logo

ҳуқуқ

НИГАРОНӢ. ЧАРО ҶИНОЯТКОРӢ ДАР БАЙНИ НОБОЛИҒОН АФЗОИШ ЁФТ?

Таҳлили вазъи ҷинояткорӣ нишон медиҳад, ки қатъи назар аз чораҳои андешидашуда ҷиҳати пешгирӣ ва огоҳкунии ҷинояту ҷинояткорӣ соли сипаришуда дар  ҷумҳурӣ дар байни ноболиғон содир намудани ҷиноят афзоиш ёфтааст, ки боиси нигаронист.
Дар робита ба ин, Бахтиёр Нуриддинзода, прокурори Раёсати назорати иҷрои қонунҳо оид ба ноболиғон ва ҷавонони  Прокуратураи генералии Ҷумҳурии Тоҷикистон, иброз дошт, ки дар соли 2018 аз тарафи ноболиғон ва бо иштироки онҳо 907 ҷиноят сабт шудааст.
Бино ба иттилои манбаъ, ин ҷиноятҳо аз ҷониби 780 ноболиғ содир гардидааст, ки нисбат ба ҳамин давраи соли гузашта 217 ҷиноят  ё 31,4 дарсад зиёд мебошад. Дар байни нафарони ба ҷинояткорӣ айбдоршаванда 25 нафарро духтарон ташкил медиҳанд, ки ҷойи таассуф аст. Соли гузашта дар содир намудани ҷиноятҳои гурӯҳӣ  85 нафар ноболиғ, аз ҷумла 65 нафар дар якҷоягӣ бо калонсолон ва 20  нафар дар гурӯҳи ноболиғон, иштирок намудаанд. Аз шумораи умумии ноболиғоне, ки ҷиноят содир намудаанд, 231 нафар  хонандаи  муассисаҳои таҳсилоти миёнаи умумӣ, 4 нафар миёнаи махсус ва 6 нафар хонандаи  омӯзишгоҳҳои касбӣ буда, 539  нафаро ноболиғоне ташкил медиҳанд, ки ба кор ва хондан машғул нестанд.
Категорияи ҷиноятҳои содирнамудаи ноболиғон дар ин давра одамкушӣ 1, қасдан расондани зарари вазнин ба саломатӣ   11, таҷовуз ба номус 3, ҳаракатҳои  зӯроварии дорои хусусияти шаҳвонӣ 10, тайёр кардан ва истифода бурдани моддаҳои нашъаовар 5, дуздӣ 630, қаллобӣ 20, ғоратгарӣ 27,  роҳзанӣ 3, авбошӣ  89 ва дигар  намуди ҷиноятҳо 108 ҳолатро ташкил медиҳад.
Зиёдшавии ҷинояти ноболиғон дар соли 2018 бештар дар вилояти Хатлон ба чашм мерасад, ки 223 ҳолатро ташкил дода, нисбат ба соли 2017 - ум  42 ҳолат ё  23,2 дарсад  зиёд мебошад. Дар вилояти Суғд бошад,  207 ҷиноят ба қайд гирифта шудааст, ки назар ба соли 2017 - ум 37 ҳолат афзудааст. Дар шаҳри Душанбе 288 ҷиноят ошкор гардида, дар муқоиса ба ҳамин давраи соли сипарӣ 168 ҳолат бештар аст. 
Таҳлилҳои сабабу омилҳои ҷинояткорӣ дар байни ноболиғону ҷавонон нишон медиҳанд, ки маҳз беназорат мондан ва ба кори фоиданок машғул нагаштани онҳо мебошад. Масъалаи дигар ин аст, ки на ҳамаи падару модарон дар иҷрои уҳдадориҳои худ нисбат ба таълиму тарбияи фарзанд дар рӯҳияи эҳтиром ба Ватан, қонун, арзишҳои миллӣ худро масъул мешуморанд. Ҳамчунин, бекориву оворагардӣ ва дур мондан аз ҷараёни таълиму тарбия яке аз сабабҳои дигари даст ба қонуншиканӣ задани ноболиғону ҷавонон арзёбӣ мегардад, ки бояд дар ин самт ҳам падару модарон ва ҳам ниҳодҳои марбутаи давлативу ҷомеаи шаҳрвандӣ чораҳои судманду бетаъхир андешанд.
Мунаввари САФАР, «Ҷумҳурият»


Баёни ақида (0)    Санаи нашр: 19.02.2019    №: 37    Мутолиа карданд: 258

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед