logo

иҷтимоиёт

БАРӮЙХАТГИРИИ АҲОЛӢ – 2020. БАРДОШТ АЗ РАФТИ ОМОДАГИҲО

Дар  толори Агентии омори назди Президенти Ҷумҳурии Тоҷикистон  бо иштироки намояндагони вазорату идораҳо ва воситаҳои ахбори омма таҳти  унвони «Аҳамият ва зарурати  гузарондани  корҳои оммавӣ - ташвиқотӣ дар барӯйхатгирии аҳолӣ ва фонди манзили Ҷумҳурии Тоҷикистон соли 2020»  мизи мудаввар баргузор гардид.
Гулнора  Ҳасанзода, директори Агентии омор гуфт, ки тибқи Фармони Президенти Ҷумҳурии Тоҷикистон аз 30 сентябри соли 2019 барӯйхатгирии навбатии аҳолӣ ва фонди манзил дар давраи аз 1 то 15 октябри соли 2020 гузаронда мешавад.        
- Ҷумҳурии Тоҷикистон дар қатори дигар мамолики пешрафтаи ҷаҳон ба марҳилаи навбатии барӯйхатгирии аҳолии сайёра, ки ба соли 2020 рост меояд, ҳамроҳ шуд. Агентии омор барои дар сатҳи байналмилалӣ гузарондани ин маъракаи ҷаҳонӣ барномаи барӯйхатгирии аҳолӣ ва фонди манзили Ҷумҳурии Тоҷикистон дар  соли 2020 - ро тибқи стандартҳои байналмилалӣ бо назардошти тавсияҳо омода намуд. Айни замон, корҳои тайёр намудани «Дастурамал дар бораи тартиби гузарондани барӯйхатгирии аҳолӣ ва фонди манзили Ҷумҳурии Тоҷикистон дар соли 2020»  идома доранд,- изҳор дошт номбурда.
Барӯйхатгирии аҳолӣ чорабинии муҳими давлатию сиёсӣ аст, ки маҳз он  барои таҳияи стратегияию барномаҳо, баҳодиҳии вазъи демографию иҷтимоии аҳолӣ, сатҳи некуаҳволии мардуми мамлакат нақши муҳим дорад.
Ба иттилои Гулнора Ҳасанзода, соли равон бо дастгирии молиявии намояндагии Хазинаи нуфуси СММ дар Ҷумҳурии Тоҷикистон 121 корманди барӯйхатгирии аҳолӣ доир ба мавзӯи «Ҷараёни корҳои тайёрӣ ва тартиби гузарондани барӯйхатгирии аҳолӣ ва фонди манзили Ҷумҳурии Тоҷикистон дар соли 2020» ба омӯзиш фаро гирифта шуд. Ҳамзамон, бо дастгирии молиявии ин ташкилот ва кумаки техникии Агентии омор барои кормандони мақомоти омори  Ҷумҳурии Тоҷикистон ва ИДМ  дар мавзӯӣ “Ҷамъоварии маълумот бо истифода аз таҷҳизоти мобилӣ” дар сатҳи байналмилалӣ омӯзиш баргузор гардид.
Зикр гардид, ки дар барӯйхатгирии навбатии аҳолӣ ва фонди манзил  пурсишҳо бо се тарз - пур кардани варақаҳои барӯйхатгирӣ бо истифода аз  сомонаи интернетӣ, планшет ва усули анъанавии пур кардани саволнома дар варақ дар маҳалҳо  сурат мегирад. Роҳбарияти агентӣ  кӯшиш дорад, ки бақайдгириро пурра тариқи планшет ба роҳ монад. Барои гузарондани ин маърака истифодаи тақрибан сеюним ҳазор планшет ба нақша гирифта шудааст. Дар назар аст, ки ҳадди ақал 5 дарсади корҳои бақайдгирӣ тариқи пурсиши интернетӣ анҷом дода шавад. 
Дар Тоҷикистон  ҳар даҳ сол як маротиба барӯйхатгирии аҳолӣ  гузаронда мешавад. Новобаста аз  вазъи  сиёсию иқтисодӣ дар даврони  соҳибистиқлолӣ бо  дастгирии   бевоситаи  Сарвари   давлат  солҳои 2000 - ум ва 2010 барӯйхатгирии аҳолӣ ва фонди манзил баргузор гардидааст. Дарвоқеъ, дар сатҳи баланд ва ҷавобгӯ ба талаботи байналмилалӣ баргузор намудани барӯйхатгирии навбатӣ дар ҷумҳурӣ хеле муҳим буда, иштироки фаъол дар ин чорабинӣ қарзи шаҳрвандии ҳар як сокини мамлакат мебошад.

Матлубаи АБДУҚАҲҲОР, “Ҷумҳурият”


Баёни ақида (0)    Санаи нашр: 31.10.2019    №: 205    Мутолиа карданд: 672

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед