logo

иҷтимоиёт

СУҒД. АВЛАВИЯТ БА СОҲАИ ТАНДУРУСТӢ

То Ҷашни 30 - солагии Истиқлолияти давлатии Ҷумҳурии Тоҷикистон дар вилоят 577 иншооти соҳаи тандурустӣ, аз ҷумла шуъбаҳои марказҳои табобатӣ, беморхонаҳо ва бунгоҳҳои саломатӣ дар шаҳру ноҳияҳои Хуҷанд, Панҷакент, Конибодом, Айнӣ, Деваштич, Бобоҷон Ғафуров, Кӯҳистони Мастчоҳ Истаравшан, Ҷаббор Расулов ва Мастчоҳ, мавриди истифода қарор мегирад. Айни замон сохтмону таъмири як қатор иншооти ин соҳаи муҳими иҷтимоӣ давом дорад.
Тавре аз раёсати тандурустии вилояти Суғд ба «Ҷумҳурият» иттилоъ доданд, тибқи нақшаи кории мақомоти иҷроияи ҳокимияти давлатии шаҳру ноҳияҳои вилоят, соли равон бояд 23 беморхона, 83 бунгоҳи саломатӣ, 61 маркази саломатӣ, 14 таваллудхона, 55 нуқтаи хатна барои писарбачаҳо ва 35 дорухона бунёд ва таъмир карда шавад.
Давоми ним сол корҳо дар 9 беморхона, 24 бунгоҳи саломатӣ, 17 маркази саломатӣ, 10 таваллудхона, 24 нуқтаи хатна ва 21 дорухона ба итмом расиданд. Бо маблағгузории идораи сохтмони асосии вилоят  сохтмони бинои нави дорои 3 ошёна ва таҳхонаи беморхонаи ноҳиявии №3 - и Ҷамоати деҳоти Ҳ. Усмони ноҳияи Бобоҷон Ғафуров, маркази саломатии «Меҳробод» - и ноҳияи Мастчоҳ ва бунгоҳи саломатӣ дар шаҳри Панҷакент ба итмом расид. Дар ин давра бо дастгирии иттифоқи касабаи кормандони соҳаи тандурустӣ ва ҳифзи иҷтимоии вилоят дар беморхонаи клиникии вилоятии ба номи С. Қутфиддинов варзишгоҳи «Табибон» низ сохта ба истифода дода шуд.
Айни замон сохтмони бинои нави беморхонаи марказии ноҳияи Кӯҳистони Мастчоҳ бо маблағгузории идораи сохтмони асосии вилоят дар шаҳраки Меҳрон идома дорад. Бинои беморхона дуошёна буда, дорои 40 кати табобатист. Инчунин, дар деҳаи Роғи Ҷамоати деҳоти Лангари ҳамин ноҳия бинои шуъбаи табобатии беморхонаи марказӣ барои 20 кат бунёд шуда истодааст. Сохтмони он соли гузашта оғоз гардида, дар он бахшҳои таваллуд, бемориҳои кӯдакон ва амрози дарунӣ ҷой мегиранд.
Маҷмааи модару кӯдаки беморхонаи марказии ноҳияи Деваштич, ки  дорои 160 кат аст, рӯзҳои наздик ба истифода дода хоҳад шуд. Бинои маҷмаа дуошёна буда, дар ошёнаи якум шуъбаҳои ҷарроҳии кӯдакон ва амрози кӯдакон, эҳёи кӯдакон, эҳёи калонсолон, ҳуҷраҳои озмоишӣ ва амалиёти ҷарроҳӣ, дар ошёнаи дуюм шуъбаҳои таваллуд ва амрози занона ҷойгиранд. Инчунин, сохтмони бинои нави маркази саломатии деҳоти Яхтан бо маблағгузории идораи сохтмони асосии вилоят идома дорад.
Ҳамзамон, бо дастгирии Ҳукумати Ҷумҳурии Тоҷикистон, Агентии амнияти зиддиядроӣ ва радиатсионии Академияи илмҳо ва ташкилоти МАГАТЭ дар маркази саратоншиносии вилоят дастгоҳи радиотерапевтӣ пурра васл шудааст ва марказ ба фаъолият омода мебошад. Дар доираи лоиҳаи ҳамкории техникии «Таъмини хизмати радиотерапевтӣ дар маркази онкологии вилояти Суғд» 3 нафар табиби марказ ва панҷ корманди озмоишгоҳи шуъбаи нахустини табобати нурӣ дар муассисаҳои саратоншиносии хориҷи кишвар ихтисосашонро такмил дода, соҳиби сертификати байналмилалӣ гардиданд. Таҷҳизондани марказ бо дастгоҳи муосири радиатсионӣ (брахиотерапия) ба нақша гирифта шудааст.
Дар ҳафт моҳи соли равон аз ҳисоби ҳамаи сарчашмаҳо барои муассисаҳои тиббӣ ба маблағи 9,9 миллион сомонӣ таҷҳизот ва лавозимоти тиббӣ дастрас карда шуд.
Бо қарори раиси вилоят баҳри харидани таҷҳизоти тиббӣ барои муассисаҳои тиббии ноҳияҳои Деваштич ва Кӯҳистони Мастчоҳ 3 миллион сомонӣ маблағ ҷудо шудааст.
Айни ҳол дар вилоят 936 муассисаи тандурустии давлатӣ фаъолият дорад. Ба аҳолии вилоят 5143 табиб ва 17393 корманди миёнаи тиббӣ хизмат мерасонанд.
Шаҳбоз АБРОР, «Ҷумҳурият»


Баёни ақида (0)    Санаи нашр: 18.08.2019    №: 158    Мутолиа карданд: 849
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед