logo

фарҳанг

ХУШНУДА КОРГАРДОНИ ҶАВОНИ ТОҶИК

Филми кӯтоҳметражи коргардони ҷавони тоҷик Хушнуда Шукурова «Detained» («Боздоштшудагон») ба ду кинофестивали ИМА: «Montana International Film Festival» ва «Festival Angaelica» роҳ ёфт. Филм ба мушкилоти муҳоҷирон бахшида шудааст. Дар назар аст, ки он дар доираи чорабиниҳои мазкур дар иёлатҳои   Монтана ва Миннесота ба маъраз гузошта шавад.
Дар филм воқеаҳои моҳи январи соли 2017 рухдода ба риштаи таҳқиқ кашида шудаанд. Он замон дар Амрико фармони махсусе ба тасвиб расид, ки аз ҳафт кишвари ҷаҳон вуруди муҳоҷиронро манъ менамуд. "Филм дар асоси ҳодисаҳои воқеӣ ба навор гирифта шудааст. Дар он кадрҳое ҷой дода шудаанд, ки саҳнаҳо тазоҳуроти ба ин муносибат дар фурудгоҳҳои Амрико ба вуқӯъ пайвастаро бозгӯ мекунанд», - мегӯяд дар бораи филми худаш Хушнуда Шукурова. Ба ақидаи муаллиф, мавзӯи филм замонавӣ буда, вазъи будубоши муҳоҷиронро дар Амрико хеле нишонрас мунъакис намудааст. Бояд гуфт, ки то ҳол муҳоҷирон аз нуқтаҳои доғи ҷаҳон, ба мисли Сурияву Ироқ, дар ин кишвар бо мушкилоти зиёде рӯ ба рӯ ҳастанд.  
Филм аз он ҷиҳат низ ҷолиби диққат аст, ки дар рафти банаворгирӣ ва таҳияаш худи муҳоҷирон саҳм гирифтаанд. Ба сарнавишти аксари онҳо фармони мазкур таъсири манфӣ расондааст. «Мо бо ба рӯи пардаи синамо кашидани воқеаҳои мазкур мақсади сиёҳ кардани сиёсати муҳоҷирати кишварро надорем. Воқеаҳои мазкур дар мисоли дудмони як оилаи муҳоҷир матраҳ мешаванд, ки зиндагиашонро фармони мазкур ба ду давраи мухталиф: то ба тасвиб расидани он ва баъд ҷудо менамояд», - тавзеҳ медиҳад коргардон.
Дар ҳар ду кинофестивал «Боздоштшудагон» - и Хушнуда Шукурова барои дар номинатсияи «Беҳтарин коргардони зан» ғолиб омадан, талош хоҳад бурд. "Ҳини ширкат дар фестивалҳои сатҳу мақсадашон гуногун ҳеҷ гоҳ барои ғолиб омадан талош накардаам. Барои ман чунин фестивалҳо аз дигар ҷиҳат хеле муфиданд. Дар рафти онҳо мебинам, ки тамошогарон то чи андоза ба офаридаи банда мароқ зоҳир менамоянд. Онро чӣ гуна қабул мекунанд ва ба монанди инҳо. Дар натиҷа гирди асарҳоям баҳсҳо ба амал омада, норасоиву камбудиҳои онҳоро бо чашми дигарон мебинам. Муҳимтар аз ҳама, маҳз дар фестивалҳо вохӯриву шиносоиҳое ба вуқӯъ мепайванданд, ки дар эҷодиёти шахс беасар намемонанд. Ман ин гуна вохӯриҳоро бесаброна интизорам», - зикр мекунад Х. Шукурова. 
Ҷиҳати дигари ҷолиби филм дар он аст, ки «Боздоштшудагон» айни замон нахустин ва ягона  филме мебошад, ки бо криптовалюта ба навор гирифта шудааст. Хушнуда Шукурова соли 2017 дар лоиҳаи махсуси «TOKIT»  ширкат варзида, бо нақшаҳои ҷолибаш диққати ҳакамонро ҷалб намуд. Дар натиҷа, ба ӯ имкон дода шуд, ки идеяҳои худро на танҳо бо техникаи рақамӣ, балки асъори рақамӣ амалӣ созад. Бояд зикр намуд, ки дар ин лоиҳаи амрикоӣ хоҳишмандон аз тамоми гӯшаву канори ҷаҳон ширкат варзида буданд.
Тӯли солҳои ахир Хушнуда боз чанд филми бадеии пурраметраж ва кӯтоҳметражи дигарро низ сабт намудааст. Миёнашон филмҳои «Confession» («Эътироф», 2013), «Nоdira» («Нодира», 2013) ва «In a Moment» («Як лаҳза», 2015) шуҳрати бештарро касб намудаанд. Мутахассисон бар ин назаранд, ки филми «Нодира» беҳтарин офаридаи Х. Шукурова мебошад. Дар он сухан аз дунёи рангини модари ҳашт фарзанд ва орзуҳои ӯ меравад. 
Бояд зикр намуд, ки Хушнуда яке аз тарғибгарони фарҳанги бою ғании миллати хеш дар Амрико ба шумор меравад. «Аз офаридаҳояш бӯи Тоҷикистони азиз меояд», - мегӯянд тоҷикони муқими Амрико.  
Хушнуда Шукурова соли 2007 ба ИМА омада, дар риштаи журналистикаи Донишгоҳи Монтана таҳсил менамояд. Соли 2011  дар Донишгоҳи «New School University» (Ню-Йорк) дараҷаи магистриро дар соҳаи синамо соҳиб мешавад.
Муҳаммадуллоҳи ТАБАРӢ, «Ҷумҳурият»


Баёни ақида (0)    Санаи нашр: 30.09.2019    №: 185    Мутолиа карданд: 389
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед