logo

ҳуқуқ

 ТАЪМИНИ АМНИЯТ. БО МАҚОМОТ ДАР ҲАМКОРӢ БОШЕМ!

 
Тайи солҳои ахир хатари терроризму экстремизм беш аз пеш доман паҳн менамояд, ки ҷомеаи ҷаҳониро ба ташвиш овардааст. Аз хавфи афзояндаи онҳо Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вохӯриҳову суханрониҳояшон пайваста изҳори андеша намуда, аз ҳамагон даъват ба амал меоваранд, ки бо ин зуҳуроти номатлуб муборизаи беамон бурда шавад. Аз ҷумла, зимни ироаи Паёми навбатӣ ба Маҷлиси Олӣ (26 декабри соли 2018) ба ин масъала дахл карда, иброз доштанд: «Дар паёмҳои қаблӣ ва дигар суханрониҳо ман андешаҳои худро доир ба афзоиши хатари терроризм ва экстремизм дар ҷаҳони муосир изҳор карда будам. Шиддати ин хатару таҳдидҳои ҷаҳонӣ, мутаассифона,  имрӯз ҳам паст нашудааст». Бо баёни ин матлаб, Сарвари давлат бори дигар таъкид сохтанд, ки мақомоти ҳифзи ҳуқуқ ва сохторҳои низомӣ бо ҳушёриву зиракии сиёсӣ, инчунин, бо истифода аз шаклу усулҳои муосир муборизаро бо ин таҳдидҳо тақвият бахшанд.       
Баҳри дар амал татбиқ намудани дастуру ҳидоятҳои Пешвои муаззами миллат, дар баробари дигар ниҳодҳои қудратӣ ва мақомоти ҳифзи ҳуқуқи кишвар, аз ҷониби кормандони прокуратураи ноҳияи Синои шаҳри Душанбе низ тадбирҳои зарурӣ андешида мешаванд. Махсусан, барои фаҳмондани оқибатҳои ногувори терроризму экстремизм бо сокинони ноҳия, инчунин, хонандагони муассисаҳои таҳсилоти миёнаву олии дар ҳудуди ноҳиябуда, мунтазам вохӯриҳову мулоқотҳо гузаронда мешаванд. Зимни онҳо, диққати асосӣ ба баланд бардоштани ҳисси ватандӯстиву меҳанпарастӣ, омӯхтани касбу ҳунар, сайқал додани савияи дониш, арҷгузорӣ ба таъриху тамаддун ва гузаштагони пурифтихори халқи тоҷик дода мешавад. Зеро шахсе, ки соҳибмаърифату бофарҳанг аст, ҳаргиз ба доми фиреби нафарони ақидаҳои ифротгароидошта нахоҳад афтид. Боиси зикр аст, ки дар ин вохӯриҳо намояндагони дин низ ҷалб мегарданд ва онҳо бо мисолҳо аз Қуръони карим, аҳодиси набавӣ ва панду андарзҳои ниёгон ба иштирокдорон моҳияти дини мубини исломро мефаҳмонанд. Чунки ҷавҳари дини ислом на зӯроварӣ, балки таҳаммулпазириву накукорӣ ва покизагиву росткорист ва ҳар касе аз ин маънӣ бархӯрдор бошад, ҳеч гоҳ фирефтаи тазвири риёкорон нахоҳад шуд.
Прокуратураи ноҳияи Сино корро дар самти пешгирии ин зуҳуроти номатлуб беш аз пеш тақвият мебахшад, зеро таъмини амният ва оромиву осудагии ҷомеа вазифаи муқаддаси ҳар як корманди мақомоти ҳифзи ҳуқуқ ва ниҳодҳои қудратӣ ба ҳисоб меравад. Ва дар ин ҷода аз ҷониби кормандони прокуратура тамоми чораҳои зарурӣ андешида хоҳанд шуд, то ки дар ҷомеа волоияти қонун ва суботу оромӣ ҳукмфармо бошад.
 
Акмал АЗАМЗОДА,
ёрдамчии прокурори ноҳияи Синои шаҳри Душанбе


Баёни ақида (0)    Санаи нашр: 22.05.2019    №: 97    Мутолиа карданд: 103

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр


Дар сомонаҳои дигари Тоҷикистон хонед