logo

ҳуқуқ

ЗАМИН. НАЗОРАТИ ПРОКУРОРӢ ПУРЗӮР МЕГАРДАД

Ҳукумати Ҷумҳурии Тоҷикистон бо мақсади дастгирии иҷтимоии аҳолӣ ва таъмини сокинони кишвар бо манзили зист дар замони Истиқлолияти давлатӣ 135 ҳазор гектар заминро ба 1 миллиону 400 ҳазор оила барои бунёди манзилҳои истиқоматӣ ҷудо намудааст. Ҳамчунин, ҷиҳати таъмини некуаҳволии мардуми кишвар дар асоси фармонҳои Президенти Ҷумҳурии Тоҷикистон аз 9 октябри соли 1995 - ум 50 ҳазор гектар ва аз 1 декабри соли 1997 - ум 25 ҳазор гектар замин барои хоҷагии ёрирасони шахсии шаҳрвандон тақсим гардидааст.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳанӯз 30 ноябри соли 2012 зимни суханронӣ дар маросими ифтитоҳи бинои нави Кумитаи идораи замин ва геодезии Ҷумҳурии Тоҷикистон таъкид намуданд, ки ҳар як ваҷаб замини корам бояд ҳамчун омили таъминкунандаи амнияти озуқавории кишвар, ки яке аз ҳадафҳои стратегии миллиамон ба ҳисоб меравад, истифода шавад.
Бояд дар назар дошт, ки 93 фоизи  ҳудуди ҷумҳуриро кӯҳҳо ва танҳо 7 фоизи онро заминҳои ҳамвор ташкил дода, риояи бемайлон ва бечунучарои қонунгузории истифодаи замин яке аз масъалаҳои аввалиндараҷаи ҳаёти ҷомеа маҳсуб меёбад. Ин ҳолат дар навбати худ аз ҳар як шахси масъул иҷрои софдилонаи вазифаҳои хизматӣ ва муносибати дилсӯзонаро ба замин тақозо менамояд.
Бо дастгирии бевоситаи Пешвои миллат аввали соли ҷорӣ дар сохтори Прокуратураи генералии Ҷумҳурии Тоҷикистон, раёсати назорати иҷрои қонунгузории замин ва дар як қатор прокуратураҳои поёнӣ, аз ҷумла дар прокуратураи ноҳияи Синои шаҳри Душанбе, воҳидҳои махсус оид ба назорати қонунгузории замин ба фаъолият шурӯъ намуданд.
Раёсати мазкур дар ҳамбастагӣ бо зерсохторҳои поёнӣ фаъолияти худро пеш аз ҳама ба фаҳмондадиҳии талаботи қонунгузории замин, пешгирӣ намудани қонунвайронкуниҳо дар ин самт, баланд бардоштани масъулияти заминистифодабарандагон ва шахсони мансабдори масъули соҳа, мақомоти маҳаллии ҳокимияти давлатии шаҳру ноҳияҳо равона кардааст.
Дар ин самт прокуратураи ноҳияи Синои шаҳри Душанбе низ корҳои муайянро ба сомон расондааст. Масалан, прокуратураи ноҳия дар давоми соли 2018 ва се моҳи соли 2019 дар ин самт 29 санҷиш гузаронда, аз натиҷаи он баҳри фавран бартараф кардани қонунвайронкуниҳо ва сабабу шароитҳои ба содиршавии онҳо мусоидаткунанда 68 амр, 12 пешниҳод  ирсол карда, 91 парвандаи ҳуқуқвайронкунии маъмурӣ ва 39 парвандаи ҷиноятӣ оғоз намудааст. Бо натиҷаи санадҳои эътиноии прокурор 1,19 гектар замини худсарона ишғолшуда ба ҳолати аввалааш баргардонда шудаанд.
Яке аз мушкилоти имрӯза дар ин соҳа ғайриқонунӣ ишғол кардани заминҳо ва сохтмонҳои худсарона дар онҳо мебошад. Бинобар ин, прокуратураи ноҳияи Синои шаҳри Душанбе тасмим гирифтааст, ки дар ин замина назорати прокурориро боз ҳам пурзӯр намуда, ҷиҳати пешгирӣ, ошкор ва сари вақт бартарафсозии чунин қонунвайронкуниҳо тадбирҳои зарурӣ андешад.
Наргис САНГИНЗОДА, коромӯз - ёрдамчии прокурори ноҳияи Синои шаҳри Душанбе


Баёни ақида (0)    Санаи нашр: 15.05.2019    №: 92    Мутолиа карданд: 197

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед