logo

сиёсат

ДУШАНБЕ. РӮЗИ ПОЙТАХТ РӮЗИ ТОҶИКИСТОН АСТ

Тибқи Қонуни Ҷумҳурии Тоҷикистон «Дар бораи рӯзҳои ид» ҳар сол шанбеи сеюми моҳи апрел Рӯзи пойтахти Тоҷикистон таҷлил мегардад. Имсол ҷашни Рӯзи пойтахт ба рӯзи 20 апрел рост меояд. Бо мақсади дар сатҳи баланди ташкилӣ ва ғоявӣ – зебо ва хушу хотирмон ҷашн гирифтани он айни ҳол корҳои омодагӣ вусъат гирифтаанд. Ҷиҳати омодагӣ ва таҷлили сазовори ҷашн Рустами Эмомалӣ, раиси шаҳри Душанбе, «Дар бораи таҷлили Рӯзи пойтахти Ҷумҳурии Тоҷикистон» қарор ба тасвиб расонда, нақшаи чорабиниҳои мақомоти иҷроияи ҳокимияти давлатии шаҳрро тасдиқ кард.

Тавре аз раёсати иттилоот ва робитаҳои хориҷии дастгоҳи раиси шаҳри Душанбе ба «Ҷумҳурият» хабар доданд, мувофиқи нақша дар ин рӯз дар боғҳои фарҳангию фароғатӣ, майдону хиёбон ва назди корхонаю муассисаҳо барномаҳои гуногуни оммавию фарҳангӣ, аз ҷумла вохӯрию ҷамъомадҳо бо иштироки арбобони шинохтаи ҷомеа, собиқадорону пешоҳангони меҳнат, базмҳои рақсу суруд бо ширкати санъаткорони варзидаю ҳаваскорон, мусобиқаҳои кушоди варзишӣ, ниммарафони Х байналмилалии Душанбе, ҳавасмандгардонии ғолибони озмунҳои шаҳрӣ, ҳамчунин, сайругаштҳои оммавӣ баргузор мегарданд. Ҳунармандони моҳиру чирадаст дар доираи тадбирҳо бахшида ба Солҳои рушди деҳот, сайёҳӣ ва ҳунарҳои мардумӣ маҳсули дастони худро ба намоиш мегузоранд. Ҳамчунин, баргузории намоиши маҳсулоти кишоварзию саноатӣ, баққолию қаннодӣ ва анвои нонҳои тоҷикӣ дар назар аст.
Ҷои таъкид аст, ки пойтахти Тоҷикистон ва тоҷикони ҷаҳон – Душанбешаҳри сарсабзу хуррам дар пайи талошу заҳматҳои роҳбарияти шаҳр, сокинони боору номуси пойтахт ва таваҷҷуҳу дастгириҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сол то сол ободтару зеботар мегардад, биноҳои хуштарҳу баландошёна ва замонавии истиқоматию истеҳсолӣ, маъмурӣ, фарҳангӣ, хизматрасонӣ ва иншооти дигари азим қомат меафрозанд, боғу гулгаштҳои нав бунёд меёбанд, барномаҳои бузурги созандагӣ амалӣ мешаванд.
Тавре раиси шаҳр Рустами Эмомалӣ дар ҷаласаи ҷамъбасти натиҷаҳои рушди иҷтимоию иқтисодии шаҳри Душанбе дар соли 2018 ва вазифаҳо барои соли 2019 зикр намуд, соли гузашта дар пойтахт 22 корхонаю коргоҳи истеҳсолӣ ба фаъолият оғоз намуда, аз ҳисоби ба кор даровардани иншоот ва баланд бардоштани иқтидорҳои истеҳсоливу хизматрасонии мавҷуда дар маҷмӯъ, 27 ҳазор ҷойи нави корӣ таъсис ёфт. Истифодаи самараноки иқтидорҳои нав ва истеҳсоли маҳсулоти рақобатпазиру воридотивазкунанда имконият фароҳам оварданд, ки ҳаҷми истеҳсоли маҳсулоти саноатӣ   18,3 дарсад афзоиш ёфта, ба 2 миллиарду 194,6 миллион сомонӣ баробар шавад. Маҷмӯи маҳсулоти минтақавӣ ба беш аз 13,8  миллиард сомонӣ расида, саҳми он дар маҷмӯи маҳсулоти дохилӣ 20,1 дарсадро ташкил дод. 102 майдончаи варзишию 11 боғу гулгашти нав бунёд ва зиёда аз 200 бино пурра рангубору таҷдид гардид. Дар натиҷаи чораҳои роҳандозишуда, дар мавсими гармидиҳии 2018 – 2019 боз 181 бинову иншоот ба маркази гармидиҳӣ пайваста, шумораи умумии онҳо ба 1881 расид. Бо иштироки Пешвои миллат муассисаҳои зиёди истеҳсолию иҷтимоӣ, истиқоматӣ, маъмурӣ ва мактаби байналмилалии Академияи Кембридҷ ба истифода дода шуданд.
Соли гузашта шаҳри Душанбе ба узвияти Федератсияи умумиҷаҳонии шаҳрҳои туристӣ пазируфта шуд. Ҳамчунин, пойтахти Тоҷикистон, тибқи натиҷаи назарпурсӣ ва таҳлилҳои маркетингии агентиҳои таҳлилии Русия,  дар қатори 10 шаҳри дар айёми баҳор барои сайёҳӣ муносиби Иттиҳоди Давлатҳои Мустақил ва шаҳрҳои машҳуртарини барои сафари тирамоҳии сайёҳони рус мувофиқи ИДМ эътироф ва пешниҳод гардид.
Ҷиҳати муаррифии шоистаи шаҳри Душанбе ҳамчун симои сайёҳии мамлакат  ва фароҳам овардани имконият ҷиҳати таъмини фароғату саёҳати сокинону меҳмонони пойтахт дар доираи Соли рушди сайёҳӣ Фестивали тобистонаи Душанбе - «Dushanbe Summer Fest» (нахустин бор), фестивалу ҳамоишҳои  байналмилалӣ ва озмунҳои Наврӯзи Душанбе - меҳвари робитаҳои фарҳангию сайёҳӣ”, “Наврӯз - мероси фарҳангии сайёҳӣ”, «Чакомаи гесӯ», “Душанбе - шаҳри сайёҳӣ», ҳамчунин, намоишгоҳҳои байналмилалии маҳсулоти саноатию кишоварзӣ, фарҳангӣ, ҳунармандӣ ва иқтидорҳои сайёҳию сармоягузорӣ баргузор гардиданд.
Ҳоло Душанбе ба маркази бузурги созандагӣ ва намунаи ободӣ барои шаҳру ноҳияҳои кишвар табдил ёфтааст. Тавре муовини якуми раиси шаҳри Душанбе Маҳмадсаид Зувайдзода зимни нишасти матбуотӣ иттилоъ дод, то Ҷашни 30 - солагии Истиқлолияти давлатии Ҷумҳурии Тоҷикистон симои пойтахт куллан дигаргун мешавад. Дар асоси дастуру супоришҳои Сарвари давлат баҳри истиқболи сазовори Ҷашни 30 - солагии Истиқлолияти давлатӣ ва дар ин замина ривоҷ додани корҳои ободониву созандагӣ дар пойтахти мамлакат давоми 3 соли оянда бунёди 4000 иншооти нави таъйиноти гуногун пешбинӣ шудааст.
Баробари татбиқи амалии нақшаҳои ояндасози шаҳрдорӣ Душанбе боз ҳам ба яке аз шаҳрҳои дӯстдоштаи сайёҳон мубаддал мегардад. Ҳоло дар пойтахт «Барномаи рушди сайёҳӣ дар шаҳри Душанбе барои солҳои 2018 - 2020» мавриди амал қарор дорад, ки фароҳам овардани шароити мусоид ҷиҳати ҷалби сайёҳони хориҷию дохилӣ ҳадафи асосии он аст. Айни замон, дар шаҳри Душанбе дарҳои 17 боғи фарҳангу фароғатӣ, ки дар онҳо барои истироҳату фароғати сокинону меҳмонон тамоми шароит фароҳам оварда шудааст, ба рӯи меҳмонону сокинон бозанд.
Тибқи Қонуни  Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон “Дар бораи мақоми пойтахти Ҷумҳурии Тоҷикистон»  Душанбе соҳиби нишони хоссаи шаҳр мегардад, ҳамчунин, унвони «Сокини фахрии пойтахт» таъсис меёбад. Ҳудуди Душанбе васеъ мешавад. Дар доираи Нақшаи генералии шаҳр аз ҳисоби заминҳои ноҳияи Рӯдакӣ 7,6 ҳазор гектар ба ҳудуди шаҳр ворид гардид. 
Имсол Рӯзи пойтахт дар шароите ҷашн гирифта мешавад, ки Душанбешаҳри нозанинро беш аз 4 миллион гулҳои зебо ҳусну зеби тоза бахшидаанд. Аввалин маротиба дар шаҳри Душанбе дар асоси Амри Президенти Ҷумҳурии Тоҷикистон аз 13 декабри соли 2018 ва қарори раиси шаҳри Душанбе аз 25 феврали соли 2019 баҳри вусъат додани корҳои ободонӣ, бунёдкорию созандагӣ ва тарбияи ҳисси зебоипарастӣ, хештаншиносӣ, ватандӯстӣ, фарҳанги шаҳрдорӣ, ҷалби бештари сокинон ба корҳои ободонию кабудизоркунӣ ва эҳёи анъанаҳои миллӣ озмуни шаҳрии гулҳо “Сайри гули лола” баргузор гардид, ки Душанберо лолазор намуд. Шумораи умумии гулҳои Душанбе беш аз 4 миллион, аз ҷумла лола беш аз яку ним миллион донаро ташкил медиҳад. Маъракаи сабзкорию гулзорнамоӣ идома дорад. Бовари комил аст, ки бо ин равиши созандагию ободонӣ Душанбе ба яке аз шаҳрҳои зеботарини ҷаҳон табдил меёбад.
С. АЗИЗӢ, “Ҷумҳурият”

 


 


Баёни ақида (0)    Санаи нашр: 16.04.2019    №: 72    Мутолиа карданд: 192

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед