logo

сиёсат

ИФТИТОҲИ МУАССИСАИ ТАҲСИЛОТИ МИЁНАИ УМУМИИ РАҚАМИ 6

20 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси шаҳри Душанбе Рустами Эмомалӣ дар ноҳияи Исмоили Сомонии пойтахт муассисаи таҳсилоти миёнаи умумии рақами 6-ро мавриди баҳрабардорӣ қарор доданд.
Пешвои миллат бо шароити таълимгоҳ ошно шуда, бо хонандагону омӯзгорон аз наздик суҳбат намуданд. Муассисаи мазкур аз ҷониби соҳибкори ватанӣ Иқбол Сафаров - директори генералии ҶСК “Тоҷикгидроэлектромонтаж” пурра аз нав бунёд гардида, он аз чор ошёна, таҳхона ва се бино иборат буда, бо назардошти стандартҳои муосири меъморӣ дар асоси дастуру ҳидоятҳои Пешвои муаззами миллат муҳтарам Эмомалӣ Раҳмон бунёд ёфта, барои 2400 нафар хонанда дар ду баст пешбинӣ гардидааст. Иншооти нав дорои 51 синфхона ва 38 ҳуҷраи ёрирасон мебошад.
Дар таълимгоҳ муосиртарин шароит барои донишомӯзӣ фароҳам гардида, синфхонаҳои алоҳида барои фанҳои биология, химия, омодагии дифои ҳарбӣ ва геометрия ташкил карда шудаанд. Ҳамчунин, дар мактаб ҳуҷраҳои алоҳидаи лабораторӣ бунёд ёфта, барои дар амал гузарондани таҷрибаҳои гуногун асбобу аёниятҳои дарсӣ насб гардидаанд.
Аснои шиносоӣ, ба Роҳбари давлат иттилоъ доданд, ки дар муассисаи таҳсилоти миёнаи умумии рақами 6 ба ҳунаромӯзии хонандагон таваҷҷуҳи хоса дода шуда, ҳуҷраҳои алоҳидаи таълими меҳнати писаронаву духтарона, ки бо тамоми дастгоҳу таҷҳизоти зарурӣ таъмин аст, кушода шудаанд. Дар ин ҷо талабагон дуредгарӣ, кандакорӣ, дӯхтани либос ва тарзи омода намудани ҳар гуна таомро меомӯзанд.  Барои дӯстдорони санъати тасвирӣ синфхонаи алоҳидаи дарсӣ, ки дар он нозукиҳои рассомӣ омӯзонда мешаванд, ташкил гардидааст. Китобхонаи барҳавои электронии муассиса бо 20 компютер ва хати баландшиддати интернет таъмин аст. Ҳуҷраи кории омӯзгорон бо компютерҳо, синфхонаи технологияи иттилоотӣ бо муосиртарин дастгоҳҳои корӣ таъмин гардидаанд.
Бино дорои ошхона бо 160 ҷойи нишаст, толори варзиш дар масоҳати 420 метри мураббаъ бо 4 ҳуҷраи иловагӣ ва маҷлисгоҳ бо 380 ҷойи нишаст мебошад.
Бо мақсади ҳифзи солимии омӯзгорону хонандагон, дар иншооти мазкур бинои алоҳидаи тиббӣ бунёд ёфта, он бо ҷиҳози зарурии ёрии аввалияи тиббӣ ва таҷҳизоти дандондармонии касбӣ таъмин аст.
Корҳои сохтмонӣ дар ин иншоот дар зарфи яку ним сол ҷараён ёфта, гирду атрофи он бо гулу буттаҳои ороишӣ ва нишастгоҳҳо таъмин аст.
Ба хотири оммавӣ гардондани варзиш ва тарғиби тарзи ҳаёти солим, дар ҳавлии муассисаи таълимӣ ду майдони варзиши муосир дар масоҳати 540 метри мураббаъ бунёд ёфтааст. Майдончаҳо барои бозиҳои футбол, волейбол ва варзиши сабук пешбинӣ гардида, мутобиқ ба стандартҳои муосир сохта шудаанд.
Дар ҳудуди таълимгоҳ ду трансформатори баландшиддати барқӣ насб гардида, иншоот бо шабакаи гармидиҳии мутамарказондашуда пайваст мебошад.
 Аснои шиносоӣ, Президенти Ҷумҳурии Тоҷикистон муҳтарам Эмомалӣ Раҳмон ба сатҳу сифати корҳои сохтмонӣ ва тарҳи бинои муассиса баҳои баланд дода, иқдомҳои соҳибкорони ватаниро намунаи ибрату боиси дастгирӣ арзёбӣ карданд.
Пас аз ифтитоҳи муассиса, Пешвои муаззами миллат дар толори барҳавои он бо аҳли маорифи пойтахт мулоқот намуда, хонандагону омӯзгоронро ба истифодаи шароити муосири донишомӯзӣ ҳидоят карданд.
Таъкид гардид, ки барои боз ҳам беҳтар намудани шароит ва фароҳам овардани имкониятҳои замонавии таълим, дар кишвар бунёди садҳо муассисаи таълимӣ бо назардошти талаботи замон идома доранд ва то таҷлили 30 - юмин солгарди Истиқлолияти давлатии Ҷумҳурии Тоҷикистон қисмати бештари онҳо мавриди истифода қарор хоҳанд гирифт. 
 


Баёни ақида (0)    Санаи нашр: 22.04.2019    №: 76    Мутолиа карданд: 274
14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР


Дар сомонаҳои дигари Тоҷикистон хонед