logo

фарҳанг

УМЕД ШАТАКОВИ ТОҶИК. ЧЕҲРАИ НАВ ДАР СИНАМОИ ҶАҲОНӢ

Ҳаводорону мухлисони синамо огаҳӣ доранд, ки баъди соҳибистиқлолии кишвар як зумра ҳунарпешаҳои тоҷик дар киностудияҳои ҷумҳуриҳои пасошӯравӣ ва мамолики Ғарбу Шарқ дар филмҳои ҳунарӣ нақшҳои ҷолиб офаридаанд. Аз ҷумла, Раҷаб Ҳусейнов (дар Россия, Афғонистон, Канада), Сайдо Қурбонов (Россия), Исфандиёр Ғуломов (Ироқ, Қатар, Россия, Туркманистон), Ҳабибулло Абдураззоқов (Олмон), Раҳмондӯсти Қурбониён (Фаронса, Швейтсария), Муҳаммадалӣ Маҳмадов (Россия, Қазоқистон, Шведсия, Беларус), Асланшо ва Шуҳратшо Раҳматуллоевҳо (Россия), Таҳмина Раҷабова (Покистон, Афғонистон) ва чанде дигар бо ҳунари волои хеш қалби мухлисони синамои ватаниву хориҷиро тасхир намудаанд.

Имрӯз дар Тоҷикистон, дар қатори филмҳои хориҷӣ, филмҳои туркӣ низ ба забони тоҷикӣ баргардон шуда, шумораи зиёди тамошогар доранд ва аз сертамошобинтаринҳо ба ҳисоб мераванд. Ҳаводорон аз ҳунарнамоии актёрони он ба ваҷд меоянд, аммо кам касон огаҳанд, ки миёни қаҳрамонҳои дӯстдоштаи онҳо як ҳунарпешаи тоҷик ҳаст, ки бо номи Умед Шатаков кайҳо боз машҳур гардидааст.
Умед 25 сол дорад ва то кунун дар се филми ҳунарӣ: «Як ҳадис», «Савганд» ва «Салом, зебо ватанам» нақш офаридааст. Соли 2019 силсилафилми «Савганд» ба экран баромад.  Дар ин филми 70 – сериягӣ офарандаи нақши Вурал Умед Шатаков аст.
Умед Шатаков соли 1994 дар шаҳраки Данғара таваллуд шудааст. Маълумоти миёнаро дар литсейи шаҳри Кӯлоб барои кӯдакони болаёқат ба даст оварда, Донишгоҳи Салчуқро дар шаҳри Кунияи Туркия хатм намуд (2017). Падари Умед алҳол давлати пирӣ меронад. Модараш дар хобгоҳи донишҷӯёни Донишгоҳи давлатии Данғара ифои вазифа менамояд.
Бо иқрори Умед, омаданаш ба синамо тасодуфист. Пас аз итмоми риштаи иқтисоди донишгоҳи Салчуқ дар сар хаёле надошт, ки ӯ рӯзе ҳунарпешаи синамо мешавад. Вай, аслан, бо даъвати як дӯсташ дар кастинг ширкат варзида, дар силсилафилми «Як ҳадис», ки соли 2018 рӯи навор омада буд, нақши дарвешеро мебозад. Пас аз ин, Умед аз Куния ба Истанбул кӯч баст. Соли 2019 барои вай соли бобарор омад. Ҳунарпешаи ҷавон дар ду силсилафилм - «Савганд» ва «Салом, зебо ватанам» нақшҳои Вурал ва Анвари Гурдро бозид.
Дар силсилафилми «Савганд» Умед дар қисми 10 пайдо шуда, то қисми 20 нақш офарид. Вай аз ҳозир барои мавсими навбатии силсилафилми мазкур, ки тирамоҳи соли равон ба намоиш гузошта мешавад, қарордод бастааст. Умед Шатаков, ҳамчунин, дар як филми истеҳсоли Покистон низ нақш офарид, ки он ҳанӯз ба тамошогарон пешкаш нагардидааст.
Вурали Умед Шатаков агар ҷавони шефтаи пулу мол бошад, Анвари Гурд марди шарафманд, муборизу миллатдӯст аст.
Ҳунарпешаи ҷавон Умед Шатаков мегӯяд, ки ҳамкорӣ бо таҳиягарону ҳунармандони ин кишвар барояш мактаби бузургест ва ӯ мехоҳад бо имкони муносиб дар филмҳои ҳунарии тоҷик низ нақшҳои ҷолиб биофарад.
Умари ШЕРХОН,  рӯзноманигор 


Баёни ақида (0)    Санаи нашр: 01.08.2019    №: 146 - 147    Мутолиа карданд: 205

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед