logo

туризм

ТОҶИКИСТОН. СОҲАИ САЙЁҲӢ ОЯНДАИ НЕК ДОРАД

Сол ба сол сайёҳӣ ба яке аз соҳаҳои сердаромадтарини иқтисодиёти олам мубаддал мегардад. Бино ба маълумоти оморӣ, алҳол саҳми он дар маҷмӯи маҳсулоти дохилии ҷаҳон наздики 10 дарсадро ташкил медиҳад. Дар як қатор мамлакатҳо, ба монанди Испания, Фаронса, Туркия, Австрия, Швейтсария, даромад аз сайёҳӣ  яке аз сарчашмаҳои асосии ғанигардонии буҷет ба ҳисоб меравад ва табиист, ки онҳо баҳри рушди туризм аз тамоми имкониятҳо истифода мебаранд.

Тайи солҳои ахир дар Тоҷикистон низ, ки бо табиати афсонавии худ шуҳраи олам аст, Ҳукумати кишвар ҷиҳати ривоҷу равнақи ин соҳа тадбирҳои мушаххас меандешад. Аз ҷумла, дар ин давра «Барномаи давлатии рушди туризм дар Тоҷикистон барои солҳои 2004 – 2009», «Барномаи давлатии рушди туризм дар Тоҷикистон барои солҳои 2010 – 2014», «Барномаи рушди сайёҳӣ дар Ҷумҳурии Тоҷикистон дар давраи солҳои 2018 – 2020», «Консепсияи миллии рушди туризм дар Ҷумҳурии Тоҷикистон барои солҳои 2009 – 2019», «Стратегияи рушди сайёҳӣ дар Ҷумҳурии Тоҷикистон барои давраи то соли 2030» қабул шуда, минтақаҳои Балҷувон, Ромит, Варзоб ва Вилояти Мухтори Кӯҳистони  Бадахшон мавзеъҳои туристӣ эълон гардиданд. Дар иртибот ба барномаҳои қабулшуда, соли 2017 дар кишвар Кумитаи рушди сайёҳӣ таъсис ёфт. Дар баробари ин, бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018 Соли рушди сайёҳӣ ва ҳунарҳои мардумӣ ва солҳои 2019 – 2021 Солҳои рушди деҳот, сайёҳӣ ва ҳунарҳои мардумӣ эълон гардиданд.
Инчунин, барои дар сатҳи зарурӣ рушд додани соҳа, соли 2018 аз тарафи Ҳукумати мамлакат як силсила чораҳои ҳавасмандкунӣ роҳандозӣ шуданд. Аз ҷумла, воридоти таҳҷизот ва масолеҳи сохтмонӣ барои иншооти сайёҳӣ аз пардохти боҷи гумрукӣ ва ширкатҳои сайёҳӣ дар панҷ соли аввали фаъолият аз андози фоида аз даромад  озод гаштанд. Аз 1 январи соли 2018 бошад, фурӯши маҳсулоти мардумӣ аз пардохти ҳамаи намудҳои андоз озод карда шуд.
Ин тадбирҳои андешидаи Ҳукумати мамлакат самараи нек ба бор оварданд ва сол ба сол ташрифи сайёҳонӣ хориҷӣ  ба кишвар меафзояд. Тибқи маълумоти оморӣ, агар соли 2016 аз Тоҷикистон сайёҳони 109 давлати ҷаҳон дидан намуда бошанд, ин рақам соли 2018 ба 146 расида, шумораи онҳо беш аз як миллион нафарро ташкил дод.
Бо итминон метавон гуфт, ки ояндаи соҳаи сайёҳии Ватани маҳбубамон нек аст ва мувофиқи пешгӯии  коршиносон солҳои наздик  Тоҷикистон, бо иқтидори туристии худ, имкон дорад ба яке аз кишварҳои пешрафтаи сайёҳӣ табдил ёбад. Ин дар навбати худ барои рушду нумӯи дигар соҳаҳо ва, ба ин васила, баланд бардоштани сатҳи некуаҳволии мардум мусоидат хоҳад намуд.

Ҳасан АСОЕВ, коршиноси масоили экологӣ, корманди Маркази тадқиқоти
стратегии назди Президенти Ҷумҳурии Тоҷикистон


Баёни ақида (0)    Санаи нашр: 08.11.2019    №: 210    Мутолиа карданд: 3526
03.08.2020


ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД

ДТҶ. БО ИНШООТИ НАВИ ВАРЗИШӢ ҚАРОРДОДИ ҲАМКОРӢ ХОҲАД БАСТ

БАНДУБАСТ ВА СИФАТИ МАҲСУЛОТ. ДУ ОМИЛЕ, КИ САДДИ СОДИРОТ МЕШАВАД

РОҒУН. ҚОНУНШИКАНҲО 17,4 ҲАЗОР СОМОНӢ ҶАРИМА ШУДАНД

ШАҲРИНАВ. КИШОВАРЗОН ҲОСИЛИ ДИЛХОҲ БА ДАСТ ОВАРДАНД

ШАҲРИ ТУРСУНЗОДА. ҲАҶМИ ИСТЕҲСОЛИ МАҲСУЛОТИ САНОАТӢ 419,1 МИЛЛИОН СОМОНИРО ТАШКИЛ ДОД


Дар сомонаҳои дигари Тоҷикистон хонед