logo

сиёсат

ҶОЙГОҲИ ФАРҲАНГИ СИЁСӢ ДАР "УФУҚҲОИ ИСТИҚЛОЛ"

Асари арзишманди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Уфуқҳои истиқлол” бори дигар собит сохт, ки асосу ҳастии ҳар давлату миллат истиқлолияти он мебошад.
Фарҳанг ягона унсурест, ки аз ҷониби муаллиф дар радифи дигар аносир ҳамчун омили “давлатсоз” эътироф гардида, ба он баҳои баланд дода шудааст. Аз матлаи сухан дарк мегардад, ки дар роҳи расидан ба Истиқлолияти давлатӣ фарҳанг нақши назаррас дошта, ҳамзамон дар марҳалаҳои даврони Истиқлол яке аз уфуқҳои пурҷило будааст. “Дар замони Истиқлолияти давлатӣ соҳаи фарҳанг ҳамчун таҷассумгари симои маънавии миллат, муттаҳидсозандаи неруҳои ақлонию зеҳнӣ, баёнгари таърихи гузаштаву муосир, анъана, одобу ахлоқи ҳамида ва дигар муқаддасоти миллӣ дар ҷомеа мақоми арзанда касб намуд”, - мефармоянд Пешвои миллат. Фарҳанги сиёсӣ дар таҳкими пояҳои давлат, ваҳдат, суботи сиёсию иҷтимоӣ нақши назаррас дорад. Имрӯз абарқудратҳо мехоҳанд бештар тавассути фарҳанг сиёсати худро ташвиқу тарғиб ва амалӣ намоянд. Кайҳо дарк гардидааст, ки умумӣ гардондани сиёсат ва пурзӯр намудани нуфузи он дар сатҳи байналмилалӣ аз равзанаи фарохи фарҳанг осонтар ба даст меояд. Ҳифзи суботи сиёсию иҷтимоӣ дар ин майдон танҳо тавассути фарҳанги миллӣ метавонад амалӣ гардад.  Ин боис гардид, ки Пешвои миллат аз оғози роҳбарӣ арзишҳои фарҳангиро дар мадди аввал гузошта, ҳаргиз фарҳангро аз сиёсат дур насозанд. Ин дар ҳоле ҷараён мегирифт, ки ба таъбири муаллиф: “Ибтидои солҳои 90-уми асри гузашта барои соҳаи фарҳангу ҳунар давраи басо душвор буд”.  Бо вуҷуди нобасомониҳо ва даҳшатҳои он солҳо пояҳои асосии фарҳанги тоҷикон, бо ташаббус ва сиёсати ғамхоронаи Пешвои миллат барқарору устувор гардонда шуда, марҳалаҳои нави тараққӣ дар ин самт оғоз гардиданд.
Муаллиф ҳамчун асосгузор ва ташаббускори бевоситаи равандҳои сиёсию фарҳангии кишвар воқеъбинона самтҳои афзалиятноки давлату миллатро ба баҳсу баррасии доманадор кашидаанд. Бурду бохт, камбудию комёбӣ, таназзулу тараққӣ ва дурнамои ҳар як соҳаро дар алоҳидагӣ ба таҳлил гирифта, махсусан ба фарҳанги миллӣ мақоми хос бахшида, ҳадафҳои олии сиёсати фарҳангиро чунин қаламдод намудаанд: “Сиёсати фарҳангии давлати соҳибистиқлоли Тоҷикистон ба таҳкими рукнҳои маънавии давлатдорӣ, пешрафти тафаккури созандаву бунёдкоронаи мардум, болоравии ифтихори миллӣ ва эҳсоси ватандории ҳамаи сокинони ҷумҳурӣ, пояндагии сулҳу субот ва ҳамдигарфаҳмии тамоми табақаҳои иҷтимоии аҳолӣ ва дар маҷмӯъ, барои таҳкими ҳувияти миллӣ нигаронида шудааст”. Сиёсат бе фарҳанг вуҷуд дошта наметавонад ва низоми табиии ҷомеа худ фарҳанги сиёсиро ба вуҷуд меорад. Он ҳамчун оина инъикосгар буда, ҷараёни давлатдорӣ, раванди сиёсии кишвар, рафтору амалкарди зоҳирию ботинии намояндагони ниҳоди сиёсиро инъикос мекунад.  
Фарҳанги сиёсӣ бояд сартосарӣ бошад ва ҳама манотиқи кишварро фаро бигирад. Муаллиф ҳамчун сиёсатмадори соҳибфарҳанг моҳияти масъаларо дақиқ дарк намуда, аз хатари маҳдуд мондани доираи фарҳанги сиёсӣ изҳори  нигаронӣ мекунанд.
Мавриди тазаккур аст, ки рушди устувор ва таҳкими суботи сиёсӣ аз ҳадафҳои олии кишвар ва ормони дирӯзу имрӯзи давлату миллати тоҷик маҳсуб мегардад. Барои истеҳком ва тараққӣ ёфтани як давлат суботи сиёсӣ ва дар радифи он рушди устувор кифоя аст. Имрӯз сиёсати дохилию хориҷии Тоҷикистон устувор гардида, ба шарофати он рушди босуръати кишвар низ устувориро касб кард. Таъкид бояд кард, ки фарҳанги волои миллати тоҷик, махсусан фарҳанги сиёсии он, омили асосӣ дар ин самт дониста мешавад. Мушоҳидаҳо собит месозанд, ки Пешвои миллат дар ҳама суханрониҳо, таълифоти қаблӣ ва махсусан дар китоби тозанашри “Уфуқҳои истиқлол”, вобаста ба фарҳанг таъкиди хос карда, онро омили асосии давлатдорӣ ва суботи сиёсию иҷтимоӣ қаламдод намудаанд.
Умуман, ба табъ расидани китоби “Уфуқҳои истиқлол” аз чанд ҷиҳат манфиатовар аст:
1. Афкору андешаҳое, ки дар китоби мазкур дарҷ гардидаанд, заминаи қавии назарӣ ва илмию таърихӣ дошта, марҳилаи давлатдории навини тоҷиконро бо ҳама бурду бохташ мавриди инъикос қарор медиҳад.
2. Усулҳои таҷрибагардидаи ваҳдатофарӣ, сулҳофарӣ, иттиҳоду ягонагӣ, маҳакҳои рушди иқтисодӣ, пешрафти илму маориф, соҳаи фарҳанг, ояндабинии давлат ва ғайра ба шакли мукаммал инъикос гардидаанд, ки мутахассисони тамоми соҳаҳо ҳамчун манбаи боэътимоди омӯзиш метавонанд аз он ба таври васеъ истифода баранд.
3. Роҳандозии омӯзиши васеи китоб дар муассисаҳои таҳсилоти умумӣ, донишкадаву донишгоҳҳо, муассисаҳои илмию пажӯҳишӣ ва мақомоту идораҳо муфид буда, ҷиҳати шинохти воқеии дастовардҳои беназири даврони истиқлол ва нуфузи байналмилалии Тоҷикистон ҳамаҷониба мусоидат менамояд. 
Шариф КОМИЛЗОДА,
Қадриддин ИСОЗОДА,
ходимони Пажӯҳишгоҳи илмӣ - тадқиқотии фарҳанг ва иттилоот


Баёни ақида (0)    Санаи нашр: 15.05.2019    №: 92    Мутолиа карданд: 240

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»

Прокурорҳои генералии СҲШ мубориза бо нашъафурӯшӣ ва қочоқро баррасӣ намуданд

Таъкиди сарвазири Гурҷистон аз зарурати беҳсозии муносибат бо Россия

Ҷаҳон дар як сатр

01.10.2019


Тоҷикистон 48 зиндониро ба Афғонистон интиқол дод

Намояндагони комиссияи Аврупо барои музокирот ба Беларус мераванд


Дар сомонаҳои дигари Тоҷикистон хонед