logo

иқтисод

МИНТАҚАИ КӮЛОБ. СОХТАКОРӢ ДАР ПАХТАКОРӢ

Ҳоло дар мамлакат маъракаи ҷамъоварии пахта ба охир расида истодааст. Пешқадамони ин ҷода бо мукофотҳои молию пулӣ,  аз ҷумла мошинҳои сабукрав, қадр мегарданд. Аз наворҳои телевизионӣ ҳамагон шоҳид шудем, ки  роҳбарони вилоятҳои Хатлону Суғд Қурбон Ҳакимзода ва Раҷаббой Аҳмадзода ҳамроҳи чинакчиён дар ҳашарҳои умумӣ  ширкат намуда, ба онҳо барору комёбӣ таманно намуданд.

Мушоҳидаю  таҳлилҳо нишон медиҳанд, ки бо вуҷуди дастгирию ҳавасмандсозии пахтакорон бо таъсири омилҳои гуногун баъзеи онҳо  аз уҳдаи иҷрои нақша набаромада истодаанд. Як қисми мутахассисон сабаби ба вуҷуд омадани ин ҳолатро ба гарм шудани иқлим нисбат медиҳанд. Ба андешаи онҳо, маҳз 48 - 50 дараҷа гарм гардидани ҳарорати ҳаво пахтазоронро гулрезу шонарез менамояд. Ин андеша қобили қабул ва ҳақиқати ҳол буда наметавонад. Зеро дар навоҳии гармтарини мамлакат чун Шаҳритузу Ҷиликӯл деҳқонони мумтоз  ҳосили зиёд ба даст меоранд, ки самари кам нест. Бар асоси таҳлили қисми дигари олимону мутахассисони соҳа, таҷрибаи ғанӣ, коркарди хуби агротехникӣ ва сари вақт додани ғизои зарурӣ, имкон медиҳад, ки ҳосили хуб ба даст ояд. Мутаассифона, вақтҳои охир дар баъзе аз ноҳияҳо масъулон ба ин паҳлуи масъала хунукназарӣ менамоянд. 
Мутахассиси ботаҷрибаи соҳаи кишоварзии минтақаи Кӯлоб Ҳабибулло Қулиев гуфт, ки аксари деҳқонони пахтакор дониши  кишоварзӣ надоранд. Сабаби асосии таназзули соҳа низ  ҳамин аст.
- Дар шуъбаҳои кишоварзии шаҳру ноҳияҳои минтақа  ҳамагӣ як агроном фаъолият менамояд, ки ба роҳбарони ҳазорҳо хоҷагии деҳқонӣ маслиҳати зарурию саривақтии соҳавӣ дода наметавонад. Аз ин рӯ, ҳадди ақал дар назди ҷамоатҳои деҳот ба кор қабул кардани агроном аз манфиат холӣ нест, - изҳор дошт ӯ. 
Мушкилоти дигари пахтакорон имрӯзҳо бо  нархи дандоншикан аз хориҷи мамлакат дастрас намудани нуриҳои азотӣ ва минералӣ мебошад. Худ қазоват кунед, ки пахтакор як халта доруи минералиро  бо арзиши 270 сомонӣ дастрас мекунад, вале корхонаҳои коркарди пахта маҳсулоти онҳоро бо нархи ночиз мехаранд. Ин омилест, ки ҳавасмандии деҳқонро нисбат ба кишти пахта аз байн бурда истодааст. Ҳолати мазкур ба иҷро нагардидани нақшаи кишту коҳиш ёфтани ҳосилнокии он оварда расондааст.
Ба андешаи мо, зарур аст, ки дар навбати аввал  масъалаи нархи хариди пахта ва  барқарорсозии корхонаи нуриҳои азотии Вахш ҳарчи зудтар бояд мавриди баррасӣ қарор гирад. Ба кор ҷалб намудани агрономҳои варзидаи соҳа дар ҷамоатҳои деҳот низ амри зарурист. То кай ин мушкилиҳоро масъулони соҳа бо ҳисоботи бардурӯғ пардапӯш менамоянд? Боиси таассуф аст, ки хоҷагие, ки аз як гектар дусад килограмм ҳосил нагирифтааст, аз иҷрои нақша барвақт ҳисобот медиҳад. Корчалонҳои соҳа бо дастгирии баъзе ба ном «коргоҳ», аз ҷумла «Тиллои сафед» - и шаҳри Кӯлоб, боз дурӯғашонро асоснок мекунанд. Бо ин ҳама муаммоҳои печ дар печ фикр мекунам барои ба тағйирёбии иқлим марбут донистани таназзули бахши пахтакорӣ, бавижа  дар минтақаи Кӯлоб, ҷой намемонад.

Ғайбулло ҲАЛИМОВ, рӯзноманигор


Баёни ақида (0)    Санаи нашр: 20.11.2019    №: 218    Мутолиа карданд: 1521
09.08.2022


ИФТИТОҲИ КОНСУЛГАРИИ ФАХРИИ ТОҶИКИСТОН ДАР БАТУМИ

ВАРЗИШ

08.08.2022


“Пешвои миллат ва рушди Тоҷикистони соҳибистиқлол”

НИШАСТИ МАТБУОТӢ

ВАРЗИШ

05.08.2022


Тоҷикистон ҷонибдори тамомияти арзии Чин мебошад

НИШАСТИ МАТБУОТӢ

ТОШКЕНТ. ЯК АНҶУМАНИ МУҲИМ

04.08.2022


Ба зарурати таҳкими ҳамкориҳо таъкид шуд

НИШАСТИ МАТБУОТӢ

СОЗМОНИ ҲАМКОРИИ ШАНХАЙ. БЕШ АЗ 10 ДАВЛАТИ ҶАҲОН ХОСТОРИ УЗВИЯТАНД

ВАРЗИШ

КӮЛОБ. ИФТИТОҲИ НАМОИШИ “ТОҶИКИСТОН – КИШВАРИ ДАРЁҲОИ ТИЛЛОӢ”

03.08.2022


Таҳкими ҳамкорӣ бо кишварҳои арабии Халиҷ

НИШАСТИ МАТБУОТӢ

ТОҶИКИСТОН - САРЗАМИНИ ОБҲОИ ШИФОБАХШ

02.08.2022


НИШАСТИ МАТБУОТӢ

ММТ. ИМКОНИЯТИ ДУБОРА БА ДОВТАЛАБОН

01.08.2022


Пули 760-метра сохта мешавад

НИШАСТИ МАТБУОТӢ

«РОҒУН». ЧАРО БУЗУРГТАРИН СОХТМОНИ АСР ДАР ОСОРИ АҲЛИ ҚАЛАМ КАМ ИНЪИКОС МЕШАВАД?

МУЛОҚОТИ ҲОКИМ ХОЛИҚЗОДА БО САФИРИ ҶОПОН ДАР ТОҶИКИСТОН

ВАРЗИШ

29.07.2022


НИШАСТИ МАТБУОТӢ

27.07.2022


Ҷаласаи вазирони кишоварзии СҲШ

Мулоқотҳои сатҳи ИДМ дар Нур-Султон дар шакли ҳузурӣ баргузор мегарданд

ҶАҲОН ДАР ЯК САТР

ҲОЛАТҲОИ ФАВҚУЛОДА. ТАҲКИМИ ЗАРФИЯТҲО ДАР ПЕШГИРӢ ВА РАФЪИ ПАЙОМАДҲОИ ЭҲТИМОЛӢ

ОЛИМПИАДАИ ҶАҲОНӢ

НИШАСТИ МАТБУОТӢ

ВАНҶ. ОҚИБАТҲОИ ОФАТИ ТАБИӢ БАРТАРАФ КАРДА МЕШАВАНД

26.07.2022


146 шаҳрванди Тоҷикистон аз Сурия ба Ватан баргардонда шуд

БОКС

СММ: “Ҷонибҳои созиши озуқаворӣ тарафдории худро ба ин тавофуқнома тасдиқ намуданд”

ҶАҲОН ДАР ЯК САТР


Дар сомонаҳои дигари Тоҷикистон хонед