logo

ҳуқуқ

ШИНОСНОМАИ НАВ. ИСТИФОДАИ ҒАЙРИҚОНУНИИ СИМКОРТ ВА ҶИНОЯТКОРИРО ПЕШГИРӢ МЕКУНАД

Дар Ҷумҳурии Тоҷикистон 6 миллиону 471 ҳазор симкорт мавриди истифода қарор дорад, ки аз он наздик ба 2 миллиону 101 ҳазораш тавассути шиносномаи нав, яъне корти ID ба расмият дароварда шудааст. Дар сурати то 15 августи соли равон шиносномаи соли 1996 - ро ба корти пластикӣ иваз накардан эҳтимол дорад, ки соҳибони симкортҳои боқимонда аз истифодаи он маҳрум гарданд. Зеро тибқи тартиби нав операторони мобилӣ танҳо дар сурати пешниҳоди корти ID симкорти муштариро ба расмият медароранд.  

ШУМО КОРТИ ID ГИРИФТЕД?
Илҳомҷон Атоев, муовини сардори Хадамоти алоқаи назди Ҳукумати Ҷумҳурии Тоҷикистон, дар суҳбат бо хабарнигори рӯзномаи “Ҷумҳурият” вобаста ба ҷузъиёти тартиби нави сабти симкортҳо чунин изҳори назар кард: “ Тибқи Қарори Ҳукумати Ҷумҳурии Тоҷикистон аз 9 феврали соли 2019  “Дар бораи ворид намудани тағйиру иловаҳо ба Қарори Ҳукумати Ҷумҳурии Тоҷикистон” аз 30 апрели соли 2016 “Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он” Хадамоти алоқа вазифадор шудааст, ки то 15 августи соли равон ба номи ҳар шахс ба расмият даровардани на зиёда аз ду симкортро бо шиносномаҳои нав - корти ID анҷом диҳад”. 
Ин дар ҳолест, ки ҳанӯз соли 2016 дар қарори мазкур зикр шуда буд, ки азнавбақайдгирии симкортҳои алоқаи мобилӣ аз ҷониби истифодабарандагон дар асоси шиносномаи шаҳрванди Ҷумҳурии Тоҷикистон (корти ID) гузаронда мешавад.
Вале аз сабаби он ки анҷоми чунин кор ба якборагӣ мушкил буд, дар марҳалаи аввал иҷозат шуд, ки  бо шиносномаи намунаи соли 1996 симкортҳо ба расмият дароварда, тадриҷан, бо корти мазкур иваз карда шаванд. Шиносномаи шаҳрванди Ҷумҳурии Тоҷикистон намунаи соли 2014  дорои махзани муътамади иттилоотӣ буда, истифодаи нодурусти симкортҳоро пешгирӣ менамояд. Дар он нақши ангушт, маълумот дар бораи гурӯҳи хун ва ҷойи зист дар намуди электронӣ мавҷуд аст.
Яке аз сабабҳои қатъӣ кардани сабти симкортҳои телефони мобилӣ бо пешниҳоди шиносномаи навро И. Атоев ба он вобаста медонад, ки баъзе аз шаҳрвандон бо истифодаи нусхаи шиносномаи намунаи соли 1996 симкортҳоро ба тариқи ғайрирасмӣ ба шаҳрвандони хориҷӣ фурӯхтаанд.
Яъне, истифодаи ғайриқонунии симкортҳо метавонад, ба кирдорҳои номатлубу ҷинояткорона, аз ҷумла амалҳои террористӣ замина гузорад, ки таҳдид ба амнияти давлат ва ҷомеа мебошад.

ЗИНҲОР, ТЕЛЕФОН БА БЕГОНА МАДЕҲ!
Ахиран дар Маҷлиси намояндагон лоиҳаҳои ворид намудани тағйиру иловаҳо ба Кодекси ҳуқуқвайронкунии маъмурӣ ва Кодекси ҷиноятии Ҷумҳурии Тоҷикистон ба тасвиб расид, ки тибқи онҳо шаҳрванд зимни пайвасти ғайриқонунии симкорт ва ё ба каси дигар додани он ба ҷавобгарии маъмурӣ ва ҷиноятӣ кашида мешавад.
Икром Умарзода, муовини вазири корҳои дохилӣ,  зимни тавзеҳи тағйирот таъкид дошт, ки ҳадаф аз чунин муқаррарот пешгирии ҳуқуқвайронкунии маъмурӣ вобаста ба пайвасткунии ғайриқонунии симкорти телефони мобилӣ ба шабакаи алоқаи барқӣ мебошад.
Ба гуфтаи муовини вазир, омӯзиши ҳодисот ва ҷиноятҳои дар кишвар бо истифода аз симкортҳои мобилӣ рухдода нишон доданд, ки ҷиҳати пешгирӣ намудани ҷиноятҳои хусусияти террористӣ ё экстремистидошта то ин дам ҷавобгарии ҷиноятӣ муқаррар нагардидааст. Бинобар ин, бо назардошти таҳдиди хатарҳои замони муосир, аз ҷумла экстремизм ва терроризм, ҷиноятҳои муташаккили фаромиллӣ, қочоқ ва гардиши ғайриқонунии воситаҳои нашъаовар ба Кодекси ҷиноятии Ҷумҳурии Тоҷикистон моддаи нав 3411 “Вайрон кардани талаботи санадҳои меъёрии ҳуқуқии Ҷумҳурии Тоҷикистон доир ба пайвасткунии симкорт ба шабакаи алоқаи барқӣ ва ба соҳибияти каси дигар додани он” илова мешавад. Минбаъд мувофиқи талаботи нав дар ҳолате, ки шахс телефонашро ба каси дигар диҳаду ӯ ба фарди дигар занг занад ва он боиси ба амал омадани амалҳои террористиву экстремистӣ гардад, соҳиби симкорт низ ба ҷавобгарии ҷиноятӣ кашида мешавад. Яъне, қонунан шарики ҷинояткор эътироф мегардад. Аз ин рӯ, кулли шаҳрвандон, бахусус ҷавонону наврасонро зарур аст, ки ба ҳеҷ ваҷҳ телефонҳои мобилии худро ба шахсони ношинос, ҳатто барои истифодаи яклаҳзаина, надиҳанд.

ТАҚДИРИ МИЛЛИОНҲО СИМКОРТ ЧӢ МЕШАВАД?
Ба гуфтаи Икром Умарзода, агар шаҳрванд дар муҳлати муқарраршуда шиносномаи худро иваз накунад, фаъолияти симкорти ба ӯ тааллуқдошта  қатъ мегардад.
Азбаски то ҳол 3 миллион нафар ва ё сеяки аҳолии Тоҷикистон шиносномаҳои намунаи соли 1996 - ро иваз накардаанд, баъзе аз вакилон пешниҳод доштанд, ки муҳлати ивази шиносномаҳо дароз шавад. Зеро Вазорати корҳои дохилӣ то моҳи август имкони иваз кардани ҳама шиносномаҳоро надорад. Зеро, бино ба арзёбии муовини вазири корҳои дохилӣ ин ниҳод дар як моҳ то 50 ҳазор шиносномаро иваз карда метавонаду халос.
Аз ин рӯ, коршиносон роҳи ҳал ва пешгирии ҳар гуна мушкилоти эҳтимолӣ вобаста ба ин масъаларо дар тамдиди муҳлат ва тавсеаи имконоти вазорат медонанд.
Мунаввари САФАР, «Ҷумҳурият»


Баёни ақида (0)    Санаи нашр: 19.06.2019    №: 115    Мутолиа карданд: 267

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед