logo

фарҳанг

ТОҶИКИСТОН ВА ӮЗБЕКИСТОН. ГУСТАРИШИ РОБИТАҲОИ ФАРҲАНГӢ

Дар доираи баргузории  Фестивали байналмилалии «Шарқ - Ғарб: анъанаҳои мусиқӣ ва ҳунарҳои мардумии  Авруосиё дар фазои фарҳангии Иттиҳоди Давлатҳои Мустақил» дар Донишкадаи давлатии фарҳанг ва санъат маросими баимзорасии Созишномаи ҳамкорӣ  байни Муассисаи давлатии “Маркази миллии санъати Мақоми Ӯзбекистон” ва Донишкадаи давлатии фарҳанг ва санъати Тоҷикистон ба номи Мирзо Турсунзода баргузор шуд.
Дар маросими имзои созишнома Соибҷон Бегматов, директори генералии Муассисаи давлатии “Маркази миллии санъати Мақоми Ӯзбекистон”, Тӯхтасин Ғафурбеков, профессори кафедраи таърихи мусиқӣ ва нақди Консерваторияи давлатии Ӯзбекистон, ректори Донишкадаи давлатии фарҳанг ва санъати Тоҷикистон ба номи Мирзо Турсунзода  Усмонзода Хайридин Усмон, ноибони ректор ва декани факултаҳои донишкада ҳузур доштанд. 
Пеш аз имзои созишнома ректори донишкада Усмонзода Хайридин Усмон перомуни робитаҳои густурдаи фарҳангии Тоҷикистону Ӯзбекистон иброз дошт, ки муносибатҳои дӯстонаи ҳар ду кишвар маҳз ба шарофати сиёсати хирадмандонаи сарони давлатҳо Эмомалӣ Раҳмон ва Шавкат Мирзиёев сол ба сол рушду густариш меёбанд.
Ба таъкиди Усмонзода Хайридин Усмон, имзои созишнома имкон медиҳад, ки робитаҳои илмии донишкада бо Муассисаи давлатии “Маркази миллии санъати Мақоми Ӯзбекистон” беш аз пеш тавсеа ёбанд, табодули таҷрибаи донишҷӯёну устодон васеъ ба роҳ монда шавад, китобҳои дарсии  олимони ҳар ду кишвар ба забонҳои тоҷикӣ ва ӯзбекӣ тарҷима ва ба табъ расанд.
Директори генералии Муассисаи давлатии “Маркази миллии санъати Мақоми Ӯзбекистон” Соибҷон Бегматов тазаккур дод, ки “Шашмақом мерос ва сарвати умумиии халқҳои тоҷику ӯзбек мебошад. Мо бояд онро дар якҷоягӣ рушд ва такомул бахшем”.
Зикр гашт, ки имзои созишнома қадами нахустин аст ва итминон ҳосил шуд, ки дар оянда дар ин самт, ба манфиати мардумони ҳар ду кишвар, гомҳои  устувор гузошта мешаванд.
Тӯхтасин Ғафурбеков, профессори кафедраи таърихи мусиқӣ ва нақди Консерваторияи давлатии Ӯзбекистон, оид ба мақому манзалати мақом ибрози назар намуда, аз ҷумла иброз дошт: “Бисёр мехоҳам, ки мақомҳо он ҷойгоҳеро, ки дар қарнҳои XVIII - XX доштанд, аз нав барқарор намоянд. Мақом фалсафа аст, онро бояд амиқ дарк кард, такомул бахшид ва эҳтиром намуд”, - таъкид кард Тӯхтасин Ғафурбеков.
Ҳадафи асосии баимзорасии созишнома, таъмини мубодилаи иттилоот дар соҳаи  санъати мусиқӣ, мусиқишиносӣ ва таҳсилоти мусиқӣ, гузарондани таҳқиқоти илмии муштарак дар самти масоили мусиқӣ ва омӯзгорӣ (“устод - шогирд”) ва нашри натоиҷи таҳқиқот ба забонҳои тоҷикӣ, ӯзбекӣ ва русӣ, ифтитоҳи филиалҳои марказ дар ҳар ду муассиса, барои ҳамкориҳои муштараки самаранок ҷиҳати рушди санъати мусиқии миллии классикии Шашмақом мебошад.
Ҳамзамон, Созишномаи ҳамкорӣ байни Консерваторияи давлатии Ӯзбекистон ва Донишкадаи давлатии фарҳанг ва санъати Тоҷикистон ба номи Мирзо Турсунзода ба имзо расид.

Додоҷон  РӮЗИЕВ, Донишкадаи давлатии фарҳанг ва санъати Тоҷикистон


Баёни ақида (0)    Санаи нашр: 01.11.2019    №: 206    Мутолиа карданд: 766
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед