logo

ҳуқуқ

КӮШОНИЁН. ЧАНД ҶИНОЯТИ ЯК ДИРЕКТОРИ МАКТАБ

Суди ноҳияи Кӯшониён нисбат ба Наҷмиддин Гулахмедов, собиқ директори яке аз муассисаҳои таълимии ноҳия, бо чанд ҷурм ҷазои ҷарима таъйин карда, ӯро то ду сол аз ҳуқуқи ишғоли мансабҳои муайян маҳрум кард. 
Дар ҷараёни санҷиши прокуратураи ноҳия оид ба ҳолати риоя ва иҷрои талаботи Қонуни Ҷумҳурии Тоҷикистон “Дар бораи маориф” дар муассисаи таҳсилоти миёнаи умумии № 21 - и ноҳия ошкор шуд, ки Наҷмиддин Гулахмедов тӯли панҷ соли сарварӣ дар он ҷо ҷиноятҳои суистифода аз ваколатҳои мансабӣ, сохтакории хизматӣ ва азонихудкунии маблағҳоро содир кардааст.
Чунончи, ӯ аз шаҳрванд Раҳмуддин Ашӯров барои истифодаи замини ёрирасони муассиса ҳар сол (аз соли 2014 то 2018) ду ҳазор сомонӣ гирифта, ин маблағҳоро ба манфиати шахсиаш истифода бурдааст. Ҳамчунин, аз 18 феврали соли 2014 то сентябри соли 2018 мудири хоҷагӣ Шерафкан Валиевро дар ҳама ҳуҷҷатҳо дар ҷойи кор ҳозир нишон дода, ба корти пластикии ӯ 22 ҳазору 999 сомонӣ музди маош гузарондааст. Ин дар ҳолест, ки Шерафкан дар давраҳои зикршуда ба муассиса тамоман наомада, ба ҷойи ӯ падараш Юсуф Валиев корҳои хоҷагидориро иҷро мекардааст. Номбурда айнан бо ҳамин усул тибқи маслиҳати пешакӣ бо Юсуф Валиев, Умаралӣ Валиевро низ аз 1 марти соли 2014 то 25 сентябри соли 2018 ба вазифаи коргари корҳои гуногун ба кор қабул карда, ба корти ӯ дар маҷмӯъ 12 ҳазору 209 сомонӣ музди маош гузарондааст. Умаралӣ ҳам тӯли ин солҳо ба ҷойи кор ҳозир нашудааст.
Н. Гулахмедов моҳҳои октябри соли 2015 - ум 550 сомонӣ,  соли 2016 - ум 4 ҳазору 889 сомонӣ, соли 2017 - ум 2 ҳазору 245 сомонӣ маблағҳои аз буҷети давлат барои харидории масолеҳи сохтмонӣ ва таъмири муассиса ҷудошударо, ки дар ихтиёри ӯ қарор доштанд,  аз они худ кардааст.
Аз маблағҳои моҳонаи хонандагон ҳам дар солҳои таҳсили 2016 - 2018 ҷамъ 7 ҳазору 180 сомониро ба манфиати шахсиаш хароҷот намудааст.
Моҳҳои март - апрели соли 2018 аз падару модари ҳар як толибилм бо баҳонаи таъмири муассиса 35 сомонӣ гирифта, аз 7 ҳазору 445 сомонӣ маблағи ҷамъшуда 3 ҳазорашро барои эҳтиёҷоти худ сарф кардааст.
Суд Н. Гулахмедовро дар асоси моддаҳои 245, қисми 2, бандҳои “а, б, г”, 314, қисми 1 ва 323 - и Кодекси ҷиноятии Ҷумҳурии Тоҷикистон гунаҳгор дониста, бо дастрасии моддаи 67 қисми 2 - и ҳамин кодекс ба ӯ ҷазои ниҳоӣ, яъне ҷарима ба андозаи 400 нишондиҳанда барои ҳисобҳо ва ду сол маҳрум шудан аз ҳуқуқи ишғоли мансабҳои муайян таъйин кард.

Зокир ҲАСАН, “Ҷумҳурият”


Баёни ақида (0)    Санаи нашр: 25.11.2019    №: 221    Мутолиа карданд: 1333

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед