logo

ҳуқуқ

ҶИНОЯТ ва ҶАЗО

ЗАМИНФУРӮШӢ
Қиёмуддинро 11 сол
паси панҷара бурд
Суди шаҳри Душанбе шаҳрванд Қиёмуддин Юнусовро дар содир намудани ҷинояти қаллобӣ (моддаи 247) ва ғайриқонунӣ додани қитъаи замин (моддаи 3381) гунаҳкор дониста, 11 сол аз озодӣ маҳрум кард. Бар асоси ҳукми суд ӯ муҳлати адои ҷазоро дар муассисаи ислоҳии низомаш пурзӯр сипарӣ хоҳад кард.
Дар ин бора маркази матбуоти Прокуратураи генералии Ҷумҳурии Тоҷикистон хабар дод. Тибқи иттилои манбаъ, Қиёмуддин Юнусов соли 2018 бо шаҳрванд Хисрав Амиров шинос шуда, аз рӯи нақшаи бо ҳаммаслакаш - Дилором Сайфулаева тарҳрезишуда ӯро бовар кунондааст, ки бар ивази 3000 доллари ИМА метавонад, аз маҳаллаи Ховарони шаҳри Душанбе барояш 0,03 гектар қитъаи замини наздиҳавлигӣ ҷудо намояд.
Маҳкумшуда барои ба даст овардани боварӣ шиносномаи Х. Амировро гирифта, ба воситаи Д. Сайфулаева дар хусуси ҷудо намудани қитъаи замин қарори қалбакӣ дода, аз ӯ 17800 сомонӣ мегирад. Номбурда бар ивази ду қарори қалбакии дигар, аз ҷумла дар бораи иҷозати сохтмон аз Х. Амиров 9450 сомонии дигар гирифта, дар маҷмӯъ ба ӯ 27250 сомонӣ зарари махсусан калони моддӣ расондааст.
Қ. Юнусов бо ҳамин тартиб, инчунин, шаҳрвандон Руҳулло Шоев, Маҳмадуллои Сунатулло, Қудратулло Ниёзов ва Аъзамҷон Абдураимовро фирефта, аз онҳо маблағҳои калони пулӣ гирифтааст.

КУШТОР
Гумонбар боздошт гардид
Вазорати корҳои дохилӣ аз боздошти як сокини ноҳияи Мастчоҳ хабар дод, ки дар қатли бародараш гумонбар мешавад.
Сомонаи ВКД бо нашри ин хабар менависад, ки «23 май марди 37 - солаи сокини ноҳияи Мастчоҳ, раиси хоҷагии деҳқонии “Мирзоодил”, дар заминҳои хоҷагии деҳқонии мазкур, воқеъ дар ҳудуди Ҷамоати деҳоти Мастчоҳ бо бародараш - марди 28 - сола муноқиша карда, якдигарро лату кӯб намудаанд». Гумонбар дар идомаи муноқиша бародарашро бо зарби корд сахт маҷрӯҳ месозад, ки дар натиҷаи ҷароҳати вазнини ҷисмонӣ дар ҷойи ҳодиса ба ҳалокат расидааст.
Ҳоло нисбат ба дастгиршуда бо моддаи 104 қисми 1 - и Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, тафтишот идома дорад.

ТАНЗИМ
Директори мактаб 27500 сомонӣ ҷарима шуд
Бо қарори суди ноҳияи Шаҳринав Аминҷон Розиқов, директори муассисаи таҳсилоти миёнаи умумии № 49 - и ҳамин ноҳия, барои риоя накардани талаботи қонун «Дар бораи танзими анъана ва ҷашну маросим дар Ҷумҳурии Тоҷикистон» ба андозаи 500 нишондиҳанда, баробар ба 27500 сомонӣ ҷарима шуд.
Тавре маркази матбуоти Прокуратураи генералӣ хабар медиҳад, Аминҷон Розиқов дар риоя накардани талаботи моддаи 14 қисми 3 - и қонуни мавриди назар айбдор мешавад. Ин модда давомнокии тӯю маъракаҳоро то се соат муқаррар кардааст. Аммо директори мактаб ба талаботи қонун нигоҳ накарда, 8 марти соли ҷорӣ тӯйи домодии фарзандашро зиёда аз се соат - аз соати 9:00 то 12:00 ва аз соати 18:00 то 21:00 гузарондааст, ки оқибат ба ҷавобгарӣ кашида шуд.
Шуъбаи ҳуқуқи рӯзномаи «Ҷумҳурият»


Баёни ақида (0)    Санаи нашр: 29.05.2019    №: 102    Мутолиа карданд: 200

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист

Дар Ӯзбекистон таҳияи сенарияи ягонаи тӯйҳоро пешниҳод доранд

Ҷаҳон дар як сатр

04.11.2019


Вохӯрии Шукурҷон Зуҳуров бо ҳайати вакилони Парлумони Аврупо

Ҷаласаи Шӯрои миллии рушди маориф баргузор шуд

Машварати сиёсии вазоратҳои корҳои хориҷии Тоҷикистону Туркманистон

Чин ва ИМА масоили асосии созишномаи тиҷоратиро мувофиқа намуданд

Соли гузашта дар дунё 8 ҳазор амали террористӣ руй дод

Қазоқистон таъсиси Шӯро оид ба рушди иқтисоди рақамӣ дар СҲШ - ро пешниҳод кард

Барномаи ҳамкории иқтисодии кишварҳои СҲШ то соли 2035 қабул шуд


Дар сомонаҳои дигари Тоҷикистон хонед