logo

ҳуқуқ

МАДАДГОРИ МУДОФИА. ТАШКИЛОТИ ҶАМЪИЯТИЕ, КИ ИҚТИДОРИ АРТИШРО МЕАФЗОЯД

- Ҳамасола 40 дарсади нақшаи даъват ба хизмати ҳарбӣ аз ҳисоби дастпарварони Ташкилоти ҷамъиятии мададгори мудофиаи Ҷумҳурии Тоҷикистон таъмин карда мешавад. Барои омӯзиши даъватшавандаҳо тамоми шароитҳо, аз ҷумла силоҳ ва дигар техникаи зарурӣ пурра таъмин аст. Курсҳои омӯзишӣ аз ҳисоби буҷети ҷумҳуриявӣ маблағгузорӣ мешаванд. Ҳоло ташкилоти мазкур ба неруи тавонои эҳтиётии Артиши миллӣ, мактаби мардонагиву ватанпарастӣ, боргоҳи омодасозии мутахассисони ҳарбиву мулкӣ ва манбаи рушди намудҳои ҳарбӣ - техникии варзиш табдил ёфта, дар тамоми ҷумҳурӣ ба инфрасохтори муҷаҳҳази моддӣ - таълимӣ ва  ҳарбӣ - варзишӣ соҳиб гардидааст.
Ин матлабро Баҳром Рустамов, муовини раиси Кумитаи марказии ташкилоти фавқуззикр дар суҳбат ба хабарнигори “Ҷумҳурият” баён дошт. Ба таъкиди ҳамсуҳбати мо мақсади ягонаи ташкилот дар рӯҳияи ҳарбӣ - ватандӯстӣ, омодагӣ  ба хизмати ҳарбӣ, далерию чолокӣ ва мардонагию ҳушёрии сиёсӣ  тарбия намудани ҷавонони бонангу номуси миллат аст. Вазифаи асосии кормандони ташкилот на танҳо тайёр кардани мутахассисони варзида барои Қувваҳои Мусаллаҳ ва ба намудҳои гуногуни варзиши техникӣ ва ҳарбӣ - амалӣ фаро гирифтани ҷавонон, балки омода намудани аҳолии мамлакат ба ҳимояи марзу буми кишвар ва хоки муқаддаси Ватан мебошад.
Полковник Баҳром Рустамов мегӯяд, ки ин ниҳоди ҷамъиятӣ барои Қувваҳои Мусаллаҳи кишвар ҳазорон нафар ҷавонони синни даъватиро соҳибкасб намудааст. Ҷиҳати тайёрии тодаъватии ҷавонон бошад, маҷмӯи тадбирҳои тарғиботӣ ва ҳарбӣ - варзиширо амалӣ мекунад, ки моҳияти ватандӯстӣ доранд. «Имрӯз ташкилот ба неруи тавонои эҳтиётии Артиши миллӣ, мактаби мардонагиву ватанпарастӣ, боргоҳи омодасозии мутахассисони ҳарбиву мулкӣ ва манбаи рушди намудҳои ҳарбӣ - техникии варзиш табдил ёфта, дар тамоми ҷумҳурӣ ба инфрасохтори муҷаҳҳази моддӣ - таълимӣ ва  ҳарбӣ - варзишӣ соҳиб гардидааст.
- Мактабҳои муттаҳидаи техникӣ ва автомобилии Ташкилоти ҷамъиятии мададгори мудофиа барои тайёр намудани мутахассисони низомӣ, махсус гардонда шудаанд. Афзалияти ин иқдом дар он аст, ки даъватшавандагон аз ҳисоби маблағгузории давлатӣ соҳиби тахассус гашта, минбаъд онро ба нафъи артиш истифода мекунанд. Натиҷаҳои фаъолият дар ин самт собит мекунад, ки бо шарофати ин иқдом муассисаҳои таълимии ташкилот нақшаро сари вақт иҷро мекунанд. Айни ҳол, аз ҷониби роҳбарияти ташкилот вазифагузорӣ шудааст, ки сифати омодасозии мутахассисон барои эҳтиёҷоти артиш боз ҳам боло бардошта шуда, номгӯи ихтисосҳо аз рӯи зарурат ва сафарбарии воқеӣ ба хизмати ҳарбӣ муайян гарданд, - гуфт Баҳром Рустамов.
Дар самти тайёр намудани мутахассисон дар муассисаҳои таълимии  тобеи ташкилот баланд бардоштани  сифати таълим мавзӯи асосӣ ва ҳалкунанда аст. Зеро сифати баланди омодасозии мутахассисон барои эҳтиёҷоти Қувваҳои Мусаллаҳ аз ҷумлаи вазифаҳои муҳим ба шумор рафта, омили таъмини иқтидори мудофиавии Ватани маҳбубамон ба шумор меравад. Гузариш ба усули электронии омӯзиш дар муассисаҳои таълимии ташкилот аз нахустин қадамҳоест, ки дар ин роҳ гузошта шуд.
Ин шеваи таълим аз маҷмӯи дастгоҳҳои диҷитолӣ, аз қабили компютер, монитор, мултимедиапроектор, барномаи литсензияшудаи компютерӣ, дастгоҳи таълимии омӯзиши ронандагӣ ва дигар қисмҳои иловагӣ иборат буда, муассисаҳои таълимии ташкилот дар ҷорӣ намудани он собитқадамона пеш мераванд. Ин шароитҳои замонавии таълим ҷиҳати омодасозии мутахассисон барои эҳтиёҷоти Қувваҳои Мусаллаҳ ва хоҷагии халқ фароҳам гардидааст.
Ташкилоти ҷамъиятии мададгори мудофиаи Ҷумҳурии Тоҷикистон ҳанӯз соли 1927 таъсис ёфта, то ҳол ҳамчун созмони умедбахш, ҳомии воқеии Ватан, тарбиятгари мутахасисони ҳарбӣ ва мулкӣ шинохта мешавад.
Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 30.05.2019    №: 103    Мутолиа карданд: 162

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист

Дар Ӯзбекистон таҳияи сенарияи ягонаи тӯйҳоро пешниҳод доранд

Ҷаҳон дар як сатр

04.11.2019


Вохӯрии Шукурҷон Зуҳуров бо ҳайати вакилони Парлумони Аврупо

Ҷаласаи Шӯрои миллии рушди маориф баргузор шуд

Машварати сиёсии вазоратҳои корҳои хориҷии Тоҷикистону Туркманистон

Чин ва ИМА масоили асосии созишномаи тиҷоратиро мувофиқа намуданд

Соли гузашта дар дунё 8 ҳазор амали террористӣ руй дод

Қазоқистон таъсиси Шӯро оид ба рушди иқтисоди рақамӣ дар СҲШ - ро пешниҳод кард

Барномаи ҳамкории иқтисодии кишварҳои СҲШ то соли 2035 қабул шуд


Дар сомонаҳои дигари Тоҷикистон хонед