logo

иҷтимоиёт

ЯК СОАТ БО ФАРЗАНДИ МАКТАБХОН БОЯД БУД

Вақте савол мешавад, ки барори фаъолияти мактабу омӯзгор аз чӣ вобаста аст, аксарият, пеш аз ҳама, таҳсили хуби хонандаро шарти асосӣ медонад. Ва дуруст ҳам мегӯяд. Аммо ғайр аз талабаю муаллим ҷониби сеюм – волидонро ҳам набояд фаромӯш сохт. Зеро бе пайванди қавии ана ҳамин «секунҷа» ба натиҷаи матлуб расидан маҳол аст.
Чиро дар назар дорам? Дараҷаи донишандӯзии хонандаҳо воқеан ҳам аз маҳорату малакаи омӯзгор вобаста аст, ки то чӣ андоза шавқу рағбати онҳоро бедор кардаву ангехта метавонад. Вале ин, ба қавле, нисфи кор аст, ки дар мактаб сурат мегирад. Нисфи дигараш аз падару модарон вобастааст, ки дар хона бо фарзандонашон то чӣ андоза машғул мешаванд. Мутассифона, бояд гуфт, ки солҳои охир бисёре аз онҳо ба фарзандонашон ҳарчи камтар вақт пайдо мекунанд. Инро ман низ чун омӯзгори синфҳои ибтидоӣ дар ҷараёни таълими хонандаҳо пайваста мушоҳида мекунам. Аз тарзи ҷавоб додани мавзӯи супурда, навиштани дарси хонагӣ, ҳалли масъалаю азёд кардани шеър, тарзи либоспӯшӣ ва ғайра. Талабаҳое, ки таҳсилашон таҳти назорати волидонашон мебошаду дар хона якҷоя дарс тайёр мекунанд, дониши хуб доранд. Аммо, кам нестанд писаракону духтараконе, ки бо душворӣ ба дарс сарфаҳм мераванд, ҳангоми қироати матн нутқи бурро надоранд, порчаи хондаашонро дуруст нақл карда наметавонанд, ба дарс бе тайёрӣ ҳам меоянд, волидонашон ҳафтаҳо рӯзномаи онҳоро хабар намегиранд. Ва, вақте ба онҳо сустхон будани фарзандашонро гӯшрас кунӣ, ошуфта мешаванд: «охир барои хуб хонданаш тамоми шароитро дар хона муҳайё кардаем». Дар ҳақиқат имрӯз дар аксар хонавода волидон барои худ ва фарзандон компютер, ноутбук, планшет харидаанд. Телефони мобилӣ ҳоҷати зикр ҳам надорад, зеро ҳоло хурду калон бе он як қадам ҳам намемонанд. Хуб аст доштани чунин техникаи ҳозиразамон, ки истифодааш ҷаҳонбинии талабаҳоро васеъ мекунад. Аммо компютербозӣ бояд танҳо баъди иҷрои вазифаҳои хонагияшон бошад. Ана ҳаминро волидон сарфи назар мекунанд. Гузашта аз ин, падарон аз кор, ки омаданд, сари компютер ё ноутбук мешинанд, модарон ҳам баъди фарҷоми ташвишҳои рӯзгор бо суҳбатҳои телефонӣ банд мешаванд, ба «Вайбер» ва «Имо» ворид шуда, гузашти вақтро фаромӯш мекунанд. Аз ҷумла, машғул шудан бо фарзандони мактабхонашонро. Ҳол он ки падар ё модар бегоҳ ё шаб ҳамагӣ як соат вақт ҷудо карда, аз мактабу хониши фарзанд пурсад, якҷоя дарс тайёр кунад, он донише, ки талаба дар мактаб гирифт, мустаҳкам мешавад, аз чунин таваҷҷуҳу дастгирии волидон рӯҳ гирифта, хубтар мехонад.
Вале, чуноне гуфтам, ба фарзандон кам аҳамият додани волидон, ки дар хона вақташон беш аз пеш сарфи интернет мешавад, воқеияти рӯзгори имрӯзаи мост. Ба ҳеҷ ваҷҳ ман масъулияти таълиму тарбияи хонандаҳоро пурра бар дӯши падару модарон бор карданӣ нестам. Танҳо ба он хотир ин суханҳоро гуфта истодаам, ки мо як мақсади умумӣ дорем – парваридани дониши хубу ахлоқи ҳамида дар ниҳоди насли наврас. Ва дар ин кор бидуни «туву ман» мададгори ҳамдигар бояд бошем.  
Шубҳае надорам, ки кулли падару модарон фарзанди худро аълохон дидан мехоҳанд. Агар ғайр аз он «ҳама шароити барояш фароҳамоварда» онҳо соате бо ӯ муоширати бевоситаро низ илова кунанд, солҳои мактабхонии худро ёд оварда, ёрию маслиҳаташ диҳанд, ҳамон тарафҳои секунҷаи дар ибтидо гуфтаам пурра пайваст мешаванд.  

Л. АБДУРАШИТОВА,  омӯзгори литсейи инноватсионии «Душанбе»


Баёни ақида (0)    Санаи нашр: 04.11.2019    №: 207    Мутолиа карданд: 582

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед