logo

иҷтимоиёт

ЁДГОР ФАЙЗОВ: "АГАР ДАСТГИРИИ САРВАРИ ДАВЛАТ НАМЕШУД..."

Дар муассисаҳои иҷтимоии шаҳру ноҳияҳои Вилояти Мухтори  Кӯҳистони Бадахшон то 1 октябр қариб 4500 тонна  ангишт ва бештар аз 6600 метри мукааб ҳезум захира гардидааст, ки  мутаносибан 64 ва 63 фоизи нақшаро ташкил медиҳад. Дар нуҳмоҳа барои хариди ангишт ва ҳезум барои муассисаҳои иҷтимоӣ 6397610  сомонӣ пешбинӣ гардидааст. Хароҷоти маблағҳои мазкур дар  муассисаҳои маориф 78,5, тандурустӣ 78,2 ва фарҳанг 51,1 фоизи нақшаро ташкил медиҳад. Дар ин давра 90 фоизи  маблағҳои барои пардохти ҳаққи истифодаи барқ ҷудогардида дар муассисаҳои мазкур харҷ шудаанд.

Ёдгор  Файзов, раиси Вилояти Мухтори Кӯҳистони Бадахшон, зикр намуд, ки барои ҳамаи мо бояд вазъ дар зимистони гузашта сабақ бошад. Вақте ки яку якбора боришоти зиёди барф  вилоятро фаро гирифту роҳҳо дар асари фаромадани тарма баста шуданд, агар кумаки саривақтии Роҳбари давлат намешуд, шаҳру ноҳияҳои вилоят ба як ҳолати ногувор дучор мегардиданд. Дар  нуқтаҳои фурӯш маводи мавриди ниёзи аввали мардум тамом ва нарху наво хеле баланд шуд. Танҳо бо кумаки Сарвари давлат муҳтарам  Эмомалӣ Раҳмон ва Ҳукумати кишвар имконият даст дод, ки мушкилот дар муддати кӯтоҳ  бартараф карда шавад. Раиси вилоят қатъан талаб кард, ки тамоми  идораву муассисаҳо ба мавсим тайёрии ҳамаҷониба бинанд. Ба  гуфтаи раис, гап сари омодагиҳои воқеӣ меравад, на гузоришҳо ва рақамҳои ҳавоӣ. Раисони шаҳру ноҳияҳо бояд то ҳол пурра аниқ менамуданд, ки талаботи аҳолӣ ба ин ё он маводи хӯрока чӣ қадар аст ва чӣ миқдор захира шуда, чӣ қадари дигар бояд захира шавад. Барои ҳамин ҳам, Ҳукумати кишвар ҳар сол ҳанӯз моҳи март дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистон қарор ба тавсиб мерасонад. Раиси вилоят ёдрас намуд, ки зимистони гузашта ба мо лозим омад, ки дар он рӯзҳои душвор бо хароҷоти зиёд ба водиҳои дурдасти Бартангу Вахон орд кашонем. Ҳол он ки масъулон метавонистанд ин корро сари вақт ва бе хароҷоти барзиёд иҷро намоянд.
Таъкид гардид, ки  дар самти таъминоти аҳолӣ бо маводи озуқаворӣ ҳиссаи истеҳсолоти  худиро бояд афзоиш дод. Деҳоти водии Вахон барои истеҳсоли гандум имконияти зиёд дорад. Баъзе деҳаҳои водии Бартанг ҳам метавонанд бо орди истеҳсоли худӣ таъмин бошанд. Дастур дода шуд, ки дар ин самт мақомоти иҷроияи маҳаллии ҳокимияти давлатии шаҳру навоҳии вилоят бо мардум корҳои фаҳмондадиҳӣ баранд. Раиси вилоят, ҳамчунин, ёдрас кард, ки зимистони порсола маводи зидди лағжиши захирашуда зери барф монда, дар мавридҳои зарурӣ худи роҳсозон ҷои онро пайдо карда натавонистанд. Бинобар ин, зарур аст, ки имсол дар мавзеъҳои осебпазир маводи зиддилағжиш ба миқдори кофӣ омода ва техникаи зарурӣ вобаст карда шавад. Бори дигар таъкид гардид, ки техникаи корношоям аз ҳисобот бароварда шавад ва дар  ҳамаи гузоришҳо рақамҳои аниқи воқеӣ манзур гарданд.
Аз он изҳори нигаронӣ  шуд, ки рақамҳои гузоришҳои роҳбарони шаҳру ноҳияҳо, идораву муассисаҳо доир ба омодагиҳо ба зимистонгузаронӣ  на ҳама вақт ба ҳақиқат рост меоянд. Маблағҳои ба ин мақсад равонагардида баъзан ғайримақсаднок истифода шуда, манбаи  даромади ғайриқонунии масъулон қарор мегиранд. Ҳатто ошкор гардид, ки дар ҳолатҳои алоҳида миқдори ангишти захирашудаи муассисаҳо дар ҳуҷҷатҳои расмӣ аз будаш зиёд нишон  дода шудааст.
 Ёдгор Файзов ба роҳбарони шаҳру  ноҳияҳо, идораву муассисаҳо дастур дод, ки масъалаи ба қувваи  барқ гузарондани гармкунонии биноҳо омӯхта, бо назардошти  самаранокӣ дар амал ҷорӣ карда шавад. Алҳол бо сабаби амал намудани системаи ҳисоби сарикасӣ дар муассисаҳои  таҳсилоти ҳамагонӣ маблағҳои барои зимистонгузаронӣ  равонагардида нисбат ба талаботи воқеӣ, махсусан дар шароити   ноҳияи Мурғоб, хеле кам буда, ниёзи онҳоро қонеъ гардонда  наметавонанд. Бинобар ин, зарур дониста шуд, ки манбаъҳои  маблағгузории иловагӣ дарёфт карда, муассисаҳо мувофиқ ба  талаботи воқеӣ бо ҳезуму ангишт таъмин карда шаванд.

Раҳмони  ГУЛЗОР, “Ҷумҳурият”


Баёни ақида (0)    Санаи нашр: 28.10.2019    №: 202    Мутолиа карданд: 374

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»


Дар сомонаҳои дигари Тоҷикистон хонед