар рӯ ба рӯи паёмадҳои сангини иттилоотӣ ва ҳасодати  бегонагон қарор дорад маҳз барномаи сиёсиву таҳлилие ба монанди «Тоҷикистон ва ҷаҳон» - и Телевизиони Тоҷикистон метавонад ҷомеаи ҷавони кишварро ба маҷрои дуруст ва шинохти воқеъияти зуҳуроти асри XXI ҳидоят намояд. Зеро муаллиф ва ровии барнома Фатҳиддини Замон донандаи забонҳои хуби хориҷӣ, аз ҷумла арабӣ, англисӣ ва русӣ мебошад, ки барои як журналист донистани чунин забонҳои ҷаҳонӣ худ дастоварди арзишманде дар роҳи муаррифии Ватан ва саодати хештан аст.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 06.02.2019    №: 28    Мутолиа карданд: 166

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед