logo

фарҳанг

МАҲМУДҶОН ВОҲИДОВ: "МАРО ЁД КУНЕД"

(“Ҷумҳурият”, 23 майи соли 2019)

Мақомоти иҷроияи маҳаллии ҳокимияти давлатии ноҳияи Ашт маводи “Маҳмудҷон Воҳидов: “Маро ёд кунед” – ро, ки дар рӯзномаи “Ҷумҳурият” нашр шудааст, мавриди баррасӣ қарор дод. Дар он аз хусуси норасоиҳо дар рафти иҷрои нақшаи чорабиниҳо доир ба сазовор ҷашн гирифтани 80 - солагии Ҳунарпешаи халқии Тоҷикистон Маҳмудҷон Воҳидов дар ноҳия сухан рафтааст.

Масъулини соҳа дар ҳақиқат бо рӯзноманигор вохӯрда, аз рафти иҷрои чорабиниҳо маълумот доданд. Аз ҷумла, дар бораи ба тасвиб расидани қарори раиси ноҳияи Ашт ва тасдиқ намудани нақшаи чорабиниҳо доир ба таҷлили 80 - солагии Маҳмудҷон Воҳидов иттилоъ дода шуд. 
Норасоиҳои дар мавод нишондодашуда ислоҳ гардида истодаанд.  Аз ҷумла, муаллиф дар мақолаи худ овардааст: “Дар театр гӯшае нест, ки каси ба он омада маълумоти муфассале оид ба ҳаёт ва фаъолияти эҷодии Маҳмудҷон Воҳидов пайдо кунад. Нимпайкараи ҳунармандро, ки солҳои аввали навадуми асри гузашта ҳайкалтароши маъруфи тоҷик Камолиддин Нодиров офарида буд, дар ҷараёни корҳои сохтмонӣ таъмирталаб шудаасту дар таҳхонаи театр қарор дорад”. Вобаста ба ин ҳолат Шоирҷон Абдураҳмонов, ки айни ҳол сарварии Театри мусиқӣ - драмавии ба номи Маҳмудҷон Воҳидовро ба уҳда дорад, иттилоъ дод, ки тибқи нақшаи чорабиниҳои мақомоти иҷроияи маҳаллии ҳокимияти давлатии ноҳия дар театр гӯшаи махсусе доир ба фаъолияти эҷодии М. Воҳидов таъсис дода шуда, нимпайкараи устод дар дохили бинои театр бо иштироки ёрдамчии Президенти Ҷумҳурии Тоҷикистон оид ба масъалаҳои иқтисодӣ Ашурбой Солеҳзода  ва меҳмонон аз ноҳияи Попи Ҷумҳурии Ӯзбекистон кушода шуд.
Рӯзноманигор замоне ба ноҳия омада буд, ки барои таъсиси гӯша корҳои омодагӣ мерафт. Ба ҳамагон маълум аст, таъсиси чунин як гӯша, ки барои ҳазорон нафар ҳаводорон ва дӯстони Маҳмудҷон Воҳидов ба намоиш гузошта мешавад, кори саҳл ва осон нест. Бинобар ин, масъулин дар омодасозии гӯша ба шитобкорӣ роҳ додан нахостанд. Ин аст, ки гӯшаи ба ҳаёт ва эҷодиёти ҳунарманд бахшидашуда, хеле диданӣ ва хотирмон баромадааст.
Дар идомаи мақола навишта шудааст, ки “инак, сол ним шуда бошад, ҳам то ҳол дар ягон шумораи рӯзномаи ноҳиявии “Шуҳрати Ашт” оид ба ҷашни ҳамдиёри машҳурашон сатре рӯи чопро надидааст”. Бинобар иттилои Таҳмина Мисробӣ, сармуҳаррири рӯзномаи ноҳиявӣ, баъди нашри мавод дар рӯзнома 2 мақола (зери унвони “Ситораи рахшони саҳна” ва “Маро ёд кунед”) оид ба фаъолияти Маҳмудҷон Воҳидов чоп гардид. Рӯзнома ба нақша гирифтааст, ки то ҷашни ҳунарманд силсилаи мақолаҳоро нашр намояд.
Муаллиф, ҳамчунин, нигоштааст, ки дар радиои маҳаллии “Диёр” ҳамарӯза, вақти бомдод то панҷ дақиқа рубоиёти Хайёму ғазалҳои Ҳофиз, достонҳои устод Турсунзода бо садои Маҳмудҷон Воҳидов пахш мешавад. Барномаҳои “Гулбонги сапедам” бо садои махмалини Маҳмудҷон Воҳидов акнун давоми ҳафта на танҳо субҳгоҳон, балки давоми рӯз низ пахш мешаванд.
Ҷиҳати таҷлили 80 - солагии ин шахсияти шинохта ва маъруф аз 16 апрели соли 2019 қарори раиси ноҳияи Ашт ба тасвиб расида, бандҳои он дар муҳлатҳои муқарраршуда иҷро мешаванд. То имрӯз дар ноҳия тибқи нақша як қатор чорабиниҳо баргузор шуданд. Аз ҷумла, дар муассисаҳои таълимӣ чорабиниҳои маърифатӣ оид ба фаъолияти фарзандони шуҳратманди диёр, махсусан ровии нотакрор Маҳмудҷон Воҳидов, доир гардида истодаанд. Миёни хонадагони ноҳия озмуни “Ровии беҳтарин” ташкил шудааст.
Мақомоти иҷроияи маҳаллии ҳокимияти давлатии ноҳияи Ашт минбаъд низ баҳри гиромидошти хотираи ҳунарманди шаҳир Маҳмудҷон Воҳидов тамоми чораҳоро андешида, дар таҷлили сазовори ҷашни 80 – солагиаш саҳми босазо хоҳад гузошт.
Аниса ҶАЛИЛӢ, муовини раиси ноҳия Ашт


Баёни ақида (0)    Санаи нашр: 19.06.2019    №: 115    Мутолиа карданд: 111

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед