logo

маориф

ХАТЛОН. МАОРИФ РӮ БА БЕҲБУДӢ ДОРАД

Фазои осудаи кишвар, дастгириҳои пайвастаи Ҳукумати ҷумҳурӣ ва дар ҳамин замина фароҳам овардани шароит баҳри тараққӣ, тадбирандешиҳои судманди Вазорати маориф ва илм, сарсупурдагии омӯзгорони асил ба касб ва ниҳоят, бетафовут набудани аксари волидон ба донишомӯзии фарзандон имкон дод, ки соҳаи маорифи вилояти Хатлон дар радифи дигар арсаҳои иҷтимоӣ ба натиҷаҳои чашмрас бирасад. Ва дар заминаи ҳамин ободкориҳо доир ба навгониҳое, ки дар доираи таҷлили шоиста аз 30 - солагии Истиқлолияти давлатии Ҷумҳурии Тоҷикистон ба вуқӯъ пайвастанд, бо муовини сардори раёсати маорифи вилояти Хатлон Сайфулло Лутфуллоев суҳбат оростем, ки онро пешкаши хонандагони рӯзнома мегардонем:
- Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сиёсати худ маорифро яке аз самтҳои афзалиятнок дониста, барои муҳайёсозии шароитҳои созгор дар таълимгоҳҳо ва ба ин васила баланд бардоштани сифати таълиму тарбия тадбирҳои судманд амалӣ карданд. Дар баробари устувор намудани заминаи моддии муассисаҳои таълимӣ, ба  баланд бардоштани мақоми омӯзгор дар ҷомеа низ таваҷҷуҳи зиёд зоҳир шуд. Ин, пеш аз ҳама, тавассути муқаррар намудани имтиёз ва тадриҷан зиёд кардани музди меҳнати аҳли илм роҳандозӣ гашт. 
Бархӯрдор шудани омӯзгорони ҷавон аз имтиёзҳои муқарраркардаи Ҳукумати ҷумҳурӣ яке аз падидаҳои неки замони истиқлолият буда, то имрӯз дар ҳудуди вилоят 2 ҳазору 59 нафар бо замини наздиҳавлигӣ таъмин шуд.
Барои ҳавасманд кардани наврасону ҷавонон ба донишандӯзӣ низ тадбирҳои зиёд андешида шудаанд, ки яке аз онҳо таъйин кардани стипендияи президентӣ мебошад. Соли ҷорӣ 145 нафар ба гирифтани стипендия мушарраф шуд. Ҳамчунин, барои писарону духтарони болаёқат Квотаи Президенти Ҷумҳурии Тоҷикистон барои қабул ба муассисаҳои олии касбии кишвар  амал менамояд, ки тавассути  он теъдоди муайяни ҷавонони соҳибилм ҳар сол соҳиби номи пуршарафи донишҷӯ мешаванд. Бахусус, духтарони деҳот имкон пайдо мекунанд, ки ба муассисаҳои олии касбии кишвар дохил шаванд. Дар партави ин ғамхории Сарвари мамлакат аз соли 1997 то имрӯз 8 ҳазору 193 ҷавон (аз ҷумла, 4 ҳазору 994 духтар) ба 16 муассисаи олӣ дохил шуда, қисми зиёдашон донишгоҳу донишкадаҳоро хатм карда, ба давлату Ҳукумат содиқона хизмат доранд.
Бо қабули барномаҳои давлатии компютеркунонии муассисаҳои таҳсилоти миёнаи умумӣ рушди раванди омӯзондан ва азбаркунии донишҳои муосир боз ҳам беҳтар гардид. Кабинетҳои технологияи информатсионии муассисаҳои таҳсилоти умумии асосӣ ва миёнаи умумии вилоят дар маҷмӯъ, бо 22 ҳазору 634 компютер ва  3 ҳазору 885  принтер таъмин шуданд. Бо назардошти афзоиши толибилмон, қарор аст, ки дар панҷ соли оянда барои муассисаҳои таълимии вилоят боз 19 ҳазору 580 компютер ва 1 ҳазору 205 тахтаи электронӣ харида шавад, ки кор дар ин самт хуб ҷараён дорад.
Боиси хушнудист, ки дар партави дастгири Ҳукумати кишвар Вазорати маориф ва илми ҷумҳурӣ, мақомоти иҷроияи ҳокимияти давлатии вилоят ва шаҳру ноҳияҳо, падару модарон ва соҳибкорон ба масоили ободонию бунёдкорӣ беш аз пеш диққат дода истодаанд. Чунончи, то 30 - солагии Истиқлолияти давлатии ҷумҳурӣ дар шаҳру ноҳияҳои вилоят марбут ба соҳаи маориф бунёди 510 иншоот, аз ҷумла 63 муассисаи томактабӣ, 156 муассисаи таҳсилоти умумӣ, 169 бинои иловагӣ дар назди муассисаҳои таълимӣ ва дар назди 122 муассисаи таълимӣ синфхонаҳои иловагӣ дар нақша аст. Фақат ҳамин сол дар шаҳру навоҳии вилоят 84 иншооти иборат аз 463 синфхонаи дорои 10 ҳазору 521 ҷойи нишаст дар як баст мавриди истифода қарор дода шуд.
Бо истифода аз дастгирию ғамхориҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тайи солҳои истиқлолият дар ҳудуди вилоят 17 муассисаи интернатӣ ба фаъолият шурӯъ намуд, ки дар онҳо 2 ҳазору 976 нафар тарбиягирандаи ятиму бепарастор ва аз оилаҳои камбизоат фаро гирифта шудаанд.
То Истиқлолияти давлатии Ҷумҳурии Тоҷикистон дар вилоят ягон муассисаи типи нав, аз ҷумла гимназия ва литсей фаъолият намекард. Дар ин давра дар шаҳру ноҳияҳои вилоят 49 мактаби типи нав, аз ҷумла 23 гимназияи давлатӣ, 2 гимназияи ғайридавлатӣ, 1 муассисаи таълимии хусусӣ, 22 литсейи давлатӣ  фаъолият доранд.
Дар даврони истиқлолият дастовардҳои мактаббачагони вилоят дар озмуну чорабиниҳо ва олимпиадаҳои байналмилалию ҷумҳуриявӣ ва бо медали тилло ва нуқра хатм кардани муассисаи таҳсилоти миёнаи умумӣ беҳтар гардид. Соли таҳсили 2018 - 2019 хонандагони шаҳру ноҳияҳои вилоят дар олимпиадаҳои ҷумҳуриявӣ, байналмилалӣ ва фосилавӣ сазовори 267 ҷой, аз ҷумла 52 медали тилло, 61 медали нуқра ва 154  медали биринҷӣ гардиданд, ки 191  адад нисбат ба соли 2016 зиёд аст.
Болоравии сатҳи сифати таҳсилоти хонандагонро дар дохилшавии онҳо ба муассисаҳои таҳсилоти олии касбии ҷумҳурӣ тавассути Маркази  миллии тестии назди Президенти Ҷумҳурии Тоҷикистон мушоҳида кардан мумкин аст. Агар дар соли 2014 шумораи дохилшудагон 915 нафар (22,6%) бошад, пас, ин шумора дар соли 2019 ба 25 ҳазору 565 нафар (54,3%) расид, ки нисбат ба соли 2014 - ум 31,7 дарсад зиёд аст.
Хуллас, бо боварии том метавон изҳор дошт, ки маҳз дар даврони соҳибистиқлолии Тоҷикистони азиз соҳаи маориф дар вилояти Хатлон дар радифи дигар минтақаҳои мамлакат ба марҳилаи сифатан нави пешрафт ворид шуд, ки ин бемуҳобот заминагузории мустаҳкамест барои ояндаи дурахшони мо.

Муҳаммадзоиршо ШАРИФЗОДА,
Зокир ҲАСАН, “Ҷумҳурият”


Баёни ақида (0)    Санаи нашр: 11.10.2019    №: 192    Мутолиа карданд: 2481

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед