logo

иқтисод

ФАЙЗОБОД. ШУМОРАИ СОҲИБКОРОНИ ХАЙРХОҲ МЕАФЗОЯД

Босамару оқилона истифода бурдани заминҳои кишт имконият дод, ки сокинони заҳматкаши ноҳияи Файзобод аз ҳисоби фоидаи аз замин гирифтаашон дар корҳои ободонии диёри худ саҳми арзанда гузоранд.  Хайриддин Расулов, Муллоқувват Раҳимов ва Лоиқ Воҳидов аз зумраи  нафароне ҳастанд, ки бо меҳнати ҳалол зиндагии осудаҳолона пеш бурда, дар ободонии ноҳия ҳиссаи сазовор  мегузоранд ва  ба даҳҳо оилаи камбизоату эҳтиёҷманд  дасти мадад дароз менамоянд.
Хайриддин Расулов дар мавзеи Сардараи ноҳия бо аҳли хонадонаш заминҳои солҳои тӯлонӣ бекорхобидаро  тахту ҳамвор, шодоб ва киштбоб кард. Ҳоло ҳар сол дар майдони чор гектар картошка кишт карда, аз ҳар  гектар 300 - сентнерӣ ҳосил мегирад. Инчунин, дар талу теппаҳои он ҷо 2 гектар боғи нав бунёд намуд ва аз он даҳҳо тонна себу нок мерӯёнад. Хайриддин Расулов барои обёрии заминҳои хоҷагиаш аз мавзеи Дараи Калон то  майдони киштзор ба масофаи 500 метр ҷӯйбор канда, об овард. Ӯ ният дорад, ки майдони кишти картошкаро васеътар сохта, дар афзоиши истеҳсоли ин маҳсулоти зарурӣ ҳиссагузор бошад.
Ҳамчунин, Хайриддин Расулов хоҷагии деҳқонии чорводории «Хайриддин» - ро таъсис дода, парвариши чорвои ширдеҳро ба роҳ мондааст. Хоҷагӣ дар талу теппаҳои ноҳия  зиёда аз 3 ҳазор гектар чарогоҳ  дар ихтиёр дорад.  Айни замон дар фермаи хоҷагӣ 45 гови зоти шведӣ  нигоҳубин мешавад. Хайриддин Расулов   ҳар сол аз ҳисоби фурӯши шир  даромади ҳалол ба даст оварда, бо ин роҳ ҳам рӯзгорашро пеш мебараду ҳам ба ниёзмандон ёрӣ мерасонад.  Номбурда тасмим гирифтааст, ки ба муносибати Ҷашни  30 – солагии Истиқлолияти давлатии Ҷумҳурии Тоҷикистон дар деҳаи Гултеппа китобхонаю сартарошхона бунёд карда, дар мумфаршсозии роҳҳои маҳаллӣ саҳми шоиста гузорад.
Соҳибкор Муллоқувват Раҳимов дар деҳаи Муъминободи Ҷамоати деҳоти Мискинободи ноҳия  хоҷагии деҳқонии «Бедил» - ро ташкил намудааст.  Ҳар сол 5 гектар картошка ва  2 гектар карами барвақтӣ, бодирингу помидор кишт намуда,  ҳосили дилхоҳ ба даст меорад. Имсол низ дар хоҷагӣ парвариши  зироатҳои кишоварзӣ  хуб ба роҳ монда шудааст. Ин марди заҳматпеша ва хайрхоҳ  барои мардуми деҳаи Муъминобод, аз болои дарёчаи Ғозӣ  кӯпрук сохта, мушкилоти рафтуомади мардуми ин ҷоро осон намуд. Ҳамчунин,  соҳибкор ҳар сол дар арафаи идҳои Фитр ва Қурбон ба даҳҳо оилаи ниёзманд кумаки моддӣ мерасонад, ки маблағи он аз баракати меҳнати ҳалоли ӯ мебошад. Соҳибкор дар доираи эълон гардидани Солҳои рушди деҳот, сайёҳӣ ва ҳунарҳои мардумӣ дар деҳаи Муъминобод корхонаи дӯзандагӣ бунёд карданист.
Сокини хайрхоҳи дигар бобои Лоиқ Воҳидов аст, ки тӯли умри пурбаракаташ ҳамеша пайи меҳнати ҳалолу накукорист.  Гарчанде синну соли бобои Лоиқ аз ҳаштод гузаштааст, аз кори замин дил накандааст.
Ӯ дар чорчӯбаи корҳои омодагӣ ба истиқболи 30 - солагии Истиқлолияти давлатӣ аз ҳисоби даромадҳои бо арақи ҷабин ба даст овардааш  дар деҳаи Фақеробод бунёди сартарошхона ва гӯшаи деҳқонро пеш гирифтааст. Ҳамзамон,  бобои Лоиқ ба як қатор оилаҳои камбизоату эҳтиёҷманд ёрӣ мерасонад. Аз ин лиҳоз, байни ҳамдеҳагон чун марди саховатпешаю накукор ном баровардааст.
Кору пайкори сокинони меҳнатқарин ва боҳиммат кишоварзону соҳибкорони дигарро низ ба арсаи созандагию бунёдкорӣ овардааст.
Ҳар яке аз онҳо ин шабу рӯз талош дорад, ки ба қадри тавон дар пешрафту шукуфоии як гӯшаи диёри нозанин саҳмгузорӣ намояд.  
Ҳокими САФАР, ноҳияи Файзобод


Баёни ақида (0)    Санаи нашр: 16.07.2019    №: 134    Мутолиа карданд: 150

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед