logo

маориф

ТАКМИЛИ ИХТИСОС ВА МУШКИЛОТИ ҲАЛТАЛАБИ ОН

Низоми такмили ихтисос ва бозомӯзии касбии кормандони соҳаи маорифи Ҷумҳурии Тоҷикистон яке аз ҷузъҳои муҳимтарини системаи таҳсилот буда, дар баланд бардоштани сифати таҳсилот ва рушду такомули неруи зеҳнии омӯзгорон мусоидат мекунад. Субъекти асосии таълиму тарбия дар муассисаи таълимӣ, аз ҷумла дар муассисаҳои такмили ихтисос, омӯзгор аст. Бо омӯзгори касбӣ таъмин будани муассисаи таълимӣ шарти зарурии ба роҳ мондани таҳсилоти босифат ва баланд бардоштани сифати таҳсилот мебошад.

Натиҷагирӣ аз таҳлилҳо шаҳодат медиҳад, ки ҳоло муассисаҳои такмили ихтисос низ бо кадрҳои соҳибтахассус, махсусан бо мутахассисон унвони илмӣ дошта ба таври бояду шояд таъмин нестанд. Дараҷаи илмӣ - методӣ ва мувофиқати маҳорату таҷрибаи касбии омӯзгорони бахши такмили ихтисос ба талаботи рушди босуръати замони муосир мувофиқат намекунад, ё аз замони пешрафти илму техника ва технологияи муосири педагогӣ қафомонда боқӣ мемонад. Чун корманди муассисаи такмили ихтисос «омӯзгори омӯзгорон» ба ҳисоб меравад, бинобар ин, зарур аст, ки дар муассисаҳои такмили ихтисос кадрҳои дорои сатҳи баланди касбият гирд оварда шаванд.
Такмили ихтисоси кормандони соҳаи маориф тавассути Донишкадаи ҷумҳуриявии такмили ихтисос ва бозомӯзии кормандони соҳаи маориф ва филиалҳои он дар шаҳрҳои Душанбе, Бохтар, Кӯлоб, Хоруғ ва Хуҷанд ба амал бароварда мешавад. Ҳамасола ба ҳисоби миёна муассисаҳои такмили ихтисос 23-25 ҳазор кормандони соҳа, аз ҷумла кормандони муассисаҳои томактабӣ, миёнаи умумӣ, таҳсилоти ибтидоии касбӣ, мураббияҳо,  психологҳои боғча ва муассисаҳои таълимӣ, кормандони интернатҳо, китобдорон, роҳбарони иттиҳодияҳои методӣ, сармуҳосибону кормандони раёсату шуъбаҳои маориф, омӯзгорони фаннӣ ва ғайраро аз курсҳои такмили ихтисос мегузаронанд.
Дар баробари ин, мутаассифона, як қатор проблемаҳои системаи такмили ихтисоси омӯзгорону кадрҳои роҳбарикунандаи соҳаи маориф вуҷуд дорад, ки дар ҳалли масъалаҳои ҳалталаби соҳа мушкилотро ба миён меорад. Аз ҷумла, ба талабот ҷавобгӯ набудани заминаи моддӣ – техникӣ, илмӣ, методӣ ва иттилоотии раванди такмили ихтисос, махсусан дар филиалҳои донишкада, таъмин набудани раванди такмил бо кормандони касбӣ ва унвони илмидошта, нокифоя будани синфхонаҳои таълимии бо технологияи муосир муҷаҳҳазгашта, набудани таъминоти методӣ ва китобхонаҳои электронӣ барои дастрас шудан ба сифатнокӣ ва самаранокии курсҳо, мувофиқат накардани давраи панҷсолаи такмили ихтисос ба суръати инкишоф ва татбиқи технологияи инноватсионии таълим, тибқи нақша фаро гирифта нашудани омӯзгорони шаҳру ноҳияҳои ҷумҳурӣ ба курсҳои такмили ихтисос, номукаммалии банақшагирӣ дар сатҳи мактаб, ноҳия ва шаҳр, набудани китобхонаҳои электронӣ оид ба методикаи таълими фанҳо дар заминаи муассисаҳо, мавҷуд набудани раванди таҳияву дастрасии маводи таълимию методӣ ва барномаҳои таълимии вариативӣ (гуногун) вобаста ба дараҷаҳои тахассусӣ, собиқаи корӣ ва ғайра.
Ислоҳоти соҳаи маориф ва дигаргуниҳои куллӣ дар таҳсилот ворид намудани навгониҳоро дар соҳаи такмили ихтисос ва бозомӯзии кормандони соҳаи маориф низ ба таври ҷиддӣ тақозо дорад. Такмили ихтисоси кормандони соҳаи маориф омили асосӣ ва зарурии такомули соҳа буда, барои ба талаботи замон ва инкишофи ҷомеа мутобиқ сохтани дараҷаи тахассусии кормандони он ва дар ин асос, боло бурдани сифати таҳсилот низ мусоидат мекунад.
Барои баланд бардоштани сифати таълиму тарбия дар муассисаҳои такмили ихтисос анҷом додани корҳои зиёди илмию методӣ, ташкили системаи пайвастаи муайянсозии муваффақият ва проблемаҳои фаъолияти педагогии анҷомёфта, муайян сохтани вазифаҳои дуру наздик ва ҳалли проблемаҳои соҳаи таҳсилот зарур аст.
Вобаста ба ин, бунёди пояи муосири техникӣ ва технологии раванди такмили ихтисос ва дар ин асос, ташкил намудани китобхонаҳои электронӣ оид ба методикаи таълими фан, коркарди механизми ба муассисаҳои такмили ихтисос ҳарчи бештар ҷалб намудани мутахассисони сатҳи баланди касбӣ, гузаштан ба сикли сесолаи такмили ихтисос, бунёди инфрасохтори ба талабот ҷавобгӯ, худомӯзию истифодаи васеи шабакаи интернет, маблағгузории сафари хизматии шунавандагони курсҳо, омода намудани шароити моддӣ - техникӣ ва методию таълимии гузариш ба шакли такмили ихтисоси фосилавӣ ба мақсад мувофиқ аст.
Саидашрафи АКРАМ


Баёни ақида (0)    Санаи нашр: 29.05.2019    №: 102    Мутолиа карданд: 329

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед