logo

иқтисод

ВМКБ. ЧАРО ИМКОНИЯТҲОИ ЗИЁДИ СОДИРОТ ИСТИФОДА НАМЕШАВАНД?

Баланд бардоштани рақобатпазирии маҳсулоти ватанӣ дар бозори дохилӣ ва хориҷӣ, афзун гардондани ҳаҷми содирот, коҳиш додани ҳиссаи молҳои истеъмолӣ ва хизматрасонӣ дар ҳаҷми умумии воридот аз ҳадафҳои асосии қабули Қарори Ҳукумати Ҷумҳурии Тоҷикистон «Дар бораи Барномаи давлатии мусоидат ба содирот ва воридотивазкунии Ҷумҳурии Тоҷикистон барои солҳои 2016 - 2020» арзёбӣ мегардад. Анваршо Имматшозода, муовини раиси вилоят, сарпарасти соҳа, зикр кард, ки барои татбиқи барнома корҳои муайян ба иҷро расида, айни ҳол ба рушди соҳаҳои саноату энергетика ва истеҳсоли маҳсулоти бозоргир бештар таваҷҷуҳ зоҳир мешавад. Ҳамин аст, ки ҳаҷми истеҳсоли маҳсулоти воридотивазкунанда ва содиротӣ рӯ ба афзоиш ниҳод. Танҳо дар ҳафт моҳи соли равон корхонаҳои саноатии вилоят ба андозаи 95,7 миллион сомонӣ маҳсулот истеҳсол карданд, ки ин нишондиҳанда барои ВМКБ бесобиқа аст.
Аммо бояд эътироф кард, ки бештар аз 90 фоизи ҳаҷми умумии маҳсулоти истеҳсол ва ба хориҷи кишвар содиршуда ба фаъолияти ширкати «Помир энержи» рабт дорад. Инчунин, ҶДММ «Нури умед» ба маблағи 13 ҳазор сомонӣ ва «Тути Помир» ба маблағи қариб 33 ҳазор сомонӣ меваи хушкро банду баст карда, асосан ба хориҷи кишвар содир намуданд. Аз ноҳияи Дарвоз рустаниҳои ситрусӣ, аз қабили анору анҷир ва лимӯ, аз ноҳияи Ванҷ тут, себ ва зардолуи хушку тар ба дигар минтақаҳои ҷумҳурӣ ба фурӯш бароварда мешавад. Маҳсулоти аз мӯинаи тибит истеҳсолнамудаи корхонаҳои хурди ноҳияҳои Ишкошиму Роштқалъа низ ба хориҷи кишвар содирот карда мешавад. Ба рушди савдои хориҷӣ ташкили бозорҳои наздисарҳадӣ дар ноҳияҳои Дарвоз, Ванҷ, Ишкошим ва маҳаллаи Теми шаҳри Хоруғ мусоидат мекунад.
 Ёдгор Файзов, раиси вилоят, аз ҷараёни иҷрои барномаи мазкур изҳори нигаронӣ намуда, гуфт, ки то даври ниҳоии иҷрои барнома камтар аз якуним сол монда бошад ҳам, то ҳол бештари бандҳои он иҷро нашудаанд. Барои зиёд кардани номгӯи молҳои воридотивазкунанда дар вилоят захираю имкониятҳо зиёд бошанд ҳам, ин захираҳо мавриди истифода қарор нагирифтаанд. Зикр гардид, ки Бадахшон дорои захираи фаровони обҳои минералӣ аст. Мутаассифона, соҳибкорони мо ин ганҷи қиматбаҳои дари хонаро истифода набурда, ҳамасола бо хароҷоти зиёд аз минтақаҳои дигари кишвар ва хориҷа ба вилоят обҳои гуногуни ташнагишикан ворид мекунанд ва бо нархҳои гарон ба фурӯш мегузоранд. Ҳарчанд дар вилоят барои истеҳсоли бисёре аз намудҳои масолеҳи сохтмонӣ имкониятҳо фаровонанд, 100 фоизи масолеҳи сохтмонӣ аз Ҷумҳурии Мардумии Чин ва минтақаҳои дигари ҷумҳурӣ ворид мегардад, ки ин ба харҷномаи бунёди иншоот таъсири манфӣ мерасонад. Барои коркарди сангҳои ороишӣ имкониятҳо зиёданд, аммо касе ба ин кор даст намезанад. Сифати маҳсулоти дар коргоҳҳои вилоят истеҳсолшуда ба талаботи бозор ҷавобгӯ нест. Вақте ки оби нӯшокиро ба Бадахшон - сарчашмаи ҳамаи обҳои ширин ва минералӣ аз Батуми ва минтақаҳои дигари хориҷи кишвар меоранд, чӣ тавр иҷрои барномаи мазкурро метавон қонеъкунанда арзёбӣ кард?
 Раиси вилоят барои ривоҷи савдо дар бозорҳои наздисарҳадӣ таҷдиди рӯйхати анвои маҳсулотро муҳим арзёбӣ намуд. Ба гуфтаи ӯ, тамоми маҳсулоте, ки имконияти истеҳсол ва содироташонро шаҳру ноҳияҳои вилоят доранд, бояд барои содирот иҷозат дошта бошанд. Дар он сурат ҳаҷми маҳсулоти содиротӣ ба маротиб меафзояд. Дар робита ба ин Ёдгор Файзов мисол овард, ки дар вилоят ҳаҷми истеҳсоли меваҷот сол ба сол афзуда, сифати баландро дорост, вале меваи аз ҷиҳати экологӣ тоза ба рӯйхати маҳсулоти содиротшаванда дохил нагардидааст.
Раиси вилоят гуфт, ки татбиқи барномаи зиёд намудани ҳаҷми истеҳсоли маҳсулоти воридотивазкунанда ва содиротӣ бояд дар меҳвари таваҷҷуҳ ва фаъолияти мақомоти иҷроияи маҳаллии ҳокимияти давлатии шаҳру ноҳияҳои вилоят қарор гирифта, барои рафъи камбудиҳои ҷойдошта ва мусоидат ба пешрафти кор дар ин самт чораҳои муассир андешида шаванд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 30.10.2019    №: 204    Мутолиа карданд: 340
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед