logo

ҳуқуқ

ПОРА. ТАМАЪҶӮӢ КОРМАНДИ ВАЗОРАТРО 11 СОЛ ПАСИ ПАНҶАРА БУРД

Суди ноҳияи Синои шаҳри Душанбе парвандаи ҷиноятӣ нисбат ба Аскар Нурализода, корманди масъули Вазорати рушди иқтисод ва савдоро баррасӣ карда, ӯро барои гирифтани пора бо роҳи тамаъҷӯӣ ба миқдори махсусан калон гунаҳгор донист. Дар ниҳоят, бо ҳукми суд Аскар Нурализода 11 сол равонаи зиндон гардид.
Рафти тафтишот муайян намуд, ки Аскар Нурализода барои дохил намудани лоиҳаи ташкил ва рушди соҳаи мурғпарварӣ дар ноҳияи Ҷалолиддини Балхӣ, ки аз тарафи роҳбари ҶДММ «Сохтмон - Сервис» Насимҷон Абдураҳимов пешниҳод шудааст, дар барномаи давлатии сармоягузориҳо барои солҳои 2016 – 2020 ва дар ин замина ба ҷамъияти номбурда ҷудо намудани маблағҳои грантӣ ба миқдори даҳ миллион доллари ИМА, аз ӯ бо роҳи тамаъҷӯӣ ба сифати пора 10 дарсад (як миллион доллари ИМА) аз маблағи ҷудошавандаро талаб намудааст.
Ӯ бо мақсади амалӣ намудани ҳадафҳои ҷиноятиаш аз Н. Абдураҳимов дар ҳашт ҳолат 32 000 сомониро ба сифати пора гирифтааст. Баъдан А. Нурализода аз Н. Абдураҳимов талаб мекунад, ки номбурда аз бинои истиқоматии бисёрошёна дар шаҳри Душанбе, ки ба ширкати сохтмонии ҶСК «Авитсенна» тааллуқ дорад, ба номи ҳамсараш Савринисо Холиқова як хонаи истиқоматӣ ба маблағи 69 360 доллари ИМА харид кунад. Дар ин замина байни ҶСК «Авитсенна» ва шаҳрванд С. Холиқова шартномаи саҳмгузорӣ ба имзо расонда шудааст, ки дар асоси расиди даромади хазинавӣ қисми маблағи хонаи истиқоматӣ ба миқдори 115 030 сомонӣ аз ҷониби Н. Абдураҳимов ба хазинаи ҶСК «Авитсенна» аз номи С. Холиқова пардохт шудааст.
Дар идомаи амалҳои ҷинояткоронаи худ судшаванда Аскар Нурализода боз 13 сентябри соли 2017 дар ҳуҷраи кориаш аз Насимҷон Абдураҳимов ба сифати пора 10 000 доллари ИМА талаб мекунад. Мавсуф ба маблағҳои қаблан гирифтааш қонеъ нашуда, барои мусоидат намудан дар хусуси ҷудо гардидани маблағҳои грантӣ ба манфиати Н. Абдураҳимов аз ӯ боз 490 000 доллари ИМА талаб намудааст.
Ҳангоми гирифтани маблағ дар назди тарабхонаи “Афсона”- и шаҳри Душанбе А. Нурализода дастгир гардида, маблағҳои мазкур аз ӯ ҳамчун далели шайъӣ ёфта гирифта шуданд.
Инчунин, А. Нурализода моҳи январи соли 2015 барои дохил намудани лоиҳаи сохтмони гармхонаи доимоамалкунанда ва анборхона барои нигоҳдории маҳсулот дар ноҳияи Ҷалолиддини Балхӣ, ба барномаи сармоягузориҳои давлатӣ барои солҳои 2016 – 2020 ва дар ин замина мусоидат намудан барои ба кооперативи истеҳсолии «Олимзода» - и ноҳияи мазкур ҷудо намудани маблағҳои грантӣ ба миқдори 320 000 доллари ИМА, ки лоиҳаи мазкур аз ҷониби роҳбари кооперативи номбурда Олимов Давлат пешниҳод шуда будааст, бо роҳи тамаъҷӯӣ ба сифати пора 4000 евро талаб намудааст.
Маҳкумшуда аввалҳои моҳи июни соли 2017 барои тарҷума, таҳияву омодасозӣ ва дохил намудани лоиҳаи бунёди боғ ва обёрӣ намудани 50 гектар заминҳои хоҷагии деҳқонии «Ораш» ва бо оби нушоӣ таъмин кардани зиёда аз 450 хоҷагӣ ва 3800 нафар аҳолии маҳаллаҳои 10 - солагии Истиқлолият, Зардолузор ва Меҳрободи шаҳри Панҷакент, ҳамчунин, ба барномаи сармоягузориҳои давлатӣ барои солҳои 2016 - 2020 ва дар ин замина мусоидат намудан барои ба соҳибкори инфиродии ин шаҳр Шодмонқул Сангинов ҷудо намудани маблағи грантӣ ба миқдори 246 300 доллари ИМА аз ӯ 20 000 сомонӣ талаб кадааст.
Ин дар ҳолест, ки Аскар Нурализода дар доираи ваколатҳои мансабиаш вазифадор буд, ки лоиҳаҳои пешниҳоднамудаи шаҳрвандон Н. Абдураҳимов, Д. Олимов ва Ш. Сангиновро дар барномаи сармоягузорӣ бидуни тамаъҷӯӣ ҷой намояд.
Б. ИСКАНДАРЗОДА, судяи суди ноҳияи Сино


Баёни ақида (0)    Санаи нашр: 03.06.2019    №: 105    Мутолиа карданд: 262
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед