logo

маориф

АЗ ШИНОХТИ РИСОЛАТ ТО ЭҲСОСИ МАСЪУЛИЯТ

Бо баланд бардоштани сатҳи фаъолият ва пажӯҳишҳо Донишгоҳи давлатии Кӯлоб ба номи Абуабдуллоҳи Рӯдакӣ нисбат ба солҳои пешин мавқеи болотарро соҳиб гардида, бештар бархӯрдор аз шуҳрату маҳбубият чи дар дохил ва чи берун аз кишвар мешавад. Суҳбати хабарнигори рӯзнома Абдулқодири Раҳим бо ректори ин муассисаи таълимӣ, доктори илмҳои физика ва математика, профессор, узви вобастаи Академияи илмҳои Ҷумҳурии Тоҷикистон Абдулло Ҳабибулло дар ин хусус аст.
- Албатта, донишгоҳи Шумо ҳамасола ба дастовардҳои назаррас ноил мешавад, аммо фикр мекунам, ки дар соли гузашта он фарқкунанда буд, махсусан дар бунёду таъсиси марказҳову муассисаву факултаи нав.
- Воқеан, якчанд сохторҳои нав бунёд гардиданд, ки гувоҳи пешравиҳои донишгоҳ мебошанд. Бунёди марказҳои таҳсилоти фосилавӣ, касбомӯзӣ ва кӯдакистони ҷавобгӯи талаботи давр, таъсиси муассисаи такягоҳии литсей барои хонандагони лаёқатманд, факултаи фарҳанг ва санъат аз ин қабиланд. Ҳамчунин, муҷассамаи устод Абуабдуллоҳи Рӯдакӣ аз тарафи пайкартарошони шаҳр офарида шуда, дар назди бинои донишгоҳ насб гардид. Бо муҳимияту аҳамияти дастовардҳо Ташкилоти байналмилалии сифати аврупоии Институти швейтсариягӣ (Донишгоҳи Оксфорди Британияи Кабир) бо қарори худ Донишгоҳи давлатии Кӯлоб ба номи Абуабдуллоҳи Рӯдакиро сазовори Иҷозатнома (литсензия) ва сертификати байналмилалии Аврупо донистааст.
- Сухан аз таҳсилоти фосилавӣ рафт. Мехоҳам дар ин хусус суҳбатро идома ва маълумоти бештар бидиҳед. Яъне, дар ин самт чӣ корҳо вобаста ба талаботи давр ба фарҷом расиданд ва ҳам чӣ натиҷа доданд?
- Ба хотири беҳтар ба роҳ мондани таҳсилоти фосилавӣ сомонаи низоми он ба шакли «MOODLE» таъсис дода шуд, ки дар шабакаи интернет бо суроғаи fosilavi.kgu.tj фаъолият менамояд. Зиёда аз 1185 нафар донишҷӯи низомии таҳсилоти фосилавӣ ва 658 нафар омӯзгори донишгоҳ аз сомонаи номбурда ҳамвора кор мегиранд. Маводи дарсии мултимедиявӣ, тестҳо, сабтҳои видеоӣ ва дигар маводи таълимии электронӣ дар сомона ҷой дода шудаанд.
- Иштироки истеъдодҳои ҷавони донишгоҳ дар озмунҳои сатҳи ҷумҳуриявӣ ва вилоятӣ чӣ гуна аст?
- Хуб ва қонеъкунанда мебошад. Онҳо дар ин гуна озмунҳо сазовори ҷойҳои намоён гардиданд. Аз ҷумла, дар озмуни ҷумҳуриявии «Беҳтарин лоиҳаҳои инноватсионӣ (навоварӣ)» миёни ихтироъкорону навоварони ҷавон аз синни 14 то 30 – сола донишҷӯи донишгоҳ Фирӯз Сайфуддинов сазовори ҷойи якум шуда, бо диплом ва туҳфаҳои хотиравӣ сарфароз гардид. Инчунин, соҳиби патенти дуюми худ гашт. Магистранти курси дуюм Убайдулло Сулаймонов дар конфронсҳои ҷумҳуриявӣ баромад намуда, бо якчанд ифтихорномаву дипломҳои Вазорати маориф ва илми ҷумҳурӣ, ба монанди «Навоварон ва ихтироъкорони наврас ва ҷавон», «Лоиҳаи беҳтарини инноватсионӣ дар истифодаи техника ва технологияи навин дар раванди таълим», «Магистранти беҳтарини сол» сазовор шуд. Дар олимпиадаи донишҷӯёни муассисаҳои таҳсилоти олии касбии ҷумҳурӣ 5 нафар донишҷӯи ин муассисаи таълимӣ сазовори ҷойҳои дуюм ва сеюм гардиданд.
- Тавре иттилоъ ёфтем, 5 нафар устоди донишгоҳ рисолаҳои доктории хешро барои ҳимоя омода намуданд. То куҷо он ҳақиқат дорад? Ва ҳам ҳимояи рисолаҳои пажӯҳишӣ дар кадом сатҳ мебошад?
- Ин иттилоъ дуруст аст. Инчунин, дар соли гузашта 7 нафар унвонҷӯ ба дифоъ намудани рисолаҳои номзадӣ ва як нафар ба рисолаи докторӣ комёб шуданд. 5 нафар омӯзгорону унвонҷӯён барои ҳимояи рисолаҳои пажӯҳишии худ дар ин моҳ ва моҳи марти соли ҷорӣ иҷозатномаи шӯроҳои дисертатсиониро гирифтанд. Барои ҷалби бештари зеҳнҳои пажӯҳишгарон ба ҷусторҳои илмӣ ба 22 нафар рухсатии эҷодӣ дода шуд. Ифтихорманди стипендияи Президенти Ҷумҳурии Тоҷикистон унвонии «Дурахшандагон» М. Мирсаидов шомили докторантураи Институти иқтисодиёт ва хоҷагии халқи назди Президенти Федератсияи Россия гардид. Аз рӯйи квотаҳои хориҷӣ барои соли таҳсили 2018 – 2019 ҳафт нафар донишварзон барои идомаи таҳсил ва боло бурдани сатҳи касбият ба кишварҳои Россия, Ҳиндустон, Чин ва Туркия сафарбар гардиданд.
- Аз рушди варзиш ва комёбиҳои донишҷӯён дар ин самт мехоҳам ёдовар бишавед.
- Варзишгарони донишгоҳ 38 медали тилло, 52 нуқра, 61 биринҷӣ ва 84 ифтихорнома ба даст оварданд. Аз ҷумла, донишҷӯ Фазлиддин Муродов дар мусобиқаи сатҳи байналмилалӣ аз рӯи варзиши ҷию ҷитсу сазовори ҷои аввал ва медали тилло гардид.
Сорбон Латифов, донишҷӯи ин муассиса, дар мусобиқаи ҷаҳонии самбо байни 93 давлати дунё, дар шаҳри Сочии Россия сазовори ҷойи сеюм ва медали биринҷӣ шуд.
Биноӣ Раҳимов бошад, дар якумин Чемпионати кушоди Осиё оид ба таэквандо ширкат варзида, ба гирифтани мақоми сеюм мушарраф гардид.
Дастаи духтарони волейболбози донишгоҳ дар мусобиқаи ҷумҳуриявӣ байни донишҷӯёни муассисаҳои олии касбии кишвар мақоми аввалро ба даст овард.
- Барнома ё худ дурнамои фаъолиятатон чӣ гуна аст?
- Барнома ва ҳам фаъолияти мо дар Паёми навбатии Пешвои миллат ба Маҷлиси Олии ҷумҳурӣ равшану возеҳ ифода ёфтааст. Ва ҳам вобаста ба он супоришҳои дахлдорро додаанд. Яъне, иқтидори илмӣ бояд таҳким бахшида шавад. Пояҳои моддӣ – техникии муассисаи таълимиро устувор намоему ҷавобгӯи талаботи давр. Барои боло бурдани сатҳу сифати таълим тамоми тадбирҳоро биандешему истифода бикунем. Усулҳои фаъоли таълимро ҷорӣ бинамоем. Сарвари давлат зимни ироаи ин Паём таъкид доштанд, ки такмили таълим ва омӯзиши забонҳои русиву англисӣ қонеъкунанда нестанд. Моро зарур аст, ки ба ҳалли ин масъала диққати ҷиддӣ бидиҳем ва дар ҳалли он муваффақ бигардем.


Баёни ақида (0)    Санаи нашр: 18.02.2019    №: 36    Мутолиа карданд: 369

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр


Дар сомонаҳои дигари Тоҷикистон хонед