logo

иқтисод

СУҒД. ҲАҶМИ ИСТЕҲСОЛИ МАҲСУЛОТИ САНОАТӢ БА 5,6 МИЛЛИАРД СОМОНӢ РАСИД

Дар толори мақомоти иҷроияи ҳокимияти давлатии вилояти Суғд бо иштироки муовини якуми Сарвазири Ҷумҳурии Тоҷикистон Давлаталӣ Саид ва раиси вилоят Раҷаббой Аҳмадзода рушди иқтисодиву иҷтимоии вилоят дар нимсолаи якуми соли 2019 натиҷагирӣ шуд.

Муовини раиси вилоят Анвар Яъқубӣ зимни гузориш оид ба натиҷаҳои рушди иқтисодиву иҷтимоии вилоят дар нимсолаи якуми соли ҷорӣ зикр кард, ки маҷмӯи маҳсулоти минтақавии вилоят ба 7,8 миллиард сомонӣ баробар шуда, суръати афзоиш 7,8 дарсадро ташкил дод. Ҳаҷми истеҳсоли маҳсулоти саноатӣ ба 5,6 миллиард сомонӣ ва суръати афзоиши он ба 8,3 дарсад расид.
Бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва расидан ба ҳадафи чоруми миллӣ – саноатикунонии босуръати кишвар имсол дар вилоят баистифодадиҳии 100 корхона бо фарогирии 1030 ҷойи корӣ ба нақша гирифта, дар нимсола 59 корхона бо 642 ҷойи корӣ таъсис дода шуд. Таваҷҷуҳи асосии масъулони соҳа ба тавлиди маҳсулоти воридотивазкунанда равона гашта, дар ин радиф ҳаҷми истеҳсоли семент ва ангишт 1,2 баробар афзоиш ёфт.
Анвар Яъқубӣ нақши соҳаи кишоварзиро дар рушди иқтисодии минтақа махсус таъкид намуда, иброз дошт, ки дар шаш моҳи соли равон дар ҳамаи шаклҳои хоҷагидорӣ ба маблағи 1 миллиарду 850,5 миллион сомонӣ маҳсулот истеҳсол шудааст, ки нисбат ба ҳамин давраи соли пешин 17,1 дарсад зиёд аст.
Гардиши савдои хориҷӣ дар вилоят нисбат ба моҳҳои январ - июни соли гузашта 0,7 дарсад ё 7 миллион доллар афзуда, 1011,9 миллион доллари амрикоиро ташкил дод. Аз вилоят ба хориҷи кишвар ба маблағи 224,5 миллион доллар маҳсулот содирот гардид.
Раҷаббой Аҳмадзода зимни таҳлили натиҷаҳои рушди соҳаҳои хоҷагии халқи вилоят ба масъулон баҳри тақвияти корҳои ободониву созандагӣ, иҷрои босифати нақшаи андозҳо, дастгирии соҳибкорон, ташкили корхонаҳои нави саноатӣ, дар сатҳи зарурӣ ба роҳ мондани истеҳсоли либосҳои мактабӣ, ҷалби сармоя ба иқтисодиёти вилоят, баланд бардоштани ҳосилнокии зироатҳо, таъмини рушди моҳипарварӣ, ҷалби гардишгарон, тарғиби имкониятҳои сайёҳии вилоят тавассути сомонаҳои интернетӣ ва ташкили харитаҳои сайёҳӣ дар шаҳру ноҳияҳо супоришҳои мушаххас дод.
Раиси шаҳри Хуҷанд Маъруф Муҳаммадзода, раиси шаҳри Исфара Сиҷоуддин Саломзода ва раиси шаҳри Панҷакент Ислом Шафеиён оид ба дастовардҳо ва мушкилоти мавҷуда гузориш доданд.
Роҳбари гурӯҳи корӣ оид ба истиқболи сазовори Ҷашни 30 - солагии Истиқлолияти давлатии Ҷумҳурии Тоҷикистон дар вилояти Суғд,  муовини якуми Сарвазири Ҷумҳурии Тоҷикистон Давлаталӣ Саид оид ба рафти иҷрои нақшаи чорабиниҳои ҷашнӣ ба раисони шаҳру ноҳияҳо бобати иҷрои сифатноки бандҳои нақшаи чорабиниҳо дастурҳо дода, таъкид намуд, ки ҳадафи асосии бунёдкориҳо ободии мамлакат, рушди иқтисодиёт ва, албатта, баланд бардоштани сатҳи зиндагии аҳолӣ мебошад.
Иттилоъ дода шуд, ки ба истиқболи Ҷашни 30 - солагии Истиқлолияти давлатии Ҷумҳурии Тоҷикистон дар вилоят сохтмони 6500 иншооти гуногун ба нақша гирифта, аз соли 2018 то ҳол 2781 иншоот бунёд ва мавриди истифода қарор дода шудааст.
Дар анҷом изҳори боварӣ карда шуд, ки сокинони заҳматпешаи вилоят ҷашнҳои таърихӣ – 30 - солагии Истиқлолияти давлатии Ҷумҳурии Тоҷикистон ва 5500 - солагии Саразми бостониро бо дастовардҳои арзанда истиқбол мегиранд.
Ҷовиди АШТӢ,
«Ҷумҳурият»


Баёни ақида (0)    Санаи нашр: 24.07.2019    №: 141    Мутолиа карданд: 238

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед