logo

туризм

НУРОБОД. ТАШКИЛИ ИНФРАСОХТОРИ САЙЁҲӢ ЗАРУР АСТ

Доир ба татбиқи Қонуни Ҷумҳурии Тоҷикистон «Дар бораи сайёҳии дохилӣ» бо қарори раиси ноҳияи Нуробод аз 3 марти соли 2018, № 69 «Барномаи рушди сайёҳӣ дар ноҳияи Нуробод барои солҳои 2018 - 2020» ва шӯрои ноҳиявӣ оид ба ҳамоҳангсозии фаъолият дар соҳаи сайёҳӣ таҳияву тасдиқ шудааст. Тибқи таҳлилҳо соли 2018 ба ноҳия 731 сайёҳи хориҷӣ ташриф овардааст. Бо мақсади фароҳамсозии  шароити мусоид дар шафати шоҳроҳи байналмилалӣ  катҳои дамгирӣ дар назди чашмаҳо, 3 нуқтаи савдо, 3 ошхона ва дигар иншооти зарурӣ  ба истифода дода шуданд. Инчунин, дар маркази ноҳия  як меҳмонхона омодаи хизмат асту сохтмони дутои дигар дар арафаи анҷомёбӣ қарор дорад. Дар даромадгоҳи шаҳраки Дарбанд харитаи сарироҳии маълумотдиҳанда бо забонҳои русию англисӣ бо нишон додани самти роҳҳо ва кӯҳҳои ноҳия насб гардида, барои сайёҳон маълумоти зарурӣ пешниҳод гардидааст.
Яке аз ёдгориҳои қадимаи ноҳияи Нуробод, ки таваҷҷуҳи сайёҳонро ба худ мекашад,  шаҳраки Дарбанд мебошад. Муаррихон таърихи мавҷудияти шаҳракро беш аз 3000 сол муайян намуданд, ки дар гузашта ҳамчун маркази тиҷоратӣ, касбию ҳунармандӣ ва илму фарҳанг маҳсуб меёфт. Дарбанд дарвоза миёни ду водӣ: Рашт ва Дарвоз аст. Шоҳроҳи абрешим аз ин шаҳр мегузашт ва сокинонаш бо дигар минтақаҳо равобити тиҷоратӣ ва иқтисодӣ доштаанд. Олимон дар ин ҷо бозёфтҳои нодир, осори санъату маданияти замонҳои гуногунро пайдо намуда, ба онҳо баҳои илмӣ додаанд. Дар наздикии шаҳраки Дарбанд қалъаест, ки бо номҳои Имлоқ ва Ҷумҳур машҳур буда, нишонаҳояшон исботи қадима будани Дарбанд мебошанд. Ёдгориҳои таърихӣ, яъне қалъаву қаср ва ҳашамати беҳамтояш зери чангу ғубори таърих мондаанд.
Таърих гувоҳ аст, ки ҳар куҷо шаҳре буда, он аз фарзандони фарзонаи суханвар ва мутафаккирон орӣ набудааст. Дар ҳудуди Дарбанд низ қаламкашон дар асрҳои гуногун зиндагӣ ва эҷод кардаанд. Аз  ҷумла, Султон Ҳусайн, Ҳакими Чапкар, Домулло Худойдод, Хоҷа Шамсиддин (Имомӣ), Эшони Шоҳӣ ва Шайх Абдулҳайи Муҷихарфӣ,  ки шамъи маърифатро дар ин мазраа фурӯзон нигоҳ доштаанд.
Дар давоми соҳибистиқлолии Ҷумҳурии Тоҷикистон ба ин шаҳри таърихӣ аҳамияти махсус зоҳир гардид. Ин шаҳри дар гузашта номдор ба як шаҳраки замонавӣ ва маркази ноҳияи Нуробод табдил ёфт. Дар ин ҷо иншооти хурду бузурги замонавӣ қомат афрохта, рӯз аз рӯз ободу зебо мешавад.
Мақомоти иҷроияи маҳаллии ҳокимияти давлатии ноҳияи Нуробод дар самти ташаккули инфрасохтори соҳаи сайёҳӣ иқдом гирифта, тибқи нақша дар сомонаи расмии мақомот саҳифаи тарғибии мавзеъҳои сайёҳӣ ташкил гардид. Инчунин, таъсиси равзанаи ягона ва бақайдгирии сайёҳон, таъсиси ширкатҳои сайёҳӣ, беҳбуди шароити муосири сарироҳии маишию техникӣ, беҳдошти санитарию хизматрасонӣ, ташкили пойгоҳҳои сайёҳӣ (лагерҳои тобистона), рушди инфрасохтори сайёҳии кӯҳӣ ва экологӣ (аз ҷумла, моҳигирӣ, шикор ва заврақронӣ) дар назар дошта шудааст, ки бояд амалӣ гардад. Бовар аст, ки баробари татбиқи ин ва дигар иқдомҳои созанда Нуробод ба мавзеи воқеан тамошобоб табдил меёбад.
Дилшод АМИРОВ, «Ҷумҳурият»


Баёни ақида (0)    Санаи нашр: 17.07.2019    №: 135    Мутолиа карданд: 1431
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед