logo

иҷтимоиёт

ГУЛИСТОН ШАҲРИ ГУЛБОҒУ ФАРОҒАТГОҲҲО

Дар рӯзҳои тантанаи Наврӯз дар шаҳри Гулистон бо иқдоми мақомоти иҷроияи ҳокимияти давлатӣ ва соҳибкорони маҳаллӣ чанд иншооти дорои аҳамияти иҷтимоӣ ва фарҳангӣ мавриди баҳрабардорӣ қарор мегирад.
Ба фаъолият оғоз кардани корхонаи истеҳсоли арматура - «Маҳмуд-Ко»  дар минтақаи саноатии шаҳр натиҷаи иҷрои дастуру супориш ва ҷонибдорӣ аз ташаббуси пешгирифтаи Президенти мамлакат муҳтарам Эмомалӣ Раҳмон ҷиҳати эълон доштани ҳадафи чоруми стратегӣ - саноатикунонии мамлакат маҳсуб меёбад. Корхона бо иқтидори истеҳсолии 60 ҳазор тонна маҳсулот фаъолият карда, беш аз 90 сокини маҳаллиро бо ҷойи кори доимӣ ва маоши хуб таъмин менамояд.
Наврӯзи оламафрӯз ба сокинони шаҳри Гулистон боз як армуғони идона ҳадия меорад. Акнун дар ин ҷо майдони Парчами давлатии Ҷумҳурии Тоҷикистон дар масоҳати 0,8 гектар доман густурда, дар баландии 50 метр партавфишонӣ хоҳад кард. Бунёди иншоотро паймонкорони ҶДММ «КММ-44» ба зимма гирифтаанд.
Таҷлили Наврӯзи хуҷастапай барои падару модарон, ки солиёни зиёд ба хотири фарогирии фарзандони худ ба кӯдакистонҳо навбат мепоиданд низ, хотирмон хоҳад буд. Бинои кӯдакистони фарсудаву харобгашта бо иқдоми мақомоти иҷроияи ҳокимияти давлатии шаҳр бо маблағи 3,5 миллион сомонӣ пурра навсозӣ шуда, барои 360 нафар кӯдак бо номи «Дилноз» дар рӯзҳои баҳорӣ оғӯш мекушояд.
Дар даромадгоҳи шаҳр - кӯчаи Истиқлол барои фароғати  кӯдакону наврасон дар масоҳати 0,55 гектар замин боғи фарҳангию истироҳатӣ бунёд мешавад, ки бо фарорасии ҷашни бузурги миллӣ аввалин меҳмонон ва сокинони шаҳрро истиқбол мегирад. Дар боғ фароҳам овардани тамоми шароити муосир, аз ҷумла фаввораҳои замонавӣ, чархофалак ва гулгашту боғи иборат аз дарахтони гуногуни сояафкану ороишӣ ва  буттаҳои сарсабз, тарҳрезӣ гардидааст.
Гулистон шаҳри қолинбофону энергетикҳо ва геологҳову моҳидорон буда, бо бузургтарин корхонаҳои саноатии КМ «Апрелевка», ҶДММ "Ширкати кӯҳӣ – саноатии Тоҷикистону Чин", комбинати «Адрасмон» ва фаъолияти осоишгоҳҳои машҳур, аз қабили «Шифо», «Баҳористон» ва «Соҳил» имрӯз, воқеан ҳам, шаҳри саноатӣ ва сайёҳию фароғатиро мемонад. Ин шаҳр маҳз ба шарофати соҳибистиқлолӣ, корҳои ободониву созандагӣ ва баргузории чорабиниҳои дорои аҳамияти минтақавию ҷумҳуриявӣ ба мавзеи басо зебову рангин ва муаррифи Тоҷикистон дар арсаи ҷаҳонӣ табдил ёфтааст.
Бо назардошти мавқеи  ҷуғрофӣ шаҳри Гулистон доимо дар меҳвари таваҷҷуҳи давлату Ҳукумат  қарор дорад ва барои рушду нумӯи он ҳамасола тадбирҳои зарурӣ андешида мешаванд. Ҳар сафари кории Сарвари давлат ба вилояти Суғд маҳз аз ин шаҳри соҳили «Баҳри тоҷик» оғоз гардида, масъулони вилояту шаҳр ҷиҳати боз ҳам ривоҷу равнақ додани он дастуру супоришҳои мушаххас мегиранд ва баҳри татбиқи онҳо талош меварзанд.
Фирдавс Шарифзода, иҷрокунандаи вазифаи раиси шаҳр, иброз дошт, ки рушди соҳаи саноат барои вусъати корҳои ободониву созандагӣ ва албатта, таъмини зиндагии шоистаи мардум заминаи боэътимод ва мустаҳкам мегузорад. Ба гуфтаи ӯ, соли сипаришуда корхонаҳои саноатии шаҳр бори нахуст дар даврони соҳибистиқлолӣ ҳаҷми истеҳсоли маҳсулотро ба 3,4 миллиард сомонӣ расонда, вазни қиёсии онро дар ҳаҷми истеҳсоли маҳсулоти саноатии вилоят то ба 30,1 дарсад боло бурданд. Масъулини корхонаҳои саноатӣ содироти маҳсулотро ба хориҷи кишвар марҳила ба марҳила афзоиш дода, айни замон бо 19 кишвари ҷаҳон додугирифт доранд.
Ҷовиди АШТӢ, «Ҷумҳурият»


Баёни ақида (0)    Санаи нашр: 04.03.2019    №: 46    Мутолиа карданд: 201

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед