logo

иҷтимоиёт

НОҲИЯИ ТЕМУРМАЛИК. МАРҲИЛАИ НАВИ РУШД ВУСЪАТ МЕГИРАД

Бо мақсади сазовор пешвоз гирифтани Ҷашни 30 - солагии Истиқлолияти давлатии Ҷумҳурии Тоҷикистон дар ноҳияи Темурмалик корҳои ободонӣ дар сатҳи баланд ҷараён доранд. Аз 270 иншооти ҷашние, ки то имрӯз ба нақша гирифта шудааст, 100 адади он бунёд ва аллакай мавриди истифода қарор дорад.

Тавре дар мақомоти иҷроияи маҳаллии ҳокимияти давлатии ноҳия ба хабарнигори «Ҷумҳурият» иттилоъ доданд, аз 270 иншооти ҷашнӣ наздик ба 230 адади он бо ташаббуси соҳибкорони баору номуси маҳаллӣ бунёд мегардад. Мушоҳидаҳо нишон доданд, ки воқеан нисбат ба соле қабл аллакай симои ноҳияи Темурмалик ба кулли дигар шуда, бо бунёди иншооти гуногун шароити зиндагии мардум низ беҳтар шудааст.
Бунёди мактаб, китобхона, беморхона, меҳмонхона, коргоҳҳои дӯзандагӣ, қолинбофӣ, атласу адрасбофӣ, кашидани хатҳои оби нӯшокӣ, таъмири роҳ, чароғонсозии кӯчаҳо, гулгашт, марказҳои хизматрасонӣ ва ғайра аз ҷумлаи муҳимтарин иншооти ҷашнӣ ба шумор мераванд. 
Дар ноҳияи Темурмалик феълан 3 муассисаи томактабӣ амал мекунад. Дар ҳамин ҳол, пешбинӣ мешавад, ки бо мақсади иҷрои дастуру ҳидоятҳои Пешвои миллат то Ҷашни 30 - солагии Истиқлолияти давлатии Ҷумҳурии Тоҷикистон боз 5 кӯдакистони дигар бунёд гардад. Кӯдакистони № 1 ҳанӯз соли 1983 сохта шуда, то имрӯз рӯи таъмирро надида буд. Иншооти мазкур бо ташаббуси соҳибкори маҳаллӣ Нурулло Зикиров пурра таъмир ва бо ҷиҳози зарурӣ муҷаҳҳаз гардид. Дар саҳни бинои он, инчунин, ду майдонча барои бозии кӯдакон бунёд шуд.
Ба гуфтаи Гулчеҳра Муродова, мудири кӯдакистон, ин муассисаи томактабӣ барои 120 тарбиятгиранда буда, феълан 80 нафарро фаро гирифтааст. Кӯдакистон дуошёна буда, аз ошхона, ҷои хоб, синфхонаҳои таълимию бозии кӯдакон ва маҷлисгоҳ барои 50 ҷои нишаст иборат мебошад. Дар ин муассиса бо шумули мураббияҳо 22 нафар кор мекунад, ки ҳамаашон маълумоти олӣ доранд.
Ба гуфтаи масъулони шуъбаи меъморӣ ва шаҳрсозии мақомоти иҷроияи маҳаллии ҳокимияти давлатии ноҳия, саҳми соҳибкорони ватандӯсти маҳаллӣ дар пешрафту ободонии ноҳия хеле чашмрас ва арзандаи ситоиш аст. Аз ҷумла, то Ҷашни 30 - солагии Истиқлолияти давлатӣ дар ноҳия 32 муассисаи таълимӣ таъмир ва бунёд мешавад, ки саҳми соҳибкорон дар он зиёд аст. Муассисаи таҳсилоти миёнаи умумии №39 аз ҷумлаи иншооти ҷашниест, ки бо ташаббуси соҳибкорон пурра таъмир ва бо мизу курсӣ, компютер, аёниятҳои дарсӣ ва хати оби ошомиданӣ таъмин карда шуд. Тавре Моҳигул Вализода, директори муассисаи мазкур, дар суҳбат гуфт, мактаб ҳанӯз соли 1987 бунёд гардида, чанд соли охир дар ҳолати хеле хароб қарор дошт. Маҳз бо ҳиммати соҳибкорон Бахтиёр Шерназаров, Шамсиддин Вализода ва Неъмат Холмуродов, ки хатмкардаи ҳамин муассиса ҳастанд, бино пурра таъмир ва бо таҷҳизоти муосир муҷаҳҳаз гардид. 
Бисёре аз сокинони деҳоти дурдасти ноҳия то имрӯз аз надоштани майдончаи варзиш танқисӣ мекашиданд. Бо иқдоми пешгирифтаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббуси соҳибкорон имрӯз дар тамоми шаҳру навоҳӣ, хусусан деҳоти дурдаст чунин майдончаҳои варзиш бунёд гардида истодаанд. Дар маҷмӯъ, қарор аст, то рӯзи ҷашн дар ноҳияи Темурмалик 23 майдонча ва 7 толори варзиш бунёд гардад. Хушбахтона, то имрӯз ду адади он сохта шуда, дар хизмати мардум қарор дорад. Аз ҷумла, аз ҳисоби соҳибкор Нуриддин Қаюмов дар Ҷамоати деҳоти Танобчӣ як майдончаи варзиш сохта шудааст. Атрофи онро суҳбаткада, курсиҳо, гулҳои ороишӣ, ки  барои сайру саёҳати сокинон мебошад, ҳусни дигар мебахшанд. Барои бунёди иншооти мазкур 150 ҳазор сомонӣ харҷ гардидааст.
Раванди корҳои ободонӣ бахшида ба Ҷашни 30 - солагии Истиқлолияти давлатӣ гувоҳи он аст, ки то соли 2021 дар ноҳияи Темурмалик иншооти гуногун сохта шуда, барои дастовардҳои минбаъдаи сокинони заҳматқарини он заминаи устувор хоҳанд гузошт.

Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 24.10.2019    №: 200    Мутолиа карданд: 1301
15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД


Дар сомонаҳои дигари Тоҷикистон хонед