logo

ҳуқуқ

ПУРСИШ ВА ПОСУХ

Ба саволҳо Фарҳод Тоиров - узви Иттифоқи адвокатҳои Ҷумҳурии Тоҷикистон, адвокати шаҳри Бохтар ва Сиҷоуддин Ҳаётов, адвокати кабинети адвокатӣ дар ноҳияи Рашт, ҷавоб доданд.
Зимнан, агар хонандагони гиромӣ вобаста ба масъалаҳои ҳуқуқӣ пурсише доранд, метавонанд бо телефони 238 - 54 -16 ба мо муроҷиат намоянд.

Ман бо як рафиқам мағозаеро харида будам ва баъдан онро бо маслиҳат вайрон кардему дар ҳудуди қитъаи замини он маркази савдо иборат аз 3 ошёна сохта, ба истифода додем. Ҳоло рафиқам мехоҳад, ки маркази савдоро тибқи санади қабули иншоот ба номи худ ҳуҷҷатгузорӣ намояд. Пас аз қабули иншоот чӣ тавр мо ҳиссаҳои худро муайян мекунем? 
Маъмур,
шаҳри Бохтар

- Дар асоси қонунгузории граждании Ҷумҳурии Тоҷикистон шаҳрвандон метавонанд, ки барои бунёди моликияти умумӣ созиш банданд. Созиш дар бораи ба вуҷуд овардани моликияти умумӣ бо муайян кардани ҳисса дар моликияти оянда ва бидуни муайян кардани ҳисса дар моликияти умумӣ мебошад. Агар байни шумо барои бунёди моликияти умумӣ бо муайян кардани ҳисса аз маркази савдои оянда созиш ба миён омада бошад, дар ин ҳолат рафиқатон метавонад, ки пас аз қабули иншоот ҳиссаи шуморо тариқи нотариалӣ ба номатон расмӣ гардонад. Вале, агар дар муайян кардани ҳиссаи шумо баҳс ба вуҷуд ояд, онгоҳ чунин намуди баҳсҳо тариқи судӣ ҳал карда мешаванд ва ҳисса дар ин ҳолат вобаста ба саҳми гузоштаи  иштирокчии моликияти умумӣ муайян карда мешавад.

- Падарам солҳои 1960 манзили истиқоматӣ бунёд кардааст. Соли 1998 аз олам чашм пӯшид. Аз марҳум 8 фарзанд боқӣ мондем. Баъд аз гузашти 21 сол байни мо бародарон оид ба тақсими мерос низоъ пайдо шуд. Вақте ки оид ба тақсими мерос ба идораи давлатии нотариалии ноҳияи Рашт муроҷиат намудем, аз мо ҳуҷҷатҳои ҳуқуқмуқарраркунандаи манзили истиқоматӣ талаб намуданд. Мутаассифона, манзили истиқоматии мазкур ҳуҷҷатгузорӣ нашудааст. Ба мо тавсия диҳед, ки чӣ кор кунем?
Шакар ДӮСТМУРОДОВ ,
ноҳияи Рашт

- Ба шумо тавсия дода мешавад, ки аввалан қарор, ё ин ки фармон дар бораи ба марҳум падаратон ҷудо намудани қитъаи замини наздиҳавлигиро аз бойгонии минтақавии мавзеи ҷойгиршавии манзили истиқоматӣ дастрас кунед. Баъдан, тибқи сархати 1, моддаи 138 - и Кодекси мурофиаи граждании Ҷумҳурии Тоҷикистон бо роҳи ғайри судӣ оид ба эътироф намудани ҳуқуқи моликият ба мақомоти иҷроияи маҳаллии ҳокимияти давлатии маҳали зистатон муроҷиат намоед. Дар сурати аз ҷониби мақомоти иҷроияи маҳаллии ҳокимияти давлатии маҳали зист рад намудани аризаатон, шумо ҳуқуқ доред, ки дар асоси бобҳои 12 ва 19 - и Кодекси граждании Ҷумҳурии Тоҷикистон бо замимаи ҳуҷҷатҳои лозимае, ки аз тарафи мақомоти дахлдор дода мешаванд, дар бораи ба марҳум падаратон эътироф намудани ҳуқуқи моликият ба суди маҳали ҷойгиршавии манзили истиқомататон арз кунед. Баъд аз он, ки аз тарафи суд ҳуқуқи моликият ба марҳум падаратон эътироф мешавад, ба идораи нотариалии давлатии ноҳия ҷиҳати тақсими мерос дархост пешниҳод созед. Дар ҳолати пайдо шудани баҳс дар байнатон, ҳуқуқ доред, ки мувофиқи боби 60 - и Кодекси граждании Ҷумҳурии Тоҷикистон ба суд оид ба тақсим намудани мерос аз падар муроҷиат намоед. Бояд гуфт, ки ҳамаи бародарон барои гирифтани мерос аз амволи меросии марҳум падаратон ҳуқуқи баробар доранд ва мерос бо ҳиссаи баробар дар байни шумо тақсим карда мешавад.
Шуъбаи ҳуқуқи рӯзномаи “Ҷумҳурият”


Баёни ақида (0)    Санаи нашр: 09.04.2019    №: 67    Мутолиа карданд: 174

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед