logo

иҷтимоиёт

3 МУАММОИ 1 ДЕҲА Ё АРБОБХОТУН ЧӢ ҲОЛ ДОРАД?

Ноҳияи Рӯдакӣ яке аз ноҳияҳои калонтарини ҷумҳурӣ буда, аҳолиаш мувофиқи ҳисоботи  соли 2017 - ум 472 219 нафарро ташкил медод.  Тибқи маълумот, ҳамасола 14 ҳазору 500 кӯдак ба синфи 1 қабул карда мешавад ва табиист, ки таъмини ҳамаи онҳо бо ҷои нишаст дар муассисаҳои таълимӣ мушкилотеро ба думбол дорад. Аз ҷумла, дар деҳаи Арбобхотуни Ҷамоати деҳоти Чортеппаи ноҳия масъалаи нарасидани ҷои нишаст ҳанӯз ҳам мубрам боқӣ мемонад.

Таҳсил дар се баст
Нарасидани ҷои нишаст дар МТМУ № 172 деҳаи Арбобхотун масъулонро маҷбур кардааст, ки таҳсили хонандагони синфҳои аз 1 то 4 - ро  дар се баст ба роҳ монанд. Тасаввур кунед, ки дар се баст 9 синфхона (3 синфхонаи филиали муассиса) амал менамояд ва дар онҳо аз 35 то 45 талаба таҳсил мекунад, ки шумораашон ба 926 мерасад.

Муаммо болои муаммо
Мо ба хотири ба чашми худ дидани муассиса роҳ сӯи деҳаи Арбобхотун гирифтем. Баробари ворид шудан ба деҳа на як муаммо, балки ду муаммои дигарро низ мушоҳида кардем. Яке аз партов пур будани ягона канали деҳа бошад, дигар дар ҳолати корношоям ва хатарнок қарор доштани трансформаторҳо ва симчӯбҳои барқгузар буд.
Яке аз сокинони Чортеппа, Қувваталӣ Файзуллоев андешаҳояшро чунин баён кард: «Ростӣ, мушкилиҳо кам нестанд. Мактаббачагон зуд аз дарс меоянд, сабаб мепурсем, мегӯянд: ҷои нишаст нест.
Масъалаи дигар, агар ҳаво каме тасфид ё сардтар шуд, ё шамоли сахт омаду борони шадид борид, барои пешгирӣ аз хатар интиқоли барқро қатъ мекунанд. Симҳои барқгузар ҷо-ҷо ба шохи дарахтон расида, трансформаторҳо бе симтӯри ҳимоя, симчӯбҳо пӯсидаву вайроншуда буда, маҳалла ягон барқчӣ надорад. Аз ин рӯ, ҳар кас ҳар гунае хостаст, бехатариро барои худ таъмин кардааст».
Сокини дигари маҳалла Зокир Воҳидов бо ташаббуси худ соҳили каналро сементпӯш карда, ба тозагиву ободии деҳа мекӯшад. Аммо ӯ танҳост ва ба қавле бо як гул баҳор шуданаш мушкил аст. Ӯ, аз ҷумла чунин гуфт: «Баъзеҳо бисёр камаҳамияту бемасъулият шудаанд. Бо чашми худ ҳар субҳ мебинам, ки занону мардони солор партовҳоро пинҳонӣ аз чашми дигарон ба канал мерезанд, обгузарҳои ҳаммому дастшӯҳои худро ба канал пайвастаанд. Рӯзе нест, ки барои партов ва ё об садо баланд нашавад, аммо бесуд. Оби ҷӯйбореро, ки шумо мебинед, бист сол қабл барои нӯшидан истифода мешуд, ҳоло мебахшед, ба чорпо диҳед, наменӯшад. Оби ҳаммом, ошхона, партов ва чанд пасоби дигар якҷо шаванд, чӣ мешавад, худатон қазоват кунед».
Барои рӯшанӣ андохтан ба масъалаи вобаста ба барқ дари «Шабакаҳои барқии ноҳияи Рӯдакӣ» - ро кӯфтем, аммо касе дарро боз накард.
Дар ҳалли ду муаммои аввал: қатъ шудани интиқоли барқ ва нарасидани ҷои нишаст агар мақомоти иҷроияи маҳаллии ҳокимияти давлатӣ муваззаф бошанд, дар тоза нигаҳ доштани об сокинони деҳа бояд масъулияти шаҳрвандии худро эҳсос кунанд.

Сохтмон идома намеёбад. Чаро?
Бино ба гуфтаи Валиҷон Шеров, муовин оид ба таълими синфҳои ибтидоии МТМУ №172 соли ҷорӣ чор синфхонаи дигар сохта ба истифода дода мешавад, аммо ин хонандаҳоро аз таҳсил дар 3 баст озод намекунад.
Аслан, муассисаи мазкурро соли 2009 барои 450 хонанда ҳамчун мактаби асосӣ сохтаанд, аммо бо гузашти вақт ба муассисаи таҳсилоти умумӣ табдил дода, як филиали чорҳуҷрадор (қариб 3 км дуртар аз муассиса) сохта, корро «пеш» бурда истодаанд. Дар ҳамин ҳол ҳам, 45 хонанда дар як парта 3 - 4 - касӣ менишинад, омӯзгор 45 дақиқаи дарсиро чӣ гуна тақсим кунад?
Дар муассисаи таълимии мазкур 1860 хонанда (дар соли таҳсили 2018 - 2019 шумораи талабагони аз синфи 4 боло 934 кас) таҳсил мекунад ва барои онҳо 14 компютер фаъол аст. Яъне, ба 66 хонанда 1 компютер.

Вақт рафт, нақд рафт!
Ба муовини раиси ноҳия Фирӯза Камолзода рӯ овардем, ки соҳаи маорифро дар ноҳия танзим мекунад. Мавсуф ба суолҳои мо чунин посух гуфт: «Мо на танҳо аз масъалаи ҳалталаби МТМУ № 172, ки шумо мегӯед, огоҳем, балки хуб медонем, ки чандин мактабҳои мо бо чунин мушкил рӯ ба рӯянд. Бо вуҷуди ин, ба бартарафсозии мушкилот камар бастаем. Кӯчактарин имконият даст диҳад, ё ягон соҳибкор иқдоми бунёдкорӣ намояд, ҳатман ба сохтмони мактабу синфхонаҳо авлавият медиҳем».
Аммо саволе ба миён меояд, ки то замони пайдо шудани имконият хонандаҳои аз дарс қафомонда чӣ кор мекунанд? Дарсҳои сарфи назаршударо кай аз бар менамоянд? Беҳуда нагуфтаанд: «Вақт рафт, нақд рафт!».

Вазорат чӣ мегӯяд?
Сардори раёсати сохтмони асосии Вазорати маориф ва илми ҷумҳурӣ Абдуқодир Зарифов вобаста ба муаммои мазкур чунин гуфт: «Сохтмони муассисаҳои таълимӣ, синфхонаҳои иловагӣ, таъмиру тармими мактабҳо бар зиммаи мақомоти иҷроияи маҳаллии ҳокимияти давлатии шаҳру ноҳияҳост. Масъулон бояд дурнамои зиёдшавии аҳолиро дошта бошанд ва дар робита ба ин, бунёди муассисаҳои таълимӣ ва тандурустиро ба нақша гиранд».
Маблағгузории соҳаи маорифи ноҳия сол ба сол зиёд гардида, соли 2018 зиёда аз 118 миллион сомониро ташкил додааст, ки нисбат ба соли 2017 - ум 19 миллион сомонӣ зиёд мебошад. Мувофиқи барномаи тасдиқкардаи Ҳукумати мамлакат, то соли 2020 дар ноҳияи Рӯдакӣ бунёди боз 30 муассисаи томактабӣ ба нақша гирифта шудааст, ки масъулон бояд дар ҷараёни амалисозии нақшаи зикршуда ва бартараф намудани камбудиҳои мавҷуда чораҳои зарурӣ андешанд.
Худ қазоват кунед, вақте ҷои нишаст дар баъзе аз мактабҳои ноҳия ҳанӯз ҳам муаммост, пас чӣ расад ба кабинетҳои фаннӣ, компютерӣ, лабораторияҳои муҷаҳҳаз, медалҳо аз олимпиадаҳои фаннӣ, давом додани таҳсил дар зинаҳои дигар ва майдончаҳои варзиш?

Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 31.10.2019    №: 205    Мутолиа карданд: 975
15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ

ЁРӢ БА МУАССИСАҲОИ ТАНДУРУСТИИ ВМКБ

ТОҶИКОБОД. ҶАМЪОВАРИИ КАРТОШКАИ БАРВАҚТӢ

ВМКБ. ВУСЪАТИ КОРҲОИ СОХТМОНӢ

ЧЕМПИОНАТИ ТОҶИКИСТОН – 2020. "ИСТИҚЛОЛ" МАРҲИЛАИ АВВАЛРО ДАР САДРИ ҶАДВАЛ ХАТМ КАРД

РОССИЯ ДАР ҶАҲОН НАХУСТИН ШУДА ОЗМОИШИ ВАКСИНАИ COVID - 19-РО АНҶОМ ДОД

ҶАҲОН ДАР ЯК САТР

10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД


Дар сомонаҳои дигари Тоҷикистон хонед