logo

иҷтимоиёт

 БА КАЛОНСОЛОН АРҶ ГУЗОРЕМ

ДАР ҲОШИЯИ ТАБРИКОТИ ПЕШВОИ МИЛЛАТ БА МУНОСИБАТИ ФАРОРАСИИ МОҲИ ШАРИФИ РАМАЗОН
 
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардуми кишварро ба муносибати фарорасии моҳи шарифи Рамазон табрик гуфтанд. Дар ҳақиқат, Рамазон - моҳи нузули раҳмату мағфират, файзу баракот ва иҷобати дуоҳо мебошад. Маҳз бо сиёсати хирадмандонаи Пешвои миллат дар фазои озод зиндагӣ мекунему озодона намоз мехонему рӯза медорем. Рӯза ба пок нигаҳ доштани дилу забон вазифадор ва зоҳиру ботинро бедор месозад. Инчунин, бо меҳрубониву муомилаи нек ба ҷо овардани иззати инсон ҳидоят менамояд. Ба ҳар як фарди болиғу солим ақл лозим аст, ки ҳар як амалро барои ба даст овардани хушнудии Худованд анҷом диҳад.
Табрикоти Сарвари давлат ба қалби мо - ходимони дин илҳоми тоза бахшид. Дар намозҳои таровеҳ ба мардум дар бораи фазилати дӯстиву рафоқат, тозагиву ободкорӣ, одобу ахлоқи ҳамида, дӯст доштани Ватан, ба ҷо овардани иззату эҳтироми падару модар ва калонсолон суҳбатҳо гузаронда, кӯшиш ба харҷ дода истодаем, ки дар қалби ҷавонон ҳисси ватандӯстӣ бештар гардад. Ба ҷуз ин, ҳадафи асосии равияҳои ифротиро ба ҷавонон фаҳмонда, намегузорем, ки дар ҷомеа андешаҳои ба мафкураи мо бегона нуфуз пайдо кунад, зеро аксари гурӯҳҳои ифротӣ амалҳои нангини худро таҳти ниқоби ислом содир менамоянд. Ҳол он ки ин дини мубин зидди ифротгароиву хушунат ва қатлу куштор буда, одамиро ба анҷоми амалҳои солеҳ роҳнамоӣ месозад.
Мардуми соҳибистиқлоли тоҷик моҳияти Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон»-ро дуруст дарк мекунанд. Маблағҳои сарфашударо барои беҳтар шудани шароити зисту зиндагӣ, обод сохтани манзилҳои истиқоматӣ, харидани асбобу таҷҳизоти рӯзгор ва таълиму тарбияи фарзандон равона менамоянд. Дар ин моҳи муборак ба аёдати падару модарон, беморону оилаҳои камбизоат мераванду ба ятимону маъюбон ва шахсони эҳтиёҷманд ёрӣ мерасонанд. Амалҳои некро ба ҷо меоранд, то ки соҳиби савоби бештар гарданд. Албатта, аз амалҳои ношоиста канораҷӯӣ мекунанд. Ба ин васила дар қалби ҳар як фарди солимақл хислати ҷавонмардиву саховатмандӣ ташаккул меёбад. Тибқи фармудаҳои қуръонӣ «Беҳтарини бандагон дар назди Худо парҳезгортарини онҳоанд». Парҳезгорӣ ва лутфи эҳсон ба ҳар фарди мусулмон лозим мебошад. Тавре дар сарчашмаҳои муътамад омадааст, пайғамбари Худо бисёр саховатманду дилёб буданд, махсусан дар моҳи мубораки Рамазон эҳсонашон боз ҳам зиёдтар мешуд.
Бо ҳамдигар меҳрубон будан, ба фақирону мискинон ва ниёзмандон дасти ёрӣ дарозу сари ятимонро сила кардан, бо хешу ақрабо, ҳамсояҳо, ёру дӯстон муносибати хуб барқарор намудан, аз қалбҳо кинаву адоватро дур сохтан тақозои моҳи пурфайзу футӯҳи Рамазон аст. Ҳар кадоми мо бояд ба Ватану миллати худ содиқ, дар ҳифзи марзу буми он омода ва дар ободонии диёри азизи худ саҳмгузор бошем.
Набихони ЯРҚУЛЗОДА,
имомхатиби масҷиди ҷомеи Ҷамоати деҳоти шаҳраки шаҳри Исфара


Баёни ақида (0)    Санаи нашр: 17.05.2019    №: 94    Мутолиа карданд: 161

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед