logo

фарҳанг

ОЗМУНИ "ТОҶИКИСТОН – ВАТАНИ АЗИЗИ МАН" САҲИФАИ НАВЕ ДАР ФАРҲАНГИ МУОСИР

Фарҳанги мусиқии тоҷикон боигарии маънавии халқамон буда, бо таърихи қадима, анъанаҳои ҷолиб, гуногунрангӣ ва хусусиятҳои хоси худ дар рушди маънавиёти ҷомеа нақши муҳим дорад. Он, ҳамчунин, дар пешрафти фарҳанги мусиқии ҷаҳон низ саҳми назаррас дошта, имрӯз ба шарофати Истиқлолияти давлатии кишварамон хусусиятҳояшро дигар намудааст.

Тавре Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: «Фақат миллате, ки барои рушду такомули илму маориф ва фарҳанг ғамхорӣ зоҳир мекунад, ба давлатдорӣ сазовор аст». Ин аст, ки дар сиёсати фарҳангии пешгирифтаи Сарвари давлат рушди бонизоми соҳаи санъат самти афзалиятнок ҳисобида мешавад. Аҳли фарҳангу ҳунар аз иқдомҳои беназири Президенти кишвар ва Ҳукумати ҷумҳурӣ дар рушди фарҳанги миллатамон  ифтихорманд буда, барои боз ҳам равнақу ривоҷ додани он тамоми неру ва истеъдодашонро равона намудаанд.
Боиси сарфарозист, ки имрӯзҳо бо ибтикори Президенти Ҷумҳурии Тоҷикистон муҳтарам Эмомалӣ Раҳмон бо мақсади эҷоди асарҳои нав ба нав, дарёфти беҳтарин асарҳои мусиқии тараннумгари дастовардҳои Истиқлолияти давлатӣ ва тарғибу ташвиқи анъанаҳои арзишманди миллию мероси пурғановати ниёгон, Озмуни ҷумҳуриявии «Тоҷикистон – Ватани азизи ман» баргузор гардида истодааст. Озмун дар 6 номинатсия, аз ҷумла – композиторӣ, сарояндагӣ ва навозандагӣ баргузор гардида, дар ҳар номинатсия 3 ҷой барои ғолибон пешбинӣ гардидааст.
Айни замон, дар ҳамаи шаҳру ноҳияҳои мамлакат даври аввали озмун баргузор гардида истодааст. Қобили зикр аст, ки даври аввали озмуни мазкур дар ноҳияҳои шаҳри Душанбе дар сатҳи хеле баланди касбӣ доир шуд, ки он далели таваҷҷуҳи хоси мақомоти иҷроияи ҳокимияти давлатии шаҳри Душанбе ҷиҳати сафарбар намудани ҷавонони соҳибистеъдод ба озмун мебошад.
Дар ин замина, Иттифоқи композиторони Тоҷикистон низ тадбирҳои амалиро дар ду самт –– ташкилӣ ва эҷодӣ ба роҳ монда, ҷиҳати мусоидат намудан ба ташаккули мақоми шаҳрвандон ҳамчун иштирокчии ғайримустақими ҳаёти эҷодӣ, ташаккули низоми нав дар раванди тарғиби мусиқии касбӣ ва дар ин робита сафарбар намудани ҷавонони соҳибистеъдод баҳри иштироки фаъолона дар ин раванд, тадбирҳои судмандро роҳандозӣ намуда истодааст.
Ҷомеа санъати асилу касбиро пазиро буда, маҳз ҳунари волою асил бавуҷудорандаи завқи бадеии бинандаву шунаванда ва таваҷҷуҳи мардум ба ин бахши муҳими фарҳанги миллӣ мебошад. Бо ин мақсад, имрӯзҳо гурӯҳҳои кории Иттифоқи композиторони Тоҷикистон ва намояндагиҳои иттифоқ дар вилоятҳои Суғду Хатлон номзадҳоро аз шаҳру ноҳияҳо барои иштирок дар даври якуми озмун дар номинатсияи композиторӣ тавсия намуда, инчунин, дар жанрҳои академӣ (сарояндагӣ ва навозандагӣ), гурӯҳҳои хорсароён, ансамблҳои камеравиро аз ҳисоби хонандагону донишҷӯён интихоб ва омода намуда истодааст.
Сиёсати фарҳангии Тоҷикистони соҳибистиқлол ба худшиносии миллӣ равона шудааст. Қобили зикр аст, ки ба шарофати сиёсати фарҳангпарваронаи Пешвои муаззами миллат муҳтарам Эмомалӣ Раҳмон имрӯз дар Тоҷикистони соҳибистиқлол саҳифаи наве барои ташаккули фарҳанги муосир боз гардидааст. Дар ин замина, Озмуни ҷумҳуриявии «Тоҷикистон – Ватани азизи ман» ҷиҳати мукаммал намудани захираи кадрӣ, ташаккул додани раванди вусъати неруҳои эҷодӣ ва қобилияти наврасону ҷавонон, дарёфти чеҳраҳои нави ҳунарӣ, оммавигардонии жанрҳои гуногуни мусиқии касбӣ, ғанӣ гардондан ва фаъол намудани тафаккури бадеӣ, густариши маънавиёти ҷомеа ва ҳифзи беҳтарин анъанаҳои фарҳанги миллӣ заминаи мусоид фароҳам овардааст.
Хуршед НИЗОМОВ, раиси Иттифоқи композиторони Тоҷикистон


Баёни ақида (0)    Санаи нашр: 08.07.2019    №: 129    Мутолиа карданд: 253

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД


Дар сомонаҳои дигари Тоҷикистон хонед