logo

туризм

РАШТ. МАКОНИ САЙЁҲИИ ЭКОЛОГӢ

Ноҳияи Рашт яке аз минтақаҳои зебои кишвар буда, бо рӯду кӯлҳои мусаффо, олами нодири ҳайвоноту наботот, кӯҳҳои осмонбӯс ва мардуми меҳмоннавозаш ҳамеша мавриди таваҷҷуҳи дӯстдорони сайру саёҳат қарор дорад.

Тайи солҳои охир миёни сайёҳон дараҳои хушманзараи Камароб, Тагоба, Қалъанак, Ҷафр, Ҳиҷборак, Ясман ва Ҳоит, ки дар онҳо сайёҳии шикор, экологӣ, кӯҳнавардӣ, рафтинг, пиёдагардиву аспсаворӣ беш аз пеш ривоҷу равнақ меёбад, маҳбубияти хос пайдо намуда, ташрифи сайёҳон ба ин мавзеъҳо меафзояд. Бахусус, дараи Ҷафр, ки яке маконҳои зебоманзари ноҳия ба шумор меравад, писанди ҳамагон аст. Дар ин ҷо бо ташаббуси деҳқони асил Мирзошоҳи Акобир ҳанӯз соли 1988 дар масоҳати наздики 1 гектар боғи ботаникӣ - фарҳангии «Кӯҳсори Аҷам» бунёд ёфта, дар он навъҳои зиёди себ, муруд, зардолу, гелос, ангур, олу, шафтолӯ, чормағз ва бодом парвариш мешаванд. Инчунин, дар боғ осорхонаи кишваршиносӣ, маркази ҳунармандӣ, меҳмонхонаи миллӣ, бахши занбӯриасалпарварӣ таъсис ёфтаанд, ки сайёҳон бо таъриху фарҳанги мардуми кӯҳистон шинос шуда, аз маҳсулоти дастии ҳунармандон, гиёҳҳои шифобахш ва асали  хуштаъму аз ҷиҳати экологӣ тоза харид менамоянд.
Бо мақсади ҷалби бештари  сайёҳон аз ҷониби мақомоти иҷроияи маҳаллии ҳокимияти давлатии ноҳияи Рашт тамоми тадбирҳои зарурӣ андешида мешаванд. Чунончи мудири бахши сайёҳӣ  О. Ҳайдарзода иброз дошт, ҳоло дар ноҳия се меҳмонхонаи замонавӣ- «Соҳили Сурхоб», «Шоми Рашт» ва «Ҷамъияти матлубот» фаъолият дошта, дар як шабонарӯз метавонанд ба беш аз 200 меҳмон хизмат расонанд. Дар доираи эълон шудани соли 2018 ҳамчун Соли рушди сайёҳӣ ва ҳунарҳои мардумӣ аз ҳисоби маблағҳои буҷети маҳаллӣ ва ҷалби соҳибкорон 42 километр роҳҳои дорои аҳамияти байналмилалӣ, ҷумҳуриявӣ ва маҳаллӣ  асфалтпӯш гардиданд, ки беш аз 27 километри он ба мавзеъҳои сайёҳии дараҳои Камароб ва Тагоба рост меоянд. Ғайр аз ин, дар мавзеи сайёҳии Хоҷашамсиддини дараи Тагоба 11 ҳостел (меҳмонхонаи хурд) ба истифода дода шуд. Ҳамзамон, харитаи сайёҳии ноҳия омода гардида, дар яке аз мавзеи сайёҳии Чашмаи шоирон, воқеъ дар даромадгоҳи ноҳия насб шуд. Инчунин, баҳри боз ҳам таҳким бахшидан  ба корҳои созандагиву бунёдкорӣ  аз ҳисоби маблағҳои буҷети маҳаллӣ ва ғайрибуҷетӣ барои сохтмони инфрасохтори зарурӣ беш аз 2, 5 миллион сомонӣ ҷудо гардид. Дар доираи ин, айни замон дар кӯчаи Сари Пули шаҳраки Ғарм бунёди меҳмонхона, ошхона  идома дорад.
Қобили зикр аст, ки ноҳияи дорои сомонаи сайёҳӣ (www.rasht.tajtravel.tj) буда, дар он  мунтазам матолиби нави иттилоотии сайёҳӣ нашр мегарданд. Ҳамчунин, чанде пеш бо мақсади муаррифии бештари имкониятҳои сайёҳӣ ва пешниҳоди хизматрасонии муносиб ба сайёҳон дар ноҳия 4 хатсайри нави сайёҳӣ (Душанбе – Рашт – Ҷафр – Камароб; Душанбе – Рашт – Ҷафр – Ҳоит; Рашт – Камароб – Тагоба; Рашт – Ҷафр) ташкил шуд, ки дӯстдорони сайру саёҳатро бетаваҷҷуҳ нахоҳад гузошт.
Итминон ҳаст, ки бо дастгириҳои мақомоти иҷроияи маҳаллии ҳокимияти давлатии ноҳия ва ҷалби соҳибкорону шахсони саховатпеша шароити фароғату истироҳати сайёҳон боз ҳам беҳтар гашта, ноҳияи Рашт ба макони сайёҳии экологии мамлакат табдил меёбад.
 Ш. ҚУРБОН, “Ҷумҳурият”


Баёни ақида (0)    Санаи нашр: 11.07.2019    №: 131    Мутолиа карданд: 276

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед