logo

иқтисод

ЁВОН. АЗ МАРКАЗИ БУЗУРГИ САНОАТӢ ТО ЗИНДАГИИ ШОИСТА

Ҳар сол дар арафаи ҷашнҳои фархундаи кишвар назаре ба гузаштаи начандон дур карда, бо ёдоварӣ аз  муҳимтарин дастоварду рӯйдодҳои хотирмони   Ватани азизамон шукронаи соҳибистиқлолии онро мекунем ва ифтихорманд аз он мешавем, ки ба  шарофати ин неъмати бузург  боз як гоми устуворе дар амалӣ намудани орзуву ормонҳои ҳазорсолаи ниёгонамон гузоштаем.
Ба ҳамин монанд дар ноҳияи Ёвони вилояти Хатлон низ иқдомҳои созандагиву ободонӣ бомаром идома дошта, бо ҳиммати соҳибкорону ҷавонмардони хайрхоҳу ватандӯсти ноҳия корхонаҳои гуногуни саноатӣ, марказҳои тиҷоратию хизмати маишӣ ва дигар иншооти муҳими иҷтимоӣ сохта ба истифода дода мешаванд.
Агар ба дастовардҳои соҳаи саноат назар афканем, дар қиёс ба солҳои шӯравӣ, ки дар ҳудуди ноҳияи Ёвон ҳамагӣ 5 корхонаи истеҳсолӣ фаъолият дошт, дар тӯли солҳои соҳибистиқлолии кишвар шумораи чунин корхонаҳои зиндагисоз аз 40 адад гузаштааст.
22 апрели соли 2016 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди ифтитоҳи корхонаи истеҳсоли варақаҳои гаҷкартонӣ  дар мулоқот бо фаъолони вилояти Хатлон  иброз доштанд: “Ба шарофати ба кор оғоз кардани корхонаҳои банақшагирифташуда ноҳияи Ёвон соли ҷорӣ ба яке аз марказҳои калонтарини саноатии кишварамон табдил меёбад”.
Воқеан, ин ноҳия  аз лиҳози мавқеи ҷуғрофӣ, захираҳои табиӣ ва дигар зарфиятҳои иқтисодию иҷтимоӣ дорои шароиту имкониятҳои бузург буда, дар оянда ҳам бо таъсиси даҳҳо коргоҳҳои хурду бузург дар рушди иқтисодии кишвар нақши ниҳоят муҳим хоҳад бозид.
Айни ҳол дар  корхонаҳои истеҳсолии “Намаки Ёвон”, “Комрон Агро Холдинг”, корхонаи муқтадири “Хуак-син Ғаюр семент”, фабрикаҳои “Ваҳдат”, “Беҳамто”, шаш корхонаи коркарди пахта, корхонаҳои тозабунёди “Хуаҷиан Ғаюр Индастриал”, “Криолит”, “Ҷунгтсай Моҳир семент”, қитъаи Ваҳдат - Ёвони роҳи оҳани “Душанбе - Қӯрғонтеппа” ва даҳҳо коргоҳи саноатии хурду миёна, ки дар солҳои соҳибистиқлолии кишвар ба истифода дода шудаанд, ҳазорон нафар сокинони маҳаллӣ бо ҷойи кори доимӣ таъмин гардидаанд.
Имрӯзҳо дар ноҳия ба истиқболи ҷашнҳои фархундаи кишвар сохтмони садҳо иншооти ҷашнӣ идома дорад. Бино ба маълумоти Саидзода Ҷамшед, раиси ноҳия, дар доираи омодагиҳо ба истиқболи Ҷашни 30 - солагии Истиқлолияти давлатии Ҷумҳурии  Тоҷикистон бунёди 341 иншооти ҷашнӣ идома дошта, то нимаи аввали моҳи августи соли ҷорӣ 154 адади онҳо, аллакай, мавриди истифода қарор гирифтаанд. Корҳои созандагию ободонӣ дар ҳама шаҳраку деҳоти ноҳия бомаром идома доранд.
Бунёди иншооту тарҳрезии лоиҳаҳои муосири меъморӣ ба уҳдаи мутахассисони соҳибтаҷриба вогузор шуда, иҷрои саривақтӣ ва босифати корҳо таҳти назорати бевоситаи роҳбарияти ноҳия қарор дорад. То имрӯз корҳои сохтмонии як бинои шашошёнаи истиқоматӣ, коргоҳи истеҳсоли қубурҳои оҳану бетонӣ дар назди корхонаи “Моҳир семент”, бинои нави филиали БДА “Амонатбонк”, 3 коргоҳи истеҳсолӣ, 4 коргоҳи хурди дӯзандагӣ, муассисаи таҳсилоти миёнаи умумии № 80, коллеҷи технологӣ - фармасевтӣ,  синфхонаҳои иловагию  марказу бунгоҳҳои тиббӣ,  меҳмонхонаи замонавӣ, 3 майдончаи варзиш ва даҳҳо иншооти дигари фарҳангию маишӣ ба анҷом расида, онҳо мавриди баҳрабардорӣ қарор гирифтанд.
Рушди иқтисодии ноҳия, бунёди  корхонаҳои истеҳсолӣ, нуқтаҳои гуногуни хизматрасонӣ, 16 муассисаи таҳсилоти умумӣ, 29 бинои нави таълимӣ,  муассисаҳои тиббӣ, иншооти зиёди фарҳангию маишӣ ва тиҷоративу хизматрасонӣ барои баланд шудани сатҳи некуаҳволии мардум ва пешрафти иҷтимоии ноҳия нақши муассир гузошт.  
Тибқи иттилои оморӣ, дар нимсолаи аввали соли 2019 ҳаҷми умумии истеҳсоли маҳсулот  дар ноҳия 920,8 миллион сомониро  ташкил дод, ки нисбат ба ҳамин давраи соли гузашта 102,2 миллион сомонӣ зиёд аст. Ҳаҷми истеҳсоли маҳсулоти саноатӣ ба 680,2 миллион ва кишоварзӣ ба 240,5 миллион сомонӣ расид.
Дар ин ноҳияи доманфарох кишоварзӣ сарчашмаи асосии пешбурди рӯзгори  беш аз 60 дарсади сокинони қобили меҳнати ноҳия мебошад. Деҳқонони ноҳия сол ба сол натиҷаҳои хубтар ба даст меоранд.
Тавре Ҷамшед Саидзода иброз дошт, пешрафту афзоиши ҳаҷми истеҳсолот, гардиши молу маҳсулот ва дигар манбаъҳои ғанисози буҷети маҳаллӣ имкон медиҳанд, ки дар самти рушду тараққиёти соҳаҳои маорифу тандурустӣ, фарҳанг ва дигар соҳаҳои хоҷагии халқи ноҳия маблағҳои кифоя ҷудо гардида, барои зиндагии шоистаи мардум шароити муносиб фароҳам оварда шавад.
Анвар ҲАФИЗОВ, “Ҷумҳурият”


Баёни ақида (0)    Санаи нашр: 22.08.2019    №: 160-161    Мутолиа карданд: 1068
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед