logo

иқтисод

МОҲИПАРВАРӢ. РУШДИ СОҲА ТАҚОЗОИ ЗАМОН АСТ

Ҳамасола дар ҷумҳурӣ якшанбеи дуюми моҳи июл Рӯзи моҳипарварон таҷлил мешавад. Тибқи маълумоти ташхисгарони хориҷӣ, моҳии истеҳсоли Тоҷикистон дар ҷаҳон аз ҷиҳати экологӣ тоза ва барои саломатӣ фоидабахш аст. Рушди соҳа ба буҷети кишвар низ даромади зиёд оварда метавонад.

Ҷумъахон Раҷабов, муовини сардори КВД «Моҳии Тоҷикистон», ба хабарнигори «Ҷумҳурият» гуфт, ки қабули Барномаи маҷмӯавии рушди соҳаи чорводорӣ дар Ҷумҳурии Тоҷикистон барои солҳои 2018 –2022 ба рушди соҳа, баланд бардоштани маҳсулнокии моҳии ватанӣ ва афзоиши ҳаҷми истеҳсоли моҳӣ такон бахшид. Теъдоди хоҷагиҳои моҳипарвари ҷумҳурӣ давоми нимсолаи аввали соли ҷорӣ ба 372, масоҳати оинаи обӣ қариб ба 3014 гектар ва ҳаҷми истеҳсоли моҳии молӣ ба 426,5 тонна расид. Ин нишондиҳанда нисбат ба ҳамин давраи соли гузашта 18 дарсад зиёд мебошад. Тибқи дурнамо, имсол дар ҷумҳурӣ истеҳсоли 4500 тонна моҳӣ дар назар аст.
Баробари ин, дар асоси талаботи барнома ва тибқи шартномаҳои тарафайн, аз Федератсияи Россия ба ҷумҳурӣ барои такрористеҳсолкунӣ, парвариш ва зиёд намудани шумора 10 миллион кирминамоҳичаи намудҳои амури сафед, карпи оинагӣ, пешонапаҳни ало оварда, ба хоҷагиҳои моҳипарварии ҷумҳурӣ тақсим карда шуд. Инчунин, барои пешгирии бемориҳои сироятӣ, ки сабаби асосии талафоти моҳӣ ва тухми он мегарданд, тадбирҳои мушаххас андешида шуданд.
Айни ҳол дар ҳавз, кӯл ва обанборҳои мамлакат 85 намуди моҳӣ парвариш меёбад. Аз моҳиҳои хушзоти ватанӣ 8 навъ барои парвариш ва 7 навъ сайдшаванда мебошанд.  Дар ҷумҳурӣ парвариши гулмоҳӣ хеле муфид аст. Парвариши онро ҳатто дар кӯлҳои сунъӣ ба роҳ мондан имконпазир аст, зеро гулмоҳӣ камхӯрок буда, бештар гиёҳҳои гуногун истеъмол мекунад. Ғайр аз ин, обу иқлими кишвар барои ба роҳ мондани парвариши илмии бисёр зотҳои моҳӣ, аз ҷумла амури сафеду сиёҳ, буффалои амрикоӣ, сӯфимоҳӣ, карпи чармӣ, сафеди чашмсурх, гурбамоҳӣ, мувофиқ мебошад. 
Ду хоҷагии зотпарварии КВД «Моҳии Тоҷикистон» - ҶСК «Моҳии тоҷик» - и ноҳияи Бобоҷон Ғафуров ва  ҶСК «Парваришгоҳи моҳии хушзот» - и ноҳияи Абдураҳмони Ҷомӣ қариб тамоми хоҷагиҳои моҳипарвари мамлакатро бо моҳичаю кирминамоҳичаҳо таъмин менамоянд. Айни ҳол хоҷагиҳои моҳидории «Суғд – моҳӣ» - и шаҳри Гулистон, «Исмоил» - и шаҳри Кӯлоб, «Аквапарк», «Фарел» - и шаҳри Ваҳдат, «Чӯбек» - и ноҳияи Мир Сайид Алии Ҳамадонӣ, «Парваришгоҳи моҳии хушзот» - и ноҳияи Абдураҳмони Ҷомӣ, «Гули Сурх» - и ноҳияи Дӯстӣ ва «Абдуназар» - и ноҳияи Варзоб дар зиёд намудани ҳаҷми истеҳсоли моҳӣ саҳми назаррас доранд.
Ба гуфтаи Ҷумъахон Раҷабов, ҳадафи стратегии миллӣ, шароит ва замон тақозо менамояд, ки ин соҳаи аз нигоҳи  иқтисодӣ фоидаоварро рушд диҳем.  Мутаассифона, барои ба роҳ мондани истеҳсоли саноатии моҳӣ ҳанӯз ҳам пойгоҳи хӯроки он  нокифоя аст. Моҳипарварон чанд намуди ғизоҳои заруриро бо нархҳои гарон аз хориҷа ворид менамоянд, Дар Тоҷикистон корхонаи махсуси истеҳсоли хӯроки моҳӣ мавҷуд нест, ҳарчанд моҳипарварон ба он ниёз доранд. Дар назар аст, ки соли 2020 бо дастгирии Вазорати кишоварзии Ҷумҳурии Тоҷикистон корхонаи истеҳсоли хӯроки моҳӣ бунёд шавад.
Моҳиҳое, ки дар обанборҳо парвариш меёбанд, аз нигоҳи экологӣ бартарият доранд ва барои консервкунонӣ мувофиқанд. Аз ин рӯ, бунёди корхонаҳои хурди истеҳсоли консерви моҳӣ  ва маҳсулоти дигари он низ бояд дар меҳвари таваҷҷуҳи масъулони соҳа бошад. Танҳо тавассути рафъи ин мушкилот ва андешидани тадбирҳои дигар моҳипарвариро ба соҳаи сердаромад табдил додан ва аҳолии мамлакатро бо гӯшти парҳезии моҳии худӣ таъмин кардан имконпазир аст.
Кароматулло АТО, 
«Ҷумҳурият» 


Баёни ақида (0)    Санаи нашр: 12.07.2019    №: 132    Мутолиа карданд: 392

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед