logo

иҷтимоиёт

 ҚАТЛИ ЖУРНАЛИСТ: ИСКАНДАРРО КӢ КУШТ?


Ҳар як инсон дар зиндагӣ ба хотири номи нек умр ба сар мебарад, заҳмат мекашад, то дар ҳаёт мавқеъ ва ҷои муносибе дарёфт намояд. Дар рӯи замин инсонҳое зистанд ва мезиянд, ки бо қаҳрамониҳо дар набардҳои шадид, меҳнати софдилона ва хислатҳои хуб аз худ ному нишони нек боқӣ мегузоранд. Ин қабил шахсон то лаҳзаи вопасини умр баҳри ободӣ, шукуфоӣ ва пешравии Ватани азиз кору пайкор менамоянд, ки Искандар Каримов (Искандар Карим) аз ҷумлаи онҳост.
Искандар Карим 7 октябри соли 1956 дар шаҳри Кӯлоб таваллуд шудааст. Баъди хатми муассисаи таҳсилоти миёнаи умумии № 5 - и шаҳр ба Донишгоҳи давлатии Кӯлоб ба номи Абуабдуллоҳи Рӯдакӣ дохил шуда, онро соли 1979  бо ихтисоси муаллими забон ва адабиёти рус хатм намуд. Худи ҳамон сол фаъолияти кории худро аз рӯи касби интихобкардааш дар ноҳияи Қубодиёни вилояти Хатлон оғоз карда, то соли 1984 ҳамчун омӯзгор кор намуд. Баъдан фаъолияти омӯзгориро дар Донишгоҳи давлатии Кӯлоб идома дода, ҳамзамон, бо рӯзномаҳои даврии «Роҳи Ленин», «Кулябская правда» ва «Новый Хатлон» ҳамкорӣ дошт.
Идораи рӯзномаи «Новый Хатлон» лаёқати хуби рӯзноманигории Искандар Каримро ба назар гирифта, ӯро ба кор даъват намуд. Искандар дар Донишгоҳи давлатии Бохтар ба номи Носири Хусрав низ ба донишҷӯён дарс гуфта, солҳои 90 - уми асри гузашта дар вазифаи муовини сармуҳаррири рӯзномаи  «Новый Хатлон» фаъолият кард.
Искандар Карим дар фаъолияти худ масъулияти баланд дошт. Ғайрату матонати қаламкашии хешро баҳри беҳбуди рӯзгори мардуми кишвар ба харҷ медод. Аммо, афсӯс, ки 15 майи соли 1994 аз дасти аъзои ташкилоти террористии дар Тоҷикистон мамнӯи наҳзатӣ дар айёми камолот ба қатл расонда шуд.
Бино ба гуфтаи наздиконаш, рӯзи ҷумъа Искандар бо телефон занг зада мегӯяд, ки рӯзи дигар меояд. Рӯз бегоҳ мешаваду аз Искандар дарак не. Аз редаксия ба наздиконаш занг зада аз ӯ мепурсанд. Вале аз Искандар хабаре набуд. Падари Искандар бобои Ғоибназар ба суроғи фарзандаш   ба хонаи иҷорагирифтаи ӯ, ки дар шаҳри Бохтар (собиқ Қӯрғонтеппа) қарор дошт, меравад. Ҳамоно аз ӯ дараке набуд…
Ба гуфтаи ҳамсояҳо Искандарро гурӯҳи силоҳбадасти ташкилоти террористии наҳзат аз хонааш рабуда, иҷборан ба самти номаълум бурдаанд. Баъдан, маълум мешавад, ки силоҳбадастони хоин Искандарро ваҳшиёна ба қатл расонданд. Падар Искандарро наёфт ва бо оҳу фиғон ба шаҳри Кӯлоб баргашт. Ноларо пинҳон дармекашид ва бо гузашти чанд рӯз ба ҳамсараш чизе нагуфт. Искандар фарзанди ягонаи хонадон буд ва ба қавле «умеди гӯру кафани падару модар»…
Модар то охирин нафас чашм ба роҳи фарзанд буд. Ба марги ӯ бовар надошт, балки умедвор буд, ки ҷигарбандаш рӯзе дари хонаашро мекӯбад. Вале ҳайҳот, ки чунин нашуд. Қисмати талхи фарзанд Бобои Ғоибназарро низ аз пой афтонд. Ӯ бо алам аз дунё рафт ва то нафаси охиринаш дар фироқи Искандар месӯхт.
То кунун наздикон аз ёди Искандар ғофил нестанд. Саҳнаи куштори бераҳмонаи ӯро пеши назар оварда, ашк мерезанд. Вале аз номи некаш ифтихор доранд. Зеро ӯ аз зумраи рӯзноманигороне буд, ки бо қаламу эҷоди волои хеш дар ёдҳо боқӣ хоҳад монд.
 
Фарҳод МАДАМИНОВ,
хабарнигори «Кулябская правда»


Баёни ақида (0)    Санаи нашр: 22.05.2019    №: 97    Мутолиа карданд: 188

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед