logo

иҷтимоиёт

ҚАРЗ. НИГАРОНӢ АЗ ФОИЗҲОИ БАЛАНД

Бо мақсади тақвияти соҳибкории хурду миёна, дарёфти роҳҳои ҳалли  масоили дастрасӣ ба маблағ, тарҳрезӣ ва амалисозии барномаҳо бо дастгирии мақомоти иҷроияи ҳокимияти давлатии вилояти Хатлон дар ҳамкорӣ бо Бонки аврупоии таҷдид ва рушд дар тарабхонаи «Кохи Малика» - и шаҳри Бохтар бо иштироки намояндагони сохторҳои масъул, БАТР,  ширкатҳои хурду миёнаи тиҷоратии  ташкилотҳои байналмилалӣ, маҳаллӣ ва ассотсиатсияҳои сармоягузорӣ, соҳибкорон ва роҳбарони ширкатҳои тиҷоратӣ  «Рӯзи  дарҳои кушода» баргузор гардид.
Нахуст муовини раиси вилоят Раҷабалӣ Раҷабов аҳли ҳамоишро бо масоили баррасишаванда шинос  намуда, аз намояндагии бонк барои баргузор кардани чунин чорабинии муфид ва бамаврид изҳори сипос намуд. Зикр гардид, ки Тоҷикистон ҳамкориро бо ин бонки бонуфузи ҷаҳонӣ дар солҳои соҳибистиқлолӣ оғоз намуда, дар ҳамкорӣ як қатор лоиҳаҳоро амалӣ намудааст. Дар вилоят, хусусан ноҳияҳои ҷанубӣ, дар заминаи ҳамкорӣ бо Бонки аврупоии таҷдид ва рушд лоиҳаҳои барқарорсозии шабакаҳои обу корез, таъмини корхонаҳои  фаръии давлатии хоҷагии манзилию коммуналӣ бо техника ва дигар воситаҳо амалӣ гардидаанд. Ҳамчунин, дар доираи ҳамкориҳо барои дастрасии 39 нақлиёти мусофирбар тендер ба нақша гирифта шуда, 46 лоиҳаи қарзӣ пешниҳод  гардидааст. Аз лоиҳаҳои пешниҳодшуда ҳамагӣ 6 лоиҳа дастгирӣ ёфтааст, ки ин  нишондиҳанда ниҳоят кам мебошад. Аз ин лиҳоз, муовини раиси вилоят ба намояндагии бонк пешниҳод намуд, ки бо мақсади дастгирии соҳибкории хурду миёна ва таҳияи лоиҳаҳо дар вилоят маркази машваратӣ таъсис дода шавад. Аз соҳибкорон даъват ба амал оварда шуд, ки дар пешниҳоди лоиҳаҳо таваҷҷуҳи  асосиро ба саноатикунонии мамлакат, ки ҳадафи чоруми стратегӣ маҳсуб меёбад, равона намоянд.
Сипас, Айтен Рустамова, роҳбари намояндагии Бонки аврупоии таҷдид ва  рушд дар Тоҷикистон, аҳли ҳамоишро бо фаъолият ва имкониятҳои бонк шинос намуда, оид ба як қатор лоиҳаҳо, ки то ин муддат дар ҳудуди Тоҷикистон бо маблағгузории бонк  амалӣ гардидаанд, маълумот дод. Доир ба натиҷаи лоиҳаҳои татбиқгашта роликҳо ба намоиш гузошта шуданд. Зикр гардид, ки намояндагии БАТР дар Тоҷикистон ҳадаф дорад, ки  бо мақсади тақвияти соҳибкории хурду миёна  доираи ҳамкориро бо ширкатҳои тиҷоратӣ васеъ намояд ва ба соҳибкорони ба дастгирии молиявӣ ва машваратӣ ниёздошта кумак намуда, дар ин замина дар амалишавии ҳадафҳои рушд саҳмгузор бошад.
Дар ҳамоиш, ҳамчунин, шарикони боэътимоди БАТР,  намояндагии  Бонки аввалини молиявии хурд дар шаҳри Бохтар ва Бонки "Эсхата" оид ба фаъолияти худ дар самти ҳамкорӣ ва амалисозии лоиҳаҳо, маблағгузорӣ ва дастгирии соҳибкорон, пешниҳоди қарз барои рушди  соҳибкории хурду миёна, сарчашмаҳои маблағгузорӣ ва расондани хизмати шаффоф  ба мизоҷон пешниҳодҳо намуданд.
Дар радифи дигар масоили баррасишуда, оид ба истифодаи пурсамари марказҳои машваратӣ низ маълумот дода шуд. Ситора Бобоҷонова, менеҷери пешбарандаи маркази машваратии Бонки аврупоии таҷдид  ва рушд, истифода аз хизматрасонии ширкати машваратиро дар рушди  соҳибкории хурду миёна бамаврид шумурд.
Тавре гуфта шуд, гурӯҳи дастгирии соҳибкории хурди Бонки аврупоии таҷдид ва рушд дар Тоҷикистон воситаи пурсамарест барои мусоидат ба рушди соҳибкории хурду миёна, расондани кумак ба ширкатҳо ва мутобиқшавӣ ба талаботи бозори муосир.
Иштирокчиёни ҳамоиш ба суолҳои сершумори  худ аз ҷониби намояндагии БАТР дар Тоҷикистон ва дигар шарикони боэътимоди  онҳо посухҳои қаноатбахш гирифтанд. Аксари соҳибкорон аз зиёд будани фоизҳои  қарзӣ изҳори нигаронӣ карданд. Аз намояндагии Бонки миллӣ дар вилояти Хатлон дархост шуд, ки фоизгузориро ба маблағҳои қарзӣ дар бонкҳо таҳти назорат қарор диҳад. 
Дар интиҳо пешниҳод шуд, ки дар маркази вилоят намояндагии маркази машваратӣ оид ба дастгирии соҳибкорон таъсис дода шавад.  
Зокир ҲАСАН, “Ҷумҳурият”


Баёни ақида (0)    Санаи нашр: 07.02.2019    №: 29    Мутолиа карданд: 169

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед