logo

ҳуқуқ

МАЪРИФАТИ ҲУҚУҚӢ - ОМИЛИ СУБОТ ВА КАФОЛАТИ РУШДИ ҶОМЕА

Таҷрибаи давлатдории навини тоҷикон нишон медиҳад, ки зербинои ҳар иқдоми созандаи Пешвои муаззами миллат нахуст дар паёмҳо ба Маҷлиси Олӣ тарҳрезӣ ва, баъдан, ҳамчун дастури кор қарор мегиранд. Дар ҳамин асос, ҳар як Паёми Сарвари давлат дар низоми давлатдории навини мо ҳамчун ҳуҷҷати барномавӣ шинохта шуда, афзалиятҳои муҳими сиёсӣ, иқтисодию иҷтимоӣ, ҳуқуқӣ ва илмию фарҳангӣ касб намудааст.
Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии мамлакат низ ҳамин афзалиятҳоро доро буда, татбиқи нишондодҳои он таконбахши фаъолияти тамоми ниҳодҳои ҷомеа, аз ҷумла мақомоти судии кишвар, хоҳад буд.
Президенти маҳбуби кишвар зимни ироаи Паём ба баланд бардоштани маърифати ҳуқуқии шаҳрвандон таъкид намуда, қабули барномаи нави таълим ва тарбияи ҳуқуқии шаҳрвандонро барои даҳсолаи минбаъда зарур шумурданд: “Тавре ки маълум аст, баланд бардоштани сатҳи маърифати ҳуқуқии аҳолӣ омили асосии эъмори давлати ҳуқуқбунёд, ҷомеаи шаҳрвандӣ ва таъмин намудани волоияти қонун мебошад. Бинобар ба охир расидани муҳлати Барномаи таълим ва тарбияи ҳуқуқии шаҳрвандон барои солҳои 2009 - 2019 зарур мешуморам, ки барои даҳсолаи минбаъда барномаи нав таҳия ва қабул карда шавад”.
Дар шароите, ки ҷомеаи ҷаҳониро зуҳуроти номатлуб, чун терроризму ифротгароӣ, ҷинояту ҷинояткорӣ фаро гирифта, боиси нигаронии аҳли башар гардидааст, ин дастури Сарвари давлат басо муҳиму саривақтист. Зеро таълиму тарбияи ҳуқуқӣ дар болоравии маърифати ҳуқуқии шаҳрвандон мусоидат карда, ба паст гардидани таҳдиду хатарҳо, пешгирии шомилшавӣ ба созмону гурӯҳҳои террористӣ, ҷинояту ҷинояткорӣ нақши назаррас дорад, ки мо ҳақиқати ин амрро дар таҷрибаи судии баррасии парвандаҳо дарёфтем.
Воқеан, таҷрибаи судии парвандаҳои ҷиноятии вобаста ба терроризму экстремизм нишон медиҳанд, ки аксари шаҳрвандон, бахусус ҷавонон бар асари заъфи донишҳои дунявӣ, паст будани маърифати ҳуқуқӣ мавриди ҳадафи таблиғотчиёни ифротӣ қарор гирифта, бо роҳи мағзшӯӣ фирефтаи ҷараёнҳои номатлуб мешаванд. Аксаран, ҳолатҳое ба назар мерасанд, ки шаҳрвандони ноогоҳ ва ҳассосияти динӣ - мазҳабидошта ба доми ҳизбу ҳаракатҳои террористӣ – экстремистӣ афтода, маҳз ба далели дур будани чунин ашхос аз илму дониши дунявӣ, сатҳи ҷаҳонбинии сиёсӣ ва маърифати ҳуқуқӣ интихоб рӯи онҳо қарор мегирад. Пас, дар чунин вазъ, ҳар як шаҳрванди худогоҳ, бахусус мо, ҷавононро зарур аст, ки ҳикмати таъкидоту тасмимоти Пешвои муаззами миллатро дар худ маърифат намуда, бо донишҳои муосир мусаллаҳ бошем. Дар ин сурат кафолати пирӯзӣ бо зуҳуроти номатлуби ҷомеа, аз қабили терроризму ифротгароӣ ба ҷониби мост.
Бояд гуфт, ки то кунун татбиқи барномаҳои ислоҳоти судӣ - ҳуқуқӣ дар се марҳалаи гузашта дар такмили сохторӣ, баланд бардоштани масъулияти кормандони мақомоти судӣ ва ба талаботи қонунгузорӣ ҷавобгӯ будани фаъолияти онҳо нақши муассир гузоштааст. Бо ин вуҷуд, ташаббуси ахири Сарвари давлат дар мавриди идомаи ислоҳоти судӣ -ҳуқуқӣ нишон медиҳад, ки корҳои анҷомшуда дар доираи барномаҳои қаблӣ ниҳояти амр намбуда, ҳадаф иқтидори бештар бахшидани ҳокимияти судии воқеан адолатпарвар, мустақилу беғараз ва касбӣ мебошад.
Ин ҳама дастгириву таваҷҷуҳи Роҳбарияти Олии кишвар аз мо - кормандони мақомоти судӣ, тақозо мекунад, ки вобаста ба ҳифзи дастовардҳои Истиқлолияти давлатӣ, сулҳу ваҳдати миллӣ, таъмини адолати судӣ, волоияти қонун дар мубориза бар зидди ҷинояткорӣ, бахусус терроризму экстремизм содиқона амал намоем.
Баҳодур ИСОЗОДА, судяи суди ноҳияи Сино


Баёни ақида (0)    Санаи нашр: 10.04.2019    №: 68    Мутолиа карданд: 197

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед