logo

иқтисод

ПИЛЛА. ТАЪМИНОТИ ХӮРОКА АЗ МАСЪАЛАҲОИ ДОҒ БОҚӢ МЕМОНАД

Маъракаи ҷамъоварии пилла дар арафаи анҷомёбист. Тибқи дурнамо, имсол  истеҳсоли 904,4 тонна пилла пешбинӣ шудааст. Кирмакпарварони шаҳру ноҳияҳои ҷумҳурӣ то имрӯз 791,2 тонна пилла истеҳсол намудаанд, ки 87,5 дарсади дурнамо буда, назар ба ҳамин давраи соли гузашта андак зиёд аст. Ҳосилнокии миёна аз ҳар қуттӣ дар ҷумҳурӣ 36,5 килограммро ташкил дод.
Бино ба иттилои Муродсултон Шокирова, сарагрономи ҶСК «Пиллаи тоҷик», ҷамъият бо мақсади бо тухмӣ таъмин намудани кирмакпарварон аз хориҷи кишвар  21550 қуттӣ тухми кирмак ворид намуд. Пиллакорони вилояти Хатлон дар мавсими имсола аз 8496 қуттӣ тухми кирмак 376,4 тонна (96,7 дарсад) пилла истеҳсол намуданд. Ҳосили миёна аз ҳар қуттӣ  44,3  килограммро ташкил дод. Вилоят  дар пилласупорӣ  пешсаф аст. Кирмакпарварони ноҳияҳои Ҷалолиддини Балхӣ, Шаҳритуз, Дӯстӣ ва Кӯшониён, бо истифода аз имкониятҳои мавҷуда, нақшаи пилласупориро дар ҳудуди вилоят нахустин шуда иҷро намуданд.
Дар вилояти Суғд  дурнамои истеҳсоли пилла 315,7 тонна (78,3 дарсад) иҷро гардидааст. Ҳосили миёна аз ҳар қуттӣ тухми кирмак  ба 30 килограмм баробар шуд. Дар мавсими ҷамъоварии ҳосил саҳми пиллапарварони  ноҳияи Деваштич (иҷрои дурнамо 158 дарсад)  ва шаҳри Панҷакент (112 дарсад)  назаррас мебошад.
Кирмакпарварони ноҳияҳои тобеи ҷумҳурӣ аз 2611 қуттӣ тухми  кирмак 99,1 тонна (88,3 дарсад) пилла истеҳсол намуданд ва ҳосили миёна аз ҳар қуттӣ 38 килограммро ташкил дод. Кирмакпарварони шаҳрҳои Турсунзода, Ҳисор ва ноҳияи Рӯдакӣ аввалин шуда аз иҷрои нақша мужда расонданд. Ҷамъоварии пилла дар баъзе ноҳияҳои кишвар, аз ҷумла Рашт ва Нуробод, идома дорад. 
ҶСК «Пиллаи Тоҷик», бо мақсади рушди минбаъдаи соҳа ва рафъи мушкилоти ҷойдошта, тадбирҳои навро роҳандозӣ намуд, ки истеҳсоли пилла аз ҳосили дуюм аз ҷумлаи онҳо мебошад. Доир ба ин масъала ҷамъият бо ширкати “Сурхан ипаги”- и вилояти Сурхондарёи Ҷумҳурии Ӯзбекистон шартнома бастааст ва тибқи нақша парвариши кирмак барои ҳосили дуюм аз 1 августи соли ҷорӣ бояд оғоз гардад. Тухми кирмак ба кирмакпарварон дар асоси хоҳишашон тақсим ва боқимондаи он дар парваришгоҳҳои мутамарказ таҳти назорати мутахассисони соҳа парвариш карда хоҳад шуд. Доир ба масъалаи сохтани кирмакхонаҳо, қуттӣ барои парвариши кирмак ё ворид намудани онҳо аз Ӯзбекистон бо назардошти манфиати тарафҳо гуфтушунид идома дорад.
Таъминоти кирмак бо хӯрока яке аз масъалаҳои асосист. 
- Ҷиҳати таҳкими пойгоҳи хӯрокаи кирмак соли равон дар хоҷагиҳои кирмакпарвари ҷумҳурӣ 168  ҳазор бех ниҳоли тут шинонда, 4 гектар тутзори нав бунёд гардид. Парвариши кирмак ва нашъунамои дарахтони тут дар ноҳияҳои кирмакпарвари ҷумҳурӣ таҳти назорати доимии мутахассисони соҳа қарор дорад, - гуфт М. Шокирова.
Дарвоқеъ, кирмакпарварӣ  яке аз соҳаҳои сердаромаду афзалиятноки  ҷумҳурӣ  ба ҳисоб меравад. Афзун намудани истеҳсоли пилла сарчашмаи бо ашёи хом таъмин намудани корхонаҳои коркард ва  омили бо ҷойҳои корӣ таъмин намудани аҳолӣ мебошад, яъне дар натиҷаи рушди  соҳа корхонаҳои ресандагиву бофандагӣ бо ашёи хом ва садҳо занону духтарон бо ҷои кор таъмин мешаванд. Ҳамчунин,  ташкили корхонаҳои коркарди пилла ба эҳёи ҳунарҳои суннатӣ, аз ҷумла атласу адрасбофӣ ва, бо ин васила, баланд бардоштани сатҳи зиндагии аҳолӣ мусоидат хоҳад намуд. Имконият аст, ки молҳои баландсифати бирешимии ватанӣ дар бозори ҷаҳонӣ мавқеи устувор пайдо намоянд.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 02.08.2019    №: 148 - 149    Мутолиа карданд: 498
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед