logo

иқтисод

МАБЛАҒҲОИ СУҒУРТАВӢ. ДАСТНОРАС БУДАНИ ОНҲО КИШОВАРЗОНРО БА ТАШВИШ ОВАРДААСТ

Дар Маркази тадқиқоти стратегии назди Президенти Ҷумҳурии Тоҷикистон доир ба вазъи бозори молиявӣ ва раванди сармоягузорӣ ба иқтисоди кишвар конфронси илмӣ – амалӣ баргузор гардид. Дар ҳамоиш намояндагони вазоратҳои молия, рушди иқтисод ва савдо, марказу пажӯҳишгоҳҳои илмию тадқиқотӣ масъалаҳои фонди биржавӣ, суғурта ва вазъи  ташкилотҳои қарзиро матраҳ намуданд.
Диловар Қодирзода, директори Маркази тадқиқоти стратегӣ, изҳор дошт, ки ҳадафи чоруми стратегӣ эълон гардидани саноатикунонии босуръати кишвар барои амалигардонии лоиҳаҳои истеҳсолӣ ҳалли масъалаҳои ҷалби сармояи арзон, рушди фурӯши қоғазҳои қиматнок ва беҳсозии низоми бонкиро тақозо менамояд.
Ба гуфтаи Сафар Сабзаалиев, масъули бахши амволи шаҳрвандии  КВД «Тоҷиксуғурта»,  имрӯзҳо  ночиз будани  маблағҳои суғуртавӣ  барои кишоварзон яке аз масъалаҳои  ҳалталаб ба шумор меравад.
- Мувофиқи қонунгузорӣ дар бораи суғуртаи давлатӣ маблағи ташкилотҳои суғуртавӣ бояд дар фонди алоҳидаи онҳо нигоҳ дошта шавад. Аммо имрӯзҳо ин муқаррарот аз ҷониби масъулони бахшҳои молияи шаҳру ноҳияҳо риоя намегардад. Мо дар ҳолати муроҷиати шаҳрвандон маблағҳои суғуртавиеро, ки ҷамъоварӣ менамоем, сари вақт баргардонда наметавонем. Чунки маблағ дар ихтиёри бахшҳои молия асту барои гирифтанаш шаҳрванд бояд  чанд ҳуҷҷати дигар таҳия намояд. Дар чунин ҳолат ҳам бархӯрдор гардидани деҳқон аз маблағҳои суғуртавӣ  дар гумон аст. Бо ин сабаб, тайи солҳои охир суғуртаи хоҷагиҳои деҳқонӣ ба муаммои сарпечида мубаддал  шудааст. Азбаски ҳодисаю  офатҳои зиёновар дар табиати кишвар солҳои охир бисёр мушоҳида мешаванд, аксари  кишоварзон аз васеъ намудани майдони киштзор меҳаросанд. Агар онҳо аз дастрасӣ ба маблағҳои суғуртавӣ дилпур бошанд, пайваста ҳаҷми заминҳои киштро зиёд менамоянд ва таъмини амнияти ғизоию иқтидори содиротии мамлакатро боз ҳам беҳбуд мебахшанд.
Сафарҷон Азизов, сармутахассиси раёсати масъалаҳои макроиқтисодии МТС, фаъолияти ташкилотҳои қарзиро камсамар арзёбӣ намуда, гуфт:
- Ҳоло бонкҳои тиҷоратӣ ва ташкилотҳои қарзӣ  мехоҳанд даромади худро таъмин намоянд, аммо на аз ҳисоби зиёд кардани теъдоди қарзгирандагон. Ин ҳолат ба он оварда расондааст, ки шумораи қарзгирандагон кам ва фоизи қарзҳо зиёд гардад. Бисёр хуб мешуд, ки бонкҳо ба соҳаҳои афзал ва истеҳсолкунандагони ба рақобат тобовар бо фоизҳои кам қарз диҳанд. Дар ин маврид шумораи муштариёни  онҳо зиёд гардида, хатари муфлисшавии қарзгирандагон ва бонк аз байн меравад. Аммо бо  иллати додани қарзҳои баландфоиз ва ба инобат нагирифтани афзалияту рақобатпазирии соҳаи фаъолияти муштарӣ  ташкилотҳои молиявӣ ва бонкҳои тиҷоратӣ зиёни калон диданд, - гуфт номбурда. 
Ёдовар мешавем, ки тайи се соли охир шумораи ташкилотҳои қарзии мамлакат аз 138 адади соли 2015  соли 2018 то 80 адад коҳиш ёфт, ки ин аз вазъи бади соҳа дарак медиҳад.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 04.07.2019    №: 127    Мутолиа карданд: 552
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед