logo

ҳуқуқ

ҲАМОҲАНГӢ ДАР МУДОФИА. СОХТОРҲОИ МАРБУТА ТАВОНМАНДИҲОИ ХУДРО ТАҲКИМ МЕБАХШАНД

Ҷиҳати иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ муҳтарам Эмомалӣ Раҳмон рӯзҳои 5 - 6 июли соли равон дар пойгоҳи Вазорати мудофиаи кишвар бо иштироки роҳбарони мақомоти марказӣ ҷамъомади таълимӣ - методӣ доир гардид.
Тавре Ориф Нозимиён, сардори маркази матбуоти Вазорати мудофиаи Ҷумҳурии Тоҷикистон, ба рӯзномаи «Ҷумҳурият» иттилоъ дод, дар рафти баргузории он котиби Шӯрои амнияти Ҷумҳурии Тоҷикистон Маҳмадалӣ Ватанзода, роҳбарон ва намояндагони тамоми сохторҳои низомии мамлакат, мақомоти ҳифзи ҳуқуқу тартибот, масъулони вазорату кумитаҳо ва дигар шахсони расмӣ ширкат карданд.
 - Ҳадафи баргузории ҷамъомади таълимӣ - методии роҳбарони мақомоти марказии ҳокимияти иҷроияи Ҷумҳурии Тоҷикистон таҳкими иқтидори мудофиавии давлат, сайқал додани ҳамоҳангии сохторҳои низомии мамлакат, баланд бардоштани омодагии рӯҳиву равонӣ ва сафарбарии қӯшунҳо ҳангоми доир кардани унсурҳои мухталифи зиддитеррористӣ мебошад, -  гуфт Ориф Нозимиён.
Дар рӯзи нахустини ҷамъомади таълимӣ - методӣ котиби Шӯрои амнияти ҷумҳурӣ баромад намуда, оид ба моҳияти баргузории ин ҷамъомад, самтҳои афзалиятноки  ҳамкорию  ҳамоҳангсозии  мақомоти  давлатии Ҷумҳурии Тоҷикистон ва дигар масъалаҳои амниятӣ ибрози назар намуд.
Вазири мудофиаи мамлакат Шералӣ Мирзо дар баромади худ вобаста ба сиёсати дифоии кишвар, вазъи сиёсии минтақа ва ҷаҳон, таҳдиди хатарҳои замони муосир ҳарф зад. Ба таъкиди Шералӣ Мирзо дар замони авҷ гирифтани таҳдиду хатарҳои ҷаҳони муосир зарур аст, ки ҳар шаҳрванди ватандӯст дар канори Қувваҳои Мусаллаҳ барои ҳифзи марзу буми кишвар, суботу оромии ҷомеа иқдом намояд.
Рӯзи дуюми ҷамъомади роҳбарони мақомоти марказии ҳокимияти давлатӣ дар машқгоҳи ҳарбии Фахрободи вилояти Хатлон идома ёфт. Аз рӯи мавзӯи баргузории ҷамъомади мазкур дар шароити дашту саҳро ва минтақаҳои аҳолинишин, бинову иншооти муҳими давлатӣ, мавзеъҳои стратегӣ ва роҳҳои душворгузари кӯҳистони ҳудуди ҷумҳурӣ парвозҳои намунавии қувваҳои ҳарбӣ - ҳавоӣ ва мудофиаи зиддиҳавоии Артиши миллӣ ба амал бароварда шуд. 
Бахши амалии ин ҷамъомад бо тирпарронии ҷангии ҳайатҳои роҳбарию фармондеҳии сохторҳои қудратию мақомоти ҳифзи ҳуқуқ ва дигар иштирокчиёни он бо намунаи тамоми силоҳу муҳимоти ҷангӣ, ки аз тарафи ҳайати шахсии ҷузъу томҳои Қувваҳои Мусаллаҳ истифода мешаванд, маҳсуб меёфт.
Қисмати дигари ҷамъомад тариқи назариявӣ ҷараён гирифта, дар охир ба қисме аз иштирокчиёни ҷамъомади таълимӣ - методии роҳбарони мақомоти марказии ҳокимияти давлатии Ҷумҳурии Тоҷикистон рутбаҳои навбатии ҳарбӣ ва дигар туҳфаҳои хотиравӣ тақдим карда шуд.
Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 10.07.2019    №: 130    Мутолиа карданд: 279

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед