logo

туризм

АГРОТУРИЗМ. РУШДИ ОН РУШДИ ДЕҲОТ АСТ

Агротуризм (ё туризми деҳот) яке аз намудҳои сайёҳии экологист, ки нимаи аввали асри гузашта дар Аврупои Ғарбӣ ба вуҷуд омада, айни замон дар аксар манотиқи ҷаҳон босуръат инкишоф меёбад. Бахусус, дар Испания, Фаронса ва Италия рушду равнақи бештар касб кардааст.

Моҳияти аслии агротуризм истироҳату фароғат дар деҳот, шиносоӣ ба тарзи зисти сокинони маҳаллӣ, урфу одат, касбу кор, фолклор, иштирок дар мавсими киштукор ва ҷамъоварии маҳсулоти кишоварзӣ мебошад. Дар ин навъи сайёҳӣ таъминоти муваққатӣ бо ҷойи истиқомат, хӯрок, ташкили фароғат ва амсоли инҳо ба уҳдаи мардуми маҳаллӣ вогузор аст.
Бо назардошти он ки зиёда аз 70 дарсади аҳолии Тоҷикистон дар деҳот умр ба сар мебарад, рушди туризми деҳот дар кишвар манфиатнок арзёбӣ мегардад. Чунин навъи сайёҳӣ барои мардум имкон фароҳам меорад, ки молу маҳсулоташонро бевосита дар макони зисташон ба фурӯш бароранд ва бо ин васила, сатҳи зиндагиашонро бамаротиб беҳтар созанд. Инчунин, рушди агротуризм ба ҳифзи табиат ва мероси фарҳангии аҳолии деҳот мусоидат хоҳад кард.
Абдукарим Қурбонов, сармутахассиси бахши котиботи Кумитаи рушди сайёҳӣ, зикр намуд, ки имрӯзҳо дар кишвари мо таваҷҷуҳ ба ин навъи сайёҳӣ меафзояд. Зеро барои ривоҷи он дар Тоҷикистон, ки дорои табиати биҳиштосо ва ёдгориҳои зиёди таърихӣ мебошад, имкониятҳо зиёданд.
- Ба хотири рушди сайёҳии деҳот, байни аҳолӣ корҳои фаҳмондадиҳӣ ҷоннок шуда истодаанд. Аз ҷумла, соли равон бо ибтикори кумита, бахшҳо ва ширкатҳои сайёҳӣ мавзеъҳои сайёҳии деҳоти кишвар таблиғу ташвиқ гардида, хатсайрҳои нави туристӣ таъсис ёфтанд ва сайёҳони дохиливу хориҷӣ ба ҷамъоварию хушкондани меваҳо ҷалб гаштанд. Дар назар аст, ки ин тадбир дар мавсими ғунучини пахта низ ба роҳ монда шавад, - афзуд ҳамсуҳбатамон.
Ҳамсуҳбати дигари мо Шоҳимардон Содиқов, устоди кафедраи туризми Донишгоҳи давлатии омӯзгории Тоҷикистон ба номи С. Айнӣ, иброз дошт, ки баҳри рушди туризми деҳот, хуб мешуд дар минтақаҳои аграрии кишвар деҳаҳои махсуси сайёҳӣ ташкил карда шаванд. Инчунин, дар ин ҷода ҳамкории ширкатҳои сайёҳӣ бо соҳибкорон, фаҳмондани моҳияти он ба аҳолии деҳот низ метавонад натиҷаи дилхоҳ диҳад.
Боиси тазаккур аст, ки эълон гаштани Солҳои рушди деҳот, сайёҳӣ ва ҳунарҳои мардумӣ (2019 – 2021) маҳз ба рушди деҳот нигаронда шудааст. Тавре Президенти мамлакат зимни ироаи Паём ба Маҷлиси Олии Ҷумҳурии Тоҷикистон (26 декабри соли 2018) баён доштанд: “Мақсади асосӣ аз ин пешниҳод амалигардонии талошҳои Ҳукумати мамлакат ба хотири боз ҳам обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтор, таъсиси ҷойҳои корӣ, бунёду таҷдиди роҳҳои маҳаллӣ, рушди инфрасохтори сайёҳӣ ва инкишофи ҳунарҳои мардумӣ, ба талаботи муосир мутобиқ сохтани сатҳи хизматрасонӣ ва баланд бардоштани некуаҳволии мардум дар ҳар як деҳа ва маҳали аҳолинишин мебошад”.
Дар робита ба ин, Сарвари давлат раисони вилоят ва шаҳру ноҳияҳоро вазифадор намуданд, ки баҳри вусъат бахшидани корҳои ободониву бунёдкорӣ, рушди инфрасохтори деҳот, сайёҳӣ ва ҳунарҳои мардумӣ тадбирҳои зарурӣ андешанд.
Бо итминони комил метавон гуфт, ки дар партави дастуру супоришҳо ва ҳидоятҳои Пешвои муаззами миллат Эмомалӣ Раҳмон на танҳо шахсони масъул, балки кулли мардуми шарафманди кишвар баҳри боз ҳам вусъат бахшидани корҳои ободонӣ, алалхусус дар деҳот, камари ҳиммат баста, аз ҷумла барои муҳайё сохтани заминаи мусоид ҷиҳати рушди агротуризм ва бо ин роҳ ҷалби бештари сайёҳони хориҷӣ ба деҳоти Тоҷикистони азиз, саҳми арзанда мегузоранд.   
Мафтуна НУРИДДИН, “Ҷумҳурият”


Баёни ақида (0)    Санаи нашр: 17.09.2019    №: 178    Мутолиа карданд: 2676
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед