logo

туризм

РОҒУН. САЙЁҲӢ ДАР ҲОЛИ РУШД АСТ

Эълон гардидани солҳои 2019 – 2021 ҳамчун солҳои рушди деҳот, сайёҳӣ ва ҳунарҳои мардумӣ дар миёни сокинони шаҳри Роғун ҳамовозии хосса касб намуд. Бунёди инфрасохтори сайёҳӣ, ташкили нуқтаҳои фурӯши маҳсулоти ҳунарҳои мардумӣ, ба шуғли пурмаҳсул фаро гирифтани шаҳрвандон, баланд гардидани сатҳи зиндагии онҳо аз ҷумлаи тадбирҳои мушаххас мебошанд, ки ҷиҳати рушду равнақи соҳа андешида шуданд.
Тавре Муъминшо Хуррамзода, мудири бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳр мегӯяд, шаҳри Роғун бо ҷойҳои таърихӣ, табиати зебо, обҳои софу чашмаҳои шифобахш, боғоти меваҳои шаҳдогин, гиёҳҳои шифобахш, боду ҳавои форам ба рушди сайёҳӣ мувофиқ ва созгор аст. Шаҳр 100 километр дуртар аз пойтахт, дар баландии 1420 метр аз сатҳи баҳр воқеъ аст. Имрӯзҳо барои сайёҳон дар шаҳр шароити мувофиқ фароҳам оварда шудааст. Аз ҷумла, 2 меҳмонхона, 7 осоишгоҳ, 4 тарабхона ва 2 боғи фарҳангию фароғатӣ ба талаботи замони муосир ҷавобгӯ барои сайёҳони дохиливу хориҷӣ хизмат менамоянд.
Мувофиқи маълумоти мақомоти иҷроияи ҳокимияти давлатии шаҳр соли равон аз мавзеъҳои сайёҳии Роғун 1693 сайёҳ дидан намуд, ки 330-тои онҳоро сайёҳони хориҷӣ ташкил медиҳанд.
Бо мақсади рушду муаррифии имкониятҳои сайёҳии шаҳр ширкати сайёҳии «Нур - 76» ва 5 хатсайри нави сайёҳӣ - «Хоҷа Ҷунайд», «Ёнахш», «Гули Сурх», «Луғур» ва «Марғзор» таъсис ёфтанд. Хатсайри «Хоҷа Ҷунайд» мавсимӣ буда, барои саёҳати пиёдагардӣ, экологӣ, кӯҳнавардӣ, таърихию фарҳангӣ пешбинӣ мегардад.
Хатсайри «Ёнахш» бошад, аз маркази шаҳр дар масофаи 30 километр воқеъ аст. Зимни гардишгарӣ сайёҳон метавонанд аз манзараҳои зебои деҳаҳои Чормағз, Пору, Фаррух, Ғофилобод  ва Ғашён дидан намоянд. Хатсайрҳои «Гули Сурх», «Луғур» ва «Марғзор» бошанд, барои сайёҳии пиёдагардӣ нигаронда шудаанд. Дар даромадгоҳи шаҳр боғи фарҳангии «Нақб» бо тарҳи хеле ҷолиб, мавқеъ гирифтааст ва он сарсабзу хуррам буда, ба кас ҳаловати хосса мебахшаду рамзи шаҳри нурофар будани Роғунро ифода менамояд.
Гуфтан ба маврид аст, ки таваҷҷуҳи сайёҳон ва меҳмонони дохилию хориҷиро, пеш аз ҳама, иншооти азими аср – Неругоҳи барқи обии «Роғун», шаҳраки Оби гарм ва мавзеи Муллошайх, ки дорои обҳои гарми табиии шифобахш мебошанд, ҷалб месозанд. Обҳои мазкур барои бемориҳои буғумдард, пӯст ва дигар намуди бемориҳо хосияти шифоӣ дошта, ҷиҳати рушди сайёҳии муолиҷавӣ дар шаҳр заминаи мусоид фароҳам меоранд.
- Дараи Гули сурх, дорои кӯҳҳои баланд, харсангҳои калон, чашмаҳои софу зулол ва дарёчаҳои зиёд мебошад, ки дар фасли тобистон бо задани хаймаҳои муваққатӣ барои истироҳати меҳмонони ба ин мавзеъ меомада, пешбинӣ шудааст. Дараи Хоҷхарф дар иҳотаи кӯҳҳои осмонбӯс ҷойгир буда, дорои обҳои мусаффо, ҷангалзорҳо ва ҳайвонҳои ваҳшии гуногун мебошад. Он дар шафати ҷанубии Неругоҳи барқи обии «Роғун» ҷойгир буда, барои меҳмононе, ки ба тамошои неругоҳ меоянд, имкони ташкили маркази фароғатию истироҳатӣ мавҷуд аст, - афзуд Муъминшо Хуррамзода. Ба андешаи мутахассисон, кӯҳи Яхдон низ байни сайёҳон маъруф аст.
Маҳбубияту ҷаззобияти кӯҳи Яхдонро кӯлҳо ташкил медиҳанд. Дар паҳнои на он қадар калон, байни манзараҳои аҷиби кӯҳӣ, зери кӯҳҳои барфпӯш ва ҳавои соф, кӯлҳои рангин ҷой гирифтаанд ва дидани ин мавзеи зебо қалби ҳар бинандаро тасхир ва барояш таассуроту хотироти фаромӯшнашуданӣ боқӣ мегузорад. Гӯшаҳои таърихӣ ва мақбараҳои шахсони ориф чун Хоҷа Ҷунайди Бағдодӣ, Эшони Қиёмиддин. Эшони Абдураҳмонҷон, Хоҷаи Дарвеш, Хоҷаи Қалавур бо санъати баланди меъморӣ бунёд гашта, кас аз дидани онҳо рӯҳу равони тоза мегирад.
Муъминшо Хуррамзода иброз дошт, ки бо мақсади рушд ва эҳёи ҳунарҳои мардумӣ бо ташаббуси ҳукумати шаҳр дар соли сипаришуда беш аз ҳашт дукони табақтарошӣ, заргарӣ, бофандагӣ, дуторсозӣ, сартарошхона, дӯзандагӣ, тоқидӯзӣ ва ғайраҳоро дар маркази шаҳр бунёд намуданд. Инчунин, дар шоҳроҳ  гӯшаи ҳунарҳои мардумӣ таъсис дода шуд, ки то ин вақт 152 сайёҳи хориҷӣ ташриф овардааст. Оянда дар даромадгоҳи шаҳр насби харитаи мавзеъҳои сайёҳии шаҳри Роғун дар назар аст, ки дар он маконҳои таърихиву саёҳатӣ ва меҳмонхонаҳо ишора хоҳанд шуд.

Зикрулло РАҶАБ, «Ҷумҳурият»


Баёни ақида (0)    Санаи нашр: 24.10.2019    №: 200    Мутолиа карданд: 2542
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед