logo

туризм

ХИЗМАТРАСОНӢ МУҲИМТАРИН ОМИЛИ РУШДИ САЙЁҲӢ

Ба андешаи коршиносони соҳа, бунёди меҳмонхонаҳои замонавӣ ва ба талаботи байналмилалӣ ҷавобгӯ яке аз омилҳои асосии рушди туризм  ба ҳисоб меравад. Зеро аз таҳлилҳо бар меояд, ки туристон ҳангоми саёҳат, пеш аз ҳама, ба сифати роҳ ва сатҳи хизматрасонӣ дар меҳмонхонаҳову соҳаи нақлиёт таваҷҷуҳи аввалиндараҷа медиҳанд.
Тибқи иттилои Кумитаи рушди сайёҳӣ, дар кишвар 170 меҳмонхона мавҷуд аст, ки миёни онҳо “Серена Душанбе”, “Ҳаят Реҷенси Душанбе”, “Лотос”, “Азия гранд ҳотел”, “Гулистон”, “Истиқлол”, “Атлас”, “Сафир” ва “Роҳат” бо хизматрасонии босифаташон шуҳратёранд. Ҷиҳати рушди инфрасохтор ва ташкили ҷойҳои нави корӣ соли 2018 дар шаҳру ноҳияҳои Бохтар, Хуҷанд, Конибодом, Истаравшан, Ваҳдат, Исфара, Панҷакент, Кӯшониён, Шамсиддини Шоҳин, Ховалинг, Хуросон, Зафаробод, Мурғоб ва Ёвон меҳмонхонаҳои хурду бузург бунёд гардида, ҳамзамон сохтмони 41 меҳмонхонаи дигар идома дорад.
Тавре Фаттоҳ Файзуллоев, раиси Ассотсиатсия созмонҳои мададрасони рушди туризм дар Тоҷикистон, иброз дошт меҳмонхонаҳои манотиқи Зарафшону Бадахшон дар ҳолати хуб қарор дошта, сатҳу сифати хизматрасонӣ ва инфрасохтори ба талаботи байналмилалӣ ҷавобгӯ доранд. Дар дигар шаҳру ноҳияҳои дурдаст давра ба давра инфрасохтори меҳмонхонаҳо ва сатҳи хизматрасонӣ хубтар шуда истодааст. Барои мисол, метавон меҳмонхонаҳои шаҳру ноҳияҳои Кӯлоб, Шамсиддини Шоҳин ва Муъминободро номбар кард, ки бо назардошти анъанаҳои миллӣ бунёд ёфта, ҳамзамон таъриху фарҳанг ва урфу одатҳои қадимаи халқро ифода менамоянд. 
Мутахассисон иброз медоранд, ки яке аз омилҳои рушди соҳаи сайёҳӣ мавҷудияти шабакаи меҳмонхонаҳо (меҳмонхонаҳои бо ҳам муттаҳид, ки аз тарафи як ё якчанд нафар идора карда мешаванд) мебошад. Вале, мутаассифона, ҳанӯз дар кишвар шабакаи меҳмонхонаҳо вуҷуд надорад. Аз ин лиҳоз, бо ҷалби  соҳибкорону сармоягузорон, дар минтақаҳои туристии кишвар ташкили шабакаи меҳмонхонаҳо бо як ном ё ба истилоҳ – бренд ба манфиати кор аст. Ё ин ки сохтани меҳмонхонаҳои бренди ҷаҳонӣ ба ғайр аз шаҳри Душанбе дар дигар минтақаҳо низ ба рушди соҳа мусоидат мекунанд. 
Мушкили дигар теъдоди ками меҳмонхонаҳо дар манотиқи баландкӯҳ, ки ба сифати мавзеъҳои сайёҳию рекреатсионӣ эътироф шудаанд, мебошад. Аз ин рӯ, баҳри пешрафти соҳаи туризм бунёди мотел, ҳостел, ҳомстей ва гестҳаусҳо дар Искандаркӯл, Артуч, Ромит, Сари Хосор, Чилдухтарон ва Чилучорчашма муҳим аст. Аз ҷониби дигар, дар шаҳру навоҳии мамлакат бояд меҳмонхонаҳои хурд ва ё ҳостелҳоро бунёд кард, ки барои  ривоҷу равнақи туризм, махсусан агротуризм, яъне сайёҳии деҳот,  мусоидат менамоянд. Ба гуфтаи Фаттоҳ Файзуллоев, чунин меҳмонхонаҳо бояд дар назди шоҳроҳҳо ва минтақаҳои сайёҳие, ки аз маркази шаҳрҳо дар масофаи дур ҷойгиранд, сохта шаванд. Зеро агар онҳо аз як тараф инфрасохтори соҳаро таъмин намоянд, аз тарафи дигар боиси болоравии сатҳи зиндагии сокинони маҳалҳо мегарданд.  Чунин таҷриба дар кишварҳое, ки сайёҳии пешрафта доранд, самараи дилхоҳ додаанд. Ин таҷриба дар мавзеъҳои сайёҳии наздикии кӯли Байкал (Россия) ва шаҳрҳои атрофи он, минтақаи Иссиқкӯл (Кирғизистон), ки дар онҳо садҳо меҳмонхонаҳои хурду бузург сохта шудаанд, васеъ истифода мешавад.
Ба гуфтаи коршиносон, амалӣ гаштани ин тадбирҳо соҳаи сайёҳиро ривоҷу равнақ бахшида, имиҷи кишварро ҳамчун мамлакати сайёҳӣ ва дорои хизматрасонии арзанда дар арсаи ҷаҳон боло мебардорад.
Комрон САФАР, “Ҷумҳурият”


Баёни ақида (0)    Санаи нашр: 04.03.2019    №: 46    Мутолиа карданд: 502

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД


Дар сомонаҳои дигари Тоҷикистон хонед