logo

иҷтимоиёт

МУБОРИЗА БО ТАМОКУИ БЕДУД МАСЪАЛАИ ҲАЛТАЛАБ

Дар Маркази тадқиқоти стратегии назди Президенти Ҷумҳурии Тоҷикистон бахшида ба Рӯзи умумиҷаҳонии бидуни тамоку мизи мудаввар баргузор гардид. Дар он муовини аввали вазири тандурустӣ ва ҳифзи иҷтимоии аҳолӣ Саида Умарзода, роҳбари намояндагии Созмони умумиҷаҳонии тандурустӣ Марта Эверард, мутахассисон ва рӯзноманигорон иштирок намуданд.
Пешгирии тамокукашӣ дар байни ноболиғон, татбиқи қонуну санадҳои дахлдор, зарари тамокуи бедуд (нос), чилим, сигорҳои электронӣ ба саломатӣ ва баланд шудани меъёри андози аксизӣ ба маҳсулоти тамоку аз масъалаҳои меҳварии ҷаласа буданд.
- Побанди маҳсулоти тамоку шудани аҳолӣ яке аз мушкилоти асосии ҷомеаи муосир  аст. Тадқиқоти Созмони умумиҷаҳонии тандурустӣ нишон дод, ки ин омил ҳамасола сабаби марги қариб 8 миллион одам  мегардад. Аз даҳ ҳолати фавт байни одамони калонсолу миёнасол якеаш бо сабаби таъсири тамоку дониста мешавад. Беш аз нисфи истеъмолкунандагони тамоку аз бемориҳое мефавтанд, ки пайдоишашон ба сигоркашӣ алоқамандӣ дорад, - изҳор дошт Марта Эверард.
Зикр гардид, ки дар соли 2017 маҳсулоти тамоку сабаби марги 3,3 миллион аҳолӣ дар ҷаҳон гардида, яке аз омилҳои асосии зиёдшавии бемории саратон шудааст.
- Мо ҳоло аз он ташвиш дорем, ки дар кишвар шумораи истифодабарандагони тамокуи бедуд, махсусан нос афзудааст. Бори аввал ду соли охир табибону мутахассисони мо муайян карданд, ки нос ба бемории саратони меъда ва ковокии даҳон оварда мерасонад, - баён намуд Саида Умарзода.
Яке аз масъалаҳои нигаронкунанда ба тамокукашӣ одат кардани ноболиғон аст. Мутахассисон муқаррар намудаанд, ки шахсони то 15 - сола нисбат ба онҳое, ки баъди 25 - солагӣ ба ин амал даст задаанд, панҷ маротиба бештар мефавтанд. Онҳое, ки солҳои тӯлонӣ ва аз ҳад зиёд тамоку мекашанд, ба бемории стенокардия мубтало хоҳанд шуд. Бино ба маълумоти равоншиносон, муаммои сигоркашӣ на танҳо мушкилоти тиббӣ, балки ҷиҳатҳои равонӣ низ дорад. Дар натиҷаи кашидани сигор асаби инсон хароб шуда, боиси фаромӯшхотирӣ ва асабонӣ шудан мегардад.
Истифодаи ҳама гуна маҳсулоти тамоку, аз қабили чилим, нос, сигор дар биноҳои таълимӣ, муассисаҳои варзишӣ, иттиҳодияҳои ҷамъиятӣ, муассисаҳои хӯроки умумӣ, меҳмонхонаҳо, хобгоҳҳо, майдончаҳои кӯдакона, нақлиёте, ки дар он кӯдакони то 16 - сола ҳузур доранд, даромадгоҳи биноҳои истиқоматӣ, лифтҳо, гузаргоҳҳои зеризаминӣ ва бинову иншооти дигаре, ки барои одамон дастрас мебошанд, манъ шудааст.
- Бо вуҷуди ин, мебинем, ки ҳанӯз талаботи қонун риоя намешавад. Фурӯши ғайриқонунии он дар бештари дукону мағозаҳои сарироҳӣ, истифодааш дар ҷойҳои мамнӯъбуда идома дорад. Бавижа, истеҳсол ва фурӯши нос аз масъалаҳои мубрам боқӣ мемонад. Зеро нос на дар корхонаи махсус, балки дар шароити хона истеҳсол шуда, гузарондани санҷишҳои махсус ва пешгирии фурӯши онро мушкил мегардонад, - гуфт табиб - пулмонолог Ҳакима Ахмедова.
Иштирокчиёни ҷаласа ташаббуси Ҳукумати ҷумҳуриро бобати баланд бардоштани меъёри андози аксизӣ ба маҳсулоти тамоку ҳамчун яке аз усулҳои мубориза бо тамокукашӣ ва воситаи самарабахши ғанӣ гардондани буҷети давлат арзёбӣ намуданд.
Дар нишаст пешниҳод гардид, ки вобаста ба огоҳонидани аҳолӣ аз зарари тамоку дар муассисаҳои таълимӣ ва донишгоҳу донишкадаҳо вохӯриҳо ташкил шуда, барои масъулони ВАО семинарҳои омӯзишӣ доир гардад.
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 30.05.2019    №: 103    Мутолиа карданд: 136

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед